MIHUKAKIÑNIIÑ 3:10 - NITI GONTU N.T. (BSI)

¹⁰ Niimpalukoda nunu ngiika yanupa pigiito hiiniiñmi atiibiido, ngo nunumi tenka nii myodu hokii lapya talyi niihna hikha dohadolo so ahla donii, hiika atañmi tenka dupa hutiina kiiddiapiñ so dunii.

MIHUKAKIÑNIIÑ 3:10 ပူးပေါင်းရင်းမြစ်များ

2 PITAR 2:9

ho Attoh chindu niitañpana tupya kendonii piniimiyu atañmi tenka nii hokii, ho ingyamiigya miyu atañmi atii biidu miikhiiñ dupa ayakacho kalyi allo lohepa,

MIHUKAKIÑNIIÑ 14:12

Siika sike gyoniiñ pigiikiinedupa piniimiyu atañmi, hiika atañ hutiina Pinii ka lujubiniiñ mi atii biidonii ho Jisu ka henje mi.

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

1 KORINTIA 10:13

Hang tenkalarka hii nunumi hamelokiñ make niihna miyuatañ koka amayanii. Pinii lotiike, ho mo nunumi tenkalarka kiine kemake nunuka dagii lasa manii hokii, hojalo tenkalarka ka agiñho lembo tiirḛ pabi kendoke hargii kopa, niimpalukoda nunumi hiimi pigii ladopa.

1 PITAR 4:12

Heniiñja, aluñ lyayo nunukoka herumyanka ahlyi ho niihna nunumi miidḛr dupa ahdonii, dumiñ hoka lyika maniiñ drihja nunuko lyido hiilyañ.

MIHUKAKIÑNIIÑ 1:9

Ngo Jon, nunuka anu, huna nunuka agiñho hembo montiinii Jisu ko hentḛrkanyi mi ho raddeganda pa ho yanupa pigii biidola, siilokiiddi Patmos luniiñho ahtii Pinii aguñ kiipa ho Jisu mika pyako kopa.

METHU 6:13

Ho tenkalarka ho ngunumi aliiyo, hojalo ayamanii hokii ngunumi tupyape.

MIHUKAKIÑNIIÑ 13:10

Hu kone jalo matiirḛ nyima lako kendo, nyima lako kendoke mo; mi kone matiirḛ ilyo lo pakhii kokiñ dokoda, ilyo lo mo pakhii kokiñdo loda. Siika sike gyoniiñ pigiidopa ho piniimiyu atañka henje.

IPISIA 6:13

Hopa hikha Pinii ka gyambo pana naniiñ dankho panyi atañmi giito, niimpalukoda nunu diimmah allo ho datḛr siina naniiñpa, ho hikha miija kula la, daladopa.

MIHUKAKIÑNIIÑ 8:13

Ho ngo kakele, ho ngo tapato khoñkhu koneka hempḛr goropaka gyuniiñmi, hiikahii yapuñ hahoho gola dala, aiya, aiya, aiya hiila hembido hutiina kiiddiapiñ ho dunya dunii, koneya siirii muna nanii mika muri lyiho nii mina hingenii miidopopi atañ mupa miidonii!

MIHUKAKIÑNIIÑ 6:10

mohlu hempḛr goropa gyurine, “O Kayeja Attoh, darii ho jije, ne diirii kendo rañ niika halii sanii ho nunuka ai paka miili sanii hutiina kiiddiapiñ ho dunya durañnii?”

MIHUKAKIÑNIIÑ 17:8

Achu-amyo niika kapanii hii, ho siisi nyima, ho hiika hii kamoramba ura hokii chakiñdo ho pamyo kenko ho inkiñdo; ho kiiddiapiñ hoka dunii atañ huka armyañ na sango ka kheta ho kemanii dohadolo mika liidi rabii jaho hokii, kapuñtale nyakiñdo achu-amyo mi kala la, niimpalukoda hiika hii dune ho nyima ho ahkiñ do.

MIHUKAKIÑNIIÑ 13:14

ho hiika kagiñnaniilo nii mina miila dopa bitiinii achu-amyo ka dapa, hii talubalodo hutiina kiiddiapiñ so dunii, mohlumi achu-amyo pa puchi tote hiila lutii nii mina une agii tiinii ilyo lo ho hojalo turla da;

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

METHU 26:41

Hurola duto ho kuto nunuko tenkalarka ahma yapa; yajiyallo si tasu dope hensu do, hojalo asiialyo sike ajju donii.”

METHU 24:14

Ho siika raddeganda ka ayapuyu mi hikha kiiddi dotrḛ ho tonsḛr khenyo kendo, hikha ganda atañmi luko lugiñ naniiñpa; hosu kamikalo hii ahkiñ siidonii.

ROM MIKA POL KA SIITI KENIIÑ 1:8

Kappyopa, ngo Pinii mi payapacho lulyi Jisu Kristo mi luta nala nunu miilañrupa, niimpalukoda nunuka henjemi hikha dohadolo so gyukotii.

MIHUKAKIÑNIIÑ 11:10

ho hutiina kiiddiapiñ ho dunya dunii hempyo nyakiñdo mohluka shiima mi ho hempyo sonya kendo ho ahmiñayiñ bisu kendo, niimpalukoda siika nyibuhenii anyesi mohlumi henga henkha miipa la dutii hutiina kiiddiapiñ ho dunyatiinii.

MAK KA AYAPUYU 14:9

Ho Jije, Ngo nunumi lukoso, nohjalopa ayapuyu mi luko talyi siika siipuñ so, mo nii miitii hiimi tiirḛ luko kendoke mohmi hempa hengi naniipa.”

LUK KA AYAPUYU 2:1

Hiika biloallo ho Kesar Augustas kokii pota tahe lintii hikha Rom miyu atañmi armyañ kelii tote hiila.

JEMS 3:12

Tarro sannii hii, ngiika anubarmii atañ, olives ahee hila kendo peha, malo rosannii hii tarro ahee hila kendo peha? Hiichulipa alho tihi yasie hokii darii yasie lila kema.

JON KA AYAPUYU 17:6

“Ngo niika armyañ mi miyu atañmi chindopa miitii niika ngiimika dohadolo hokiika biniiñmi; mohlu niikii, ho no mohlumi ngiimi bitii, ho mohlu niika aguñmi talii biinyane.

2 TIMOTI 2:12

ngunu matiirḛ pigii dokoda, ngunu mo agiñho sangii monkiñdo; ngunu matiirḛ mohmi mapa dokoda, mo tiirḛ ngunumi mapa kendo;

MIHUKAKIÑNIIÑ 3:8

“‘Ngo chindo nunuka miigo atañmi. Kato, Ngo nunupa alyeh mi miiko tola atii bibii lyike, nii mina kone hetrḛ miitiñ lakiñ manii; ngo chindo nunuko harchichike hii do hojalo lama pasu, ho nunu ngiika luniiñmi tado ho ngiika armyañ mi mapa ma.

MIHUKAKIÑNIIÑ 14:6

Ho ngo hiira koneta miidopopi mi yapuñ liipa ho gola dopa kapato, lyulasamanii ayapuyu mi gyuko kiine hupa hiila hutiina kiiddiapiñ so dunii, kapane ganda atañmi ho halugiira atañmi ho aguñ atañmi ho miyu atañmi;

MIHUKAKIÑNIIÑ 16:14

niimpalukoda mohlu igii ka yajiyallo, kagiñnanii miila, huna intiinii adhoganda ho radde atañ ko hikha dohadolo ho, mohlumi gyokuñla gyambo pake nendupa hempḛr kahe allo Pinii Tamoka.

MIHUKAKIÑNIIÑ 17:2

huka agiñ hona kiiddiapiñ daka radde atañ datuapu putiinii, ho huka datuapu punya niika ow lana kiiddiapiñ hoka dunii atañ tangii nyadonii.”