MIHUKAKIÑNIIÑ 7:11 - NITI GONTU N.T. (BSI)

¹¹ Ho hikha miidopopi atañ raddeduko mi gokḛrpala dabiida ho amiabañ atañ mila ho piilye turnii achu-amyo atañmi, ho mohlu mohluka nyimo mi nyanki nyada raddeduko ka hataho ho Pinii mi heriinyada,

MIHUKAKIÑNIIÑ 7:11 ပူးပေါင်းရင်းမြစ်များ

MIHUKAKIÑNIIÑ 4:10

nyikhañhela midiñpiilye amiabañ atañ nyanki do mohka hataho huna raddeduko ho dunii ho mohmi heriinyadonii huna ayu dahepa dukiñ donii; mohlu mohluka tahiñbyopa mi raddeduko ka hataho rilii biido, biisie sibii dola,

MIHUKAKIÑNIIÑ 4:6

ho raddeduko ka hataho hiikaho dotii kakoho sisa ka siimie donii hiilyañ, crystal yalañ chuli. Ho raddeduko mi gokḛrpala, raddeduko ka pache pache dalyi, piilye turnii achu-amyo atañ, poteje amee adiñ giitola kiiliñ hata pada da:

MIHUKAKIÑNIIÑ 11:16

Ho nyikhañhela piilye amiabañ hutiina mohluka raddeduko ho dutiinii Pinii ka hataho mohluka nyimo chukila ho Pinii mi heriido,

MIHUKAKIÑNIIÑ 4:4

Gokḛrpala raddedukoho nyikhañhela piilye raddeduna nanii do, ho raddeduko ho nyikhañ hela piilye amiabañ atañ du, puloo pulye giitola, ayyiñ hokii tahiñbyopa giitola mohluka dinta atañ ho.

HIBRU 1:6

Ho hiira, mohka butu wiinga mika dohadolo soka ahgii lyiho, mo lune, “Hikha Pinii ka miidopopi atañ mohmi herii tolya.”

JON KA AYAPUYU 5:23

niimpalukoda miilañ rumi Oho mi khiike nendupahiila, Aba mika mohluka khiichañ ho. Hii huna Oho mi khiima nii hii Aba mitrḛ khiima mohmi huna kiiniñ tiinii.

METHU 4:10

Ho Jisu mohmi lutii, “Dasato, Saitan! Niimpalukoda hiila ketola do, ‘Nunu niika Attoh Pinii mi kontii heriito ho mohmi kontii miihoto.’”

MIHUKAKIÑNIIÑ 22:9

hojalo mo ngiimi luhii, “No hiimi miiyo! ngo niika agiñho miira ahiñ siike ho niika nyibuhenii anubarmii atañka, ho hiika atañ agiñho hutiina siika kheta daka aguñ atañmi atii biidonii. Pinii mi heriito.”

MIHUKAKIÑNIIÑ 15:4

Hu biiso kema ho niika armyañ mi assañ kema, O Attoh? Niimpalukoda no kontiisii darii. Hikha ganda atañ ahbiila ho niimi herii kendo, niimpalukoda niika ayakacho kaniiñmi kakiñ tiiku.”

MIHUKAKIÑNIIÑ 4:8

Ho piilyeru turnii achu-amyo hii, kone abikii ale lekhe giitola, poteje amee giitola gokḛrpala ho ura ho, ho allo ayoh mi mohlu pema biisie singuma, “Darii, darii, darii, Attoh Pinii Tamoja, huna dutiinii ho du ho ahkiñ donii!”