MIHUKAKIÑNIIÑ 3:12 - NITI GONTU N.T. (BSI)

¹² Hii huna pamiñtiinii, Ngo mohmi ngiika Pinii ka piniiude ka siirañpa miichi; pema mo hiiko hokii agoho linkiñma, ho ngo mohko ngiika Pinii ka armyañ mi kechi, ho ngiika Pinii ka citi ka armyañ mi, niti Jerusalem niihna ngiika Pinii kokii todonii dariiganda hokii, ho ngiika atohka niti armyañ mi.

MIHUKAKIÑNIIÑ 3:12 ပူးပေါင်းရင်းမြစ်များ

MIHUKAKIÑNIIÑ 22:4

mohlu mohka nyimo mi kapa kendo, ho mohka armyañ hii mohluka tiirii atañ ho giikiñdo.

MIHUKAKIÑNIIÑ 21:2

Ho ngo kapato darii citi mi, niti Jerusalem mi, tola dopa dariiganda Pinii kokii, mihie mika mohka millo paka giiju ajubitii nii hiilyañ;

MIHUKAKIÑNIIÑ 14:1

Ho ngo kakele, ho kato, Zayon Putoo ho Subuñ dami, ho mohka agiñho 144,000 miyu dami mohluka tiirii ho mohluka armyañ ho mohluka aba ka armyañ mi kegii tola.

GELESIA 2:9

ho mohlu chilakula la ngiimika aroh-aya biniiñmi, Jems ho Cepas ho Jon, hutiina khiiko nyatii nii siirañ rañtupa dugii nyado hiila, Barnabas ngiinyi mi lahbi alah ka dukuñ siiniiñ mi lyuriila mi, ngiinyi mi Midomiyu ko indopa ho mohlu mitupipa koniiñ atañ ko;

MIHUKAKIÑNIIÑ 2:17

Hii hukiina yaroo giidonii, mohmi take nento niihna Yajiyallo ludonii gyoliñkonii atañmi. Hiika atañmi hutiina pamiñdonii ngo bichi manna tonge achuñ tola doniimi, ho ngo mohmi puloo yalañ mi bichi, niti armyañ ka agiñho hiika yalañho ketola nii mina kone hetrḛ chimanii hii kontiisii huna hiimi lariidonii.’

HIBRU 12:22

Hojalo nunu Zayon Putoo ho chatii ho turnii Pinii ka citi ho, dariiganda ka Jerusalem, ho khiikha lama miidopopi atañka hempyo laka dakuñko,

1 JON 4:4

Himme atu atañ, nunu Pinii kokii ke, ho hiika atañmi pamiñ tiiku; niimpalukoda mo huna nunuka ura ho dunii hii siika dohadolo daka doniimi kaye yake.

MIHUKAKIÑNIIÑ 2:7

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii. Huna pamiñdonii hiimi ngo diike nenchi sango ka sannii hokii, niihna Pinii ka Diilyañdiiloganda ho dunii.’

IPISIA 3:15

hukohokiina hikha uru koneabi dariiganda la kiiddiapiñ nyika armyañ mi myantiinii,

MIHUKAKIÑNIIÑ 17:14

mohlu gyambo pakiñdo Subuñmi, ho Subuñ hii mohlumi pamiñ kendo, niimpalukoda mo attoh atañka Attoh ho radde atañka Radde, ho hutiina mo agiñho danii hiika atañ gyokodo kahekonii ho lotii.”

HIBRU 13:14

Niimpalukoda siikaso ngunu kii dokañ saniiñ citi nyima ke, hojalo ngunu medu ahsanii citi mi.

MIHUKAKIÑNIIÑ 2:11

Hii hukiina yaroo giidonii, mohmi take nento niihna Yajiyallo hii gyoliñkonii atañmi ludonii. Huna pamiñdonii pema achihdopa miiko kemake ronye niika shiiniiñlo.’

MIHUKAKIÑNIIÑ 3:5

Hii huna pamiñdonii giikiñdo sichuli puloo pulye atañmi, ho ngo nyupa tama mohka armyañ mi sango ka kheta hokii; Ngo mohka armyañ mi Aba la mohka miidopopi atañka hata ho khako talyi.

MAK KA AYAPUYU 12:16

Ho mohlu pere biilii bitii. Ho mo mohlumi lutii, “Huchuli dope si, ho huka armyañ giido?” Mohlu mohmi lutii, “Kesar kii”