MIHUKAKIÑNIIÑ 3:5 - NITI GONTU N.T. (BSI)

⁵ Hii huna pamiñdonii giikiñdo sichuli puloo pulye atañmi, ho ngo nyupa tama mohka armyañ mi sango ka kheta hokii; Ngo mohka armyañ mi Aba la mohka miidopopi atañka hata ho khako talyi.

MIHUKAKIÑNIIÑ 3:5 ပူးပေါင်းရင်းမြစ်များ

METHU 10:32

Hopa kone abi huna ngiimi miyu ka hataho luko talyinii, Ngotiirḛ luko talyi dariiganda daka Aba ka hataho;

MIHUKAKIÑNIIÑ 21:27

Hojalo hang kacho hiikaho ahkiñma, malo hu kone jalopa huna miinyo donii kanamaniimi malo amuhmi, hojalo hiika atañsii hukiina ketola donii Subuñ ka sango ka kheta ho.

MIHUKAKIÑNIIÑ 20:15

ho hu koneka jalo armyañ mi matiirḛ kapa makoda sango ka kheta ho ketola dopa, mohmi yamu ka siimie ho jopa liikiñdo.

LUK KA AYAPUYU 12:8

“Ho Ngo nunumi lukoso, koneabi huna ngiimi miyu ka hata lukotalyinii, miyu ka Oho tiirḛ Pinii ka miidopopi atañka hataho luko kendo

MIHUKAKIÑNIIÑ 17:8

Achu-amyo niika kapanii hii, ho siisi nyima, ho hiika hii kamoramba ura hokii chakiñdo ho pamyo kenko ho inkiñdo; ho kiiddiapiñ hoka dunii atañ huka armyañ na sango ka kheta ho kemanii dohadolo mika liidi rabii jaho hokii, kapuñtale nyakiñdo achu-amyo mi kala la, niimpalukoda hiika hii dune ho nyima ho ahkiñ do.

MIHUKAKIÑNIIÑ 20:12

Ho ngo kapato shiinii mi, kaye atu nyimi, raddeduko ka hataho dapa, ho kheta atañmi beko biine. Hiira kheta taheyami beko biine, hiikahii sango ka kheta. Ho shiinii atañmi halii biine nii hiila na kheta atañ ho ketola donii, niihna mohlu miitiinii.

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

MIHUKAKIÑNIIÑ 2:7

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii. Huna pamiñdonii hiimi ngo diike nenchi sango ka sannii hokii, niihna Pinii ka Diilyañdiiloganda ho dunii.’

PILIPIA 4:3

Ho nunu mitrḛ ngo kulyi ke, jije ajiñ atañ, siika annii akha atañmi hembyuñ to, niimpalukoda mohlu ngiika agiñho ngiimi miibyuñ montiike ayapuyu lukoko Klement ka agiñho ho khiibe ngiika miigo miihiñ agiñho, huka armyañ na sango ka kheta ho ketola donii.

MIHUKAKIÑNIIÑ 19:8

siikasi mohmi pulye aya hokii giiju dopa bitiike, hudakhada ho darii hokii” niimpalukoda aya pulye hii denki miijoke piniimiyu atañka.

MIHUKAKIÑNIIÑ 22:19

ho hu kone jalopa siika nyibuheniiñ kheta sokii aguñmi lapa talyi, Pinii mohpaniimi lapa kendo sango ka sannii hokii ho darii citi hokii, niihna siika khetaso keto la donii.

MIHUKAKIÑNIIÑ 3:4

Hojalo siisi lohepa lamapa armyañ tonge giido ranke Sardis ho, miyuatañ huna mohluka tarii mi miibḛr giima ranii ho mohlu ngiika agiñho imbo kendoke puloo pa, niimpalukoda mohlu khiiniiñ.

JUD KA SIITI KENIIÑ 1:24

Siisi mohmi huna nunumi huhi saniiñ hokii latu lakiñdonii ho huna nunumi kakiñ lakiñ donii mohka tatukatu ka hataho hang pahañ hansa giima dopa hempyo ka agiñho,

LUK KA AYAPUYU 10:20

Hojalo hempyo nyayo siika sipa, yajiyallo atañ nunuka luniiñ tado hiila; hojalo hempyo nyato nunuka armyañ hii dariiganda ho ketiiku hiila.”

MIHUKAKIÑNIIÑ 2:11

Hii hukiina yaroo giidonii, mohmi take nento niihna Yajiyallo hii gyoliñkonii atañmi ludonii. Huna pamiñdonii pema achihdopa miiko kemake ronye niika shiiniiñlo.’

MIHUKAKIÑNIIÑ 3:12

Hii huna pamiñtiinii, Ngo mohmi ngiika Pinii ka piniiude ka siirañpa miichi; pema mo hiiko hokii agoho linkiñma, ho ngo mohko ngiika Pinii ka armyañ mi kechi, ho ngiika Pinii ka citi ka armyañ mi, niti Jerusalem niihna ngiika Pinii kokii todonii dariiganda hokii, ho ngiika atohka niti armyañ mi.

MIHUKAKIÑNIIÑ 6:11

Ho mohlumi kone abimi puloo tarii bersa binya biine ho lubiine ichuche hemmo lyatorañ, nunuka miira ahiñ mila ho nunuka anubarmii atañ mitrḛ abbi dopa, hutii mina menkiñ dorañnii nunu mika mencha ho.