MIHUKAKIÑNIIÑ 22:19 - NITI GONTU N.T. (BSI)

¹⁹ ho hu kone jalopa siika nyibuheniiñ kheta sokii aguñmi lapa talyi, Pinii mohpaniimi lapa kendo sango ka sannii hokii ho darii citi hokii, niihna siika khetaso keto la donii.

MIHUKAKIÑNIIÑ 22:19 ပူးပေါင်းရင်းမြစ်များ

LUK KA AYAPUYU 11:52

Aiya hiila hembido nunu dapochenii atañmi! Niimpalukoda nunu chinnananiiñ ka sabe mi lara biitii; nunu atoh tiirḛ ahma, ho nunu huna ahpa miidonii hiimi miitiñ da.”

MIHUKAKIÑNIIÑ 22:2

citi ka lembo ka liipa jaho hokii biliñdo, akota, kiiley ka pache pache pada, sango ka sannii du hiikaho pulyañlenye ahee ponsa ponsa hido, piilo karmyañmi yohe yohe ya ahee hila; ho sannii ka anniih hii ganda atañmi miipya naniiñpa done.

MIHUKAKIÑNIIÑ 21:2

Ho ngo kapato darii citi mi, niti Jerusalem mi, tola dopa dariiganda Pinii kokii, mihie mika mohka millo paka giiju ajubitii nii hiilyañ;

MIHUKAKIÑNIIÑ 1:3

Lyanko kendo hii huna goropa ridonii nyibuheniiñ aguñ atañmi, ho lyanko kendo hii huna tadonii, ho huna luniiñtadonii hoka keniiñmi; niimpalukoda myodu si tunii doku.

MIHUKAKIÑNIIÑ 22:12

“Kato, ngo nyibya ahchi kuke, ngiika bisa niimi biiliila, kone abimi bili dukupa niihna mo miitiinii.

MIHUKAKIÑNIIÑ 3:12

Hii huna pamiñtiinii, Ngo mohmi ngiika Pinii ka piniiude ka siirañpa miichi; pema mo hiiko hokii agoho linkiñma, ho ngo mohko ngiika Pinii ka armyañ mi kechi, ho ngiika Pinii ka citi ka armyañ mi, niti Jerusalem niihna ngiika Pinii kokii todonii dariiganda hokii, ho ngiika atohka niti armyañ mi.

MIHUKAKIÑNIIÑ 14:13

Ho ngo tapato aguñ dariiganda hokii lubiidola, “Keto siimi: Lyanko kendo siisi kiija shiinii atañ hutiina shiidonii Attoh ko.” “Lyanko kendo jijeloda,” yajiyallo hii ludo, “niimpalukoda mohlu dumo kendoku mohluka miigo miiniiñ hokii, niimpalukoda mohluka miiniiñ hii mohlumi injo mokiñdo!”

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

MIHUKAKIÑNIIÑ 3:21

Hii huna pamiñdonii, ngo mohmi ngiika agiñho raddeduko ho dugii talyi, niihtañpa ngo atoh tiirḛ pamiñtii ho ngiika Aba ka raddeduko ho dubo du.

MIHUKAKIÑNIIÑ 2:26

Hii huna pamiñdonii ho huna biidonii ngiika miigomi kamikalo lohepa, ngo mohmi harchichike mi bichi ganda atañmi sangii ladopa,

MIHUKAKIÑNIIÑ 2:11

Hii hukiina yaroo giidonii, mohmi take nento niihna Yajiyallo hii gyoliñkonii atañmi ludonii. Huna pamiñdonii pema achihdopa miiko kemake ronye niika shiiniiñlo.’

MIHUKAKIÑNIIÑ 2:7

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii. Huna pamiñdonii hiimi ngo diike nenchi sango ka sannii hokii, niihna Pinii ka Diilyañdiiloganda ho dunii.’

MIHUKAKIÑNIIÑ 11:2

hojalo tuka yayo piniiude ago daka lengo mi; hiimi apato, niimpalukoda hiika hiimi Midomiyu atañmi bitii kuke, ho mohlu darii citi mi piilo alyañ piilye la barnye nyorpi biikiñ doke.

MIHUKAKIÑNIIÑ 21:5

Ho hii huna raddeduko ho dunii ludo, “Kato, ngo hikha drih atañmi niti dopa miichi.” Hiira mo ludota, “Siika siimi keto, niimpalukoda siika aguñ atañsi khiiniiñ ke ho jije ke.”

MIHUKAKIÑNIIÑ 22:7

Ho kato, Ngo hempḛr nyibya ahchi ke.” Lyanko kendo hii huna atii biidonii siika nyibuhenii kheta hoka aguñ atañmi.