MIHUKAKIÑNIIÑ 6:11 - NITI GONTU N.T. (BSI)

¹¹ Ho mohlumi kone abimi puloo tarii bersa binya biine ho lubiine ichuche hemmo lyatorañ, nunuka miira ahiñ mila ho nunuka anubarmii atañ mitrḛ abbi dopa, hutii mina menkiñ dorañnii nunu mika mencha ho.

MIHUKAKIÑNIIÑ 6:11 ပူးပေါင်းရင်းမြစ်များ

MIHUKAKIÑNIIÑ 7:9

Siika hiibaho ngo kapato, ho kato, hempḛr taro miyu nii mina miyu kone hetrḛ khiila kema, ganda kone abi hokii, kapane halugiira hokii ho miyuatañ, ho aguñ atañ, raddeduko ka hataho danyada ho Siibuñ ka hataho, puloo tarii giinya tola, pam sannii ka halloh mi biitola mohluka alah ho,

MIHUKAKIÑNIIÑ 14:13

Ho ngo tapato aguñ dariiganda hokii lubiidola, “Keto siimi: Lyanko kendo siisi kiija shiinii atañ hutiina shiidonii Attoh ko.” “Lyanko kendo jijeloda,” yajiyallo hii ludo, “niimpalukoda mohlu dumo kendoku mohluka miigo miiniiñ hokii, niimpalukoda mohluka miiniiñ hii mohlumi injo mokiñdo!”

MIHUKAKIÑNIIÑ 7:14

Ngo mohmi lutii, “Tonsḛrbo, no chindo.” Ho mo ngiimi luhii, Siika atañsi mohlu hutiina hempḛr kahe hentḛrkanyi hokii lintii kunii; mohlu mohluka tarii mi ase tiiku ho hiika atañmi puloo dopa miitiiku Siibuñ ka ai lo.

HIBRU 11:40

niimpalukoda Pinii kakiñ kempyotii ayayapa ngunupa, niimpalukoda ngunumi apalala mohlumi digoabiaya dopa miila kema.

JON KA AYAPUYU 16:2

Mohlu nunumi sinagog ka agoho nempa lilyido; jije, myodu hii ahlado hujalopa nunumi menchi mohlu hensu kendo Pinii pasu miidunii hiila.

MIHUKAKIÑNIIÑ 17:6

Ho ngo annii akha mi kapato, piniimiyu atañka ai hokii tangii tola ho Jisu paka shiibi nii atañka ai mi. Ngiika mohmika kapa lyiho ngo ano hemurto.

MIHUKAKIÑNIIÑ 13:15

ho achu-amyo mika puchi niimi allyi mulii dopa bibiido niimpalukoda achu-amyo ka puchi niimi lula lohe lula dopa, ho hutiina achu-amyo mika puchi niimi herii manii hiimi mendopa.

METHU 10:21

Anu abañ anya hii shiigo ubuho tiilii siikiñdo, ho aba hii mohka wiinga mi, ho wiinga atañ annii-aba mi chekho rikiñdo ho mohlumi siido pa miikiñdo;

LUK KA AYAPUYU 15:22

Hojalo aba lutii mohka miira atañmi, Nyibyaloda ayaja tarii mi biiliñ, ho mohmi agiito; ho mohka alah ho lachañ kheliito, ho mohka alih ho luku agiito;

MIINIIÑ 20:24

Hojalo ngo ngiika sango mi hang khiiniiñ pa hensuma malo ngo attohmi, ngo matiirḛ miipe dokoda ngiika miigomi ho miigolugo mi nii mina ngo Attoh Jisu kokii larii tiinii, Pinii ka aroh-aya ka ayapuyu mika pyako niisimi.

2 TESOLONIA 1:7

ho nunumi ngunuka agiñho dumo dopa bikiñdo hutiina heru henyatiinii, niida Attoh Jisu dariiganda hokii mohka tamo miidopopi ka agiñho yamu miilyo ho kakiñ kendo,

2 TIMOTI 4:7

Ngo ngiika aya pago mi patii ku, ngo ngiika hargomi haja tiiku, ngo henje mi atii tiiku.

HIBRU 4:10

niimpalukoda hu jalopa Pinii ka dumoko ahchi mohka miigomi dumo kendo Pinii ka mohka miigo hokii ka miichañ ho.

HIBRU 12:23

ho butu wiinga ka dakuñ koho hutiimina dariiganda ho kelii tola donii, ho ayakacho kanii huna hikha ruka Pinii nii, ho denki miyu atañka yajiyallo mi digoabiaya dopa miitii,

MIHUKAKIÑNIIÑ 10:6

ho hemmetii mohkiilo huna ayu dahepa sankiñ donii, huna dariiganda mi putiinii ho hiiko hoka donii atañmi, ho kiiddiapiñ mi ho hiikohoka dunii atañmi, ho siimie mi ho hoka danii atañmi, niimpalukoda dakañ ano kumadopa,