MIHUKAKIÑNIIÑ 5:13 - NITI GONTU N.T. (BSI)

¹³ Ho ngo tapato achu-amyo koneabi dariiganda daka la ho kiiddiapiñho ho kiiddiapiñ ka ura daka ho siimie dakii, ho hikha hiika hoka danii, lula dopa, “Mohmi huna raddeduko ho dunii ho Siibuñ mi lyanto ho kito ho assañto ho tamo dokiñcho ayu dahepa!”

MIHUKAKIÑNIIÑ 5:13 ပူးပေါင်းရင်းမြစ်များ

PILIPIA 2:10

niimpalukoda Jisu ka armyañ pa koneabi ka liibañ khanga kendo, dariiganda la kiiddiapiñ nyiho ho kiiddi ka ura lohe,

MIHUKAKIÑNIIÑ 5:3

Ho kone hetrḛ dariiganda malo kiiddiapiñ malo kiiddi ka ura hokii khako lamane karkiesiilyo mi malo hiimi kaka lamane,

MIHUKAKIÑNIIÑ 5:12

hempḛr goropa lubiidola, “Khiiniiñke siibuñ huna menko tiinii, tamo mi larii dupa ho mingotamo ho chila ho harchichike ho kito ho tatukatu ho lyaniiñ mi!”

ROM MIKA POL KA SIITI KENIIÑ 11:36

Niimpalukoda mohkokii ho mohkiilo ho mohpa hikha drih atañsi. Mohmi assañ kencho kolyuñkolo dahepa. Amen.

1 PITAR 5:11

Mo ayudahepa domiñ biikiñcho. Amen.

LUK KA AYAPUYU 2:14

“Pinii mi uro japa assañto, ho kiiddiapiñ so Chimie hii miyu ko dokiñ doke humina mo hempyo biidunii!”

MIHUKAKIÑNIIÑ 6:16

putoo atañla yalañ atañmi lubiido, “Ngunu ko huhito ho ngunumi achuñ biipe mohka nyitumoru hokii huna raddeduko ho dunii, ho Siibuñ kokii ka hadii ahsanii hokii;

JUD KA SIITI KENIIÑ 1:25

Pinii kone kontii pa, ngunu mika lyangur bo Jisu Kristo ngunu Attoh kiilo, tatukatumi, kahejami, domiñniimi, ho otority mi, kolyuñkolo jaho hokii ho siisi kii ayu dahepa dokiñcho. Amen.

ROM MIKA POL KA SIITI KENIIÑ 16:27

chiniiñ Pinii mi kontii assañ kencho ayudahepa Jisu Kristo kiilo! Amen.

ROM MIKA POL KA SIITI KENIIÑ 9:5

mohlu biloka aba-apa kokii, ho mohluka halu hokii, asiialyo kii dalyi lusu dokoda, hii Kristo. Pinii kapanemika kagiibo, hikha rumi lyankiñdo ayudahepa. Amen.

MIHUKAKIÑNIIÑ 5:6

Ho raddeduko punkoho piilye turnii achu-amyo ho amiabañ atañka punkoho, ngo siibuñ kone dapa kapato, menko kunii hiilyañ, kanuhe arii giitola ho amee pukkanuhe giitola, hiikahii Pinii ka kanuhe yajiyallo hiimi kiiniñtii hikha kiiddiapiñ so;

MIHUKAKIÑNIIÑ 1:6

ho ngunumi miitii raddeganda pa, mohka Pinii la Aba nyika nyibupa, mohmi assañ kencho ho pamiñbiinii ayudahe dokiñ cho. Amen.

1 PITAR 4:11

hujalo luchi, kone Pinii ka luniiñ mika lubinii hiilyañ; hujalo miigo miiho talyi, miihoto hiimi Pinii kokii ka tamo bitii niihiilyañ; niimpalukoda kapaneho Pinii mi assañdopa Jisu Kristo kiilo. Mohkiike tatukatu hii ho pamiñ biiniiñhii ayudahepa. Amen.

IPISIA 3:21

mohmi assañdiilañ kencho gyoliñkonii ho Kristo Jisu ko hikha santuñ atañso, ayudahepa. Amen.

MIHUKAKIÑNIIÑ 5:9

ho mohlu niti biisie sido, lubiidola, “No khiiniiñ pa lyido karkiesiilyo mi lariiniipa ho hiika jhipponiimi miiko dopa, niimpalukoda no menkotii ho niika ai hii miyu atañmi tupya tii Pinii pa halu kone abi hokii ho aguñ ho miyuatañ ho ganda mi,

KOLOSIA 1:23

nunumi henjeho dakañ kiine dupa, abyumapa bilo henju ho henkañdopa, ayapuyu ka hentiñ nii hokii hengu madopa nii mina nunu tapa tiinii, nii mina pukonii kone abimi tonsḛr khenyo tiinii dariiganda ka ura hoka daniimi, ho niihpana, ngo, Pol miihoniipa lyitiinii.

METHU 6:13

Ho tenkalarka ho ngunumi aliiyo, hojalo ayamanii hokii ngunumi tupyape.

1 TIMOTI 4:16

Atohmi hendi siitolya ho niika tonsḛr niimi; hiimi miikañ ari miitolya, niimpalukoda hiila miibiidola no lyangur siikiñdoke atoh mitrḛ ho niikii mika tanii atañ mitrḛ.

JON KA AYAPUYU 1:29

Allo lohe yaho mo Jisu mi mohkii dalyi ahla dopa kappatii, ho lutii, kato, Pinii ka subuñ atu, huna dohadolo ka ingyamiigya niimi bapa bidonii!

MIHUKAKIÑNIIÑ 5:1

Ho ngo kapato mohka lahbi alah ho huna raddeduko ho dunii karkiesiilyo ako ura hoka keniiñ ho hiika kiiliñho, jhippotola do kanuhe jhipponaniiñlo;

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.