MIHUKAKIÑNIIÑ 6:12 - NITI GONTU N.T. (BSI)

¹² Mo khiihnii jhipponiimi miiko kiile, ngo kapato, ho kato, hiikoho hempḛr uro myobu hudomi; ho danyi hii piichañ gata naniiñ mitrḛ jih yadomi, karbyañ piilo hii ai hiilyañ lyine,

MIHUKAKIÑNIIÑ 6:12 ပူးပေါင်းရင်းမြစ်များ

METHU 24:29

Hiika hentḛrkanyi allo loja dala la, ho danyi hii kamo rikiñdo, ho piilo hutoh byobi kemma, ho takḛr atañhii yapuñ hokii huhi kendo, ho yapuñ atañ daka harchichike hii abyu rikiñdo;

MIHUKAKIÑNIIÑ 16:18

Ho hiikaho dolya byoliñdo, adu-abiñne, yapuñ geniiñ, ho hempḛr uro myobu hudo hiitañ ronge hetrḛ miyu atañka kiiddiapiñ hoka dubii hokii huka manii, hiitañ uro hiika myobu huniiñ.

MIHUKAKIÑNIIÑ 11:13

Ho hiika myodu jaho hempḛr uro myobu hune, ho citi ka alyañnii hakhu hii yahine; miyu jakkanuhe shiine myobu hukoho, ho khiibe atañ biiso nyane ho assañ nyane dariiganda daka Pinii mi.

MIHUKAKIÑNIIÑ 8:5

Ho miidopopi byana naniimi jola la ho hiikoho poteje yamu rulii biido agyañ hokii ho kiiddiapiñho ripa lobiido; ho hempḛr goropa yapuñ gendo, adu-abiñ do, dolya byodo, ho myobu hudo.

METHU 24:7

Niimpalukoda ganda ponge hii ganda ponge mi parii kendo, ho raddeganda hii raddeganda konemi, ho diime ahkiñdo ho myobu huniiñ hii ganda siiko abi hukiñ doke:

MAK KA AYAPUYU 15:33

Ho alloka gunta talyañlenye ahku kiile, hikha kiiddi apiñ ho kamo ramba lyiritii alyiñdalyi ka gunta tahiñ lyihepa.

METHU 28:2

Ho kato, hiiko hempḛr uro myobu hutii; niimpalukoda dariiganda hokii Pinii ka miidopopi totii ho ahtii ho yalañ mi giipa biido, ho hiiko dutii.

METHU 27:54

Ho Rom sipahi sabii ho mohka agiñ hoka danii, Jisu mi kahlya la dola, myobu huniiñ mi ho nii lyitii hiimi kappatii, mohlu biiso nyatii, ho lutii, “Jijeloda Siikasi Pinii ka oho ke!”

METHU 27:45

Siisi allo ka gunta talyañlenye hokii hikha kiiddi apiñ hii kamo ramba lyiritii gunta tahiñ lyihepa.

METHU 11:21

“Nunupa aiya hiila hembido, Korajin! Nunupa aiya hiila hembido, Betsaida! Niimpalukoda nunukoka kahe miigo miiniiñmi Tayer la Sidon nyiho miitii kodalya, mohlu bilo henkur tiikudo niirepulye la mubu nyiho.

MIHUKAKIÑNIIÑ 8:12

Piilyenii miidopopi mohka siirii mi mubiido, ho danyi ka hingenii hakhu mi tiidiñ biido, ho piilo ka hingenii hakhu mi, ho takḛr atañka hingenii hakhu mi, hiikohopa mohluka hutoh ka hingenii hakhu hii kamo rine; allo ka hingenii hakhu mi byoku madopa miibiine, ho hiichulipa ayoh ka hingenii hakhu mitrḛ.

MIHUKAKIÑNIIÑ 16:8

Piilyenii miidopopi mohka paaka mi danyi ho riipu biido, ho hiika hii miyu atañmi hempḛr uro yamu hiilyañ bembiido;