MIHUKAKIÑNIIÑ 4:4 - NITI GONTU N.T. (BSI)

⁴ Gokḛrpala raddedukoho nyikhañhela piilye raddeduna nanii do, ho raddeduko ho nyikhañ hela piilye amiabañ atañ du, puloo pulye giitola, ayyiñ hokii tahiñbyopa giitola mohluka dinta atañ ho.

MIHUKAKIÑNIIÑ 4:4 ပူးပေါင်းရင်းမြစ်များ

MIHUKAKIÑNIIÑ 11:16

Ho nyikhañhela piilye amiabañ hutiina mohluka raddeduko ho dutiinii Pinii ka hataho mohluka nyimo chukila ho Pinii mi heriido,

METHU 19:28

Jisu mohlumi lutii, Jijeloda, Ngo nunumi lukoso, niti dohadolo so, niida miyu ka Oho mohka akhoja radde dukoho duchiku, nunu hutiina ngiimi imbo mondonii hiitḛr alyañlenye radde dukoho dukiñ doke, Isrel ka halu alyañlenye mi sangii gyagiila.

MIHUKAKIÑNIIÑ 4:10

nyikhañhela midiñpiilye amiabañ atañ nyanki do mohka hataho huna raddeduko ho dunii ho mohmi heriinyadonii huna ayu dahepa dukiñ donii; mohlu mohluka tahiñbyopa mi raddeduko ka hataho rilii biido, biisie sibii dola,

MIHUKAKIÑNIIÑ 7:11

Ho hikha miidopopi atañ raddeduko mi gokḛrpala dabiida ho amiabañ atañ mila ho piilye turnii achu-amyo atañmi, ho mohlu mohluka nyimo mi nyanki nyada raddeduko ka hataho ho Pinii mi heriinyada,

MIHUKAKIÑNIIÑ 20:4

Ho ngo kapato raddeduko atañmi, ho hiika atañ hoka dunii atañ ayakacho mi kaniipa. Hiira kapatota yallo atañmi hutiina langu patu konya biinenii Jisu mika pyako kopa ho Pinii ka aguñpa, ho hutiina achu-amyo mi herii nyama nenii malo hiika puchiniimi ho hutiina hiika miiho niimi mohluka tiirii ho malo alah atañ ho giima nenii. Mohlu turi neku, ho Kristo ka agiñho anyañ jare sangii sahiñ mone.

MIHUKAKIÑNIIÑ 5:14

Ho piilye achu-amyo atañ lutii, “Amen!” ho amiabañ atañ chuhila ho heriinyatii.

MIHUKAKIÑNIIÑ 5:8

Ho mo karkiesiilyo mi lala la, piilye achu-amyo atañ la nyikhañ hela piilye amiabañ atañ Siibuñ ka hataho chuki lyudo, kone abi berañ mi biitola, ho ayyiñ piichañ ho poteje byamunanii biitola, niihna piniimiyu atañka kuniiñ atañ nii;

LUK KA AYAPUYU 22:30

niimpalukoda nunu ngiika diitananii ho ngiika raddeganda ho diibo tambo kendoke, ho radde duko ho dula Isrel ka halu tolyañ lenye mi kagii kendoke.

2 TIMOTI 4:8

Ho siisikii ngiipa atii bitiiku denki ka tayyiñbyopa mi, nii mina Attoh, denki gondu, bikiñ donii hiika Allo ho, ho ngiimi kontiima hojalo hikha hiika atañ miilañmi hutiina mo ka ahkur saku niimi hemmi nyadonii.

MIHUKAKIÑNIIÑ 19:4

Ho nyikhañ hela piilye amiabañ atañ ho piilye achu-amyo atañ chukila ho Pinii mi heriido huna raddeduko ho dunii, lubiidola, “Amen. Halleluya!”

MIHUKAKIÑNIIÑ 7:9

Siika hiibaho ngo kapato, ho kato, hempḛr taro miyu nii mina miyu kone hetrḛ khiila kema, ganda kone abi hokii, kapane halugiira hokii ho miyuatañ, ho aguñ atañ, raddeduko ka hataho danyada ho Siibuñ ka hataho, puloo tarii giinya tola, pam sannii ka halloh mi biitola mohluka alah ho,

MIHUKAKIÑNIIÑ 19:14

Ho dariiganda daka armi atañ, giinyatola aya pulye hokii, puloo ho darii, mohmi imbo mondo puloo gora atañ.

MIHUKAKIÑNIIÑ 6:11

Ho mohlumi kone abimi puloo tarii bersa binya biine ho lubiine ichuche hemmo lyatorañ, nunuka miira ahiñ mila ho nunuka anubarmii atañ mitrḛ abbi dopa, hutii mina menkiñ dorañnii nunu mika mencha ho.

MIHUKAKIÑNIIÑ 9:7

Kakoho kormu atañ hii gyambo pate paka gora danii hiilyañdo; mohluka dinta ho kakoso ayyiñ ka tahiñbyopa giidonii hiilyañdo; mohluka nyitumoru hii miyu ka nyitumoru hiilyañdo,

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

MIHUKAKIÑNIIÑ 3:18

Hopa ngo nunumi yardu ngiiko hokii riito yamu loka nitimiikunii ayyiñ mi, niimpalukoda nunu mingo dupa, ho puloo pulye nunu atohmi ahgii siidupa ho nunuka ahuara hiinyañ saniiñmi achuñ giidupa, ho diiro nunuka amee ho nesu dupa, niimpalukoda nunu kapa dupa.

MIHUKAKIÑNIIÑ 4:6

ho raddeduko ka hataho hiikaho dotii kakoho sisa ka siimie donii hiilyañ, crystal yalañ chuli. Ho raddeduko mi gokḛrpala, raddeduko ka pache pache dalyi, piilye turnii achu-amyo atañ, poteje amee adiñ giitola kiiliñ hata pada da:

MIHUKAKIÑNIIÑ 5:6

Ho raddeduko punkoho piilye turnii achu-amyo ho amiabañ atañka punkoho, ngo siibuñ kone dapa kapato, menko kunii hiilyañ, kanuhe arii giitola ho amee pukkanuhe giitola, hiikahii Pinii ka kanuhe yajiyallo hiimi kiiniñtii hikha kiiddiapiñ so;

MIHUKAKIÑNIIÑ 5:11

Ho ngo kakatii, ho ngo tapatii raddeduko aruñare ho turnii achu-amyo atañ ho amiabañ atañ ho abuje miidopopi atañka luniiñ, khiikha lama jare adi jalyañhe miidopopi,

MIHUKAKIÑNIIÑ 14:3

ho mohlu niti biisie sine radde duko ka hataho ho piilye turnii achu-amyo ka hataho ho amiabañ ka hataho. Kone hetrḛ hiika biisie mi sichiñ giimane 144000 kontiisii hutii mina kiiddiapiñ hokii tupya tukunii.