MIHUKAKIÑNIIÑ 22:18 - NITI GONTU N.T. (BSI)

¹⁸ Ngo kone abimi luluñ biilyi ke huna siika nyibuhenii aguñmi tapa biilyinii siika kheta dakiimi: hu kone jalopa siika so kebyañ liichi, Pinii mohko abyañ liikiñdo doli siika kheta soka keto laka donii hokii,

MIHUKAKIÑNIIÑ 22:18 ပူးပေါင်းရင်းမြစ်များ

MIHUKAKIÑNIIÑ 1:3

Lyanko kendo hii huna goropa ridonii nyibuheniiñ aguñ atañmi, ho lyanko kendo hii huna tadonii, ho huna luniiñtadonii hoka keniiñmi; niimpalukoda myodu si tunii doku.

MIHUKAKIÑNIIÑ 22:7

Ho kato, Ngo hempḛr nyibya ahchi ke.” Lyanko kendo hii huna atii biidonii siika nyibuhenii kheta hoka aguñ atañmi.

MIHUKAKIÑNIIÑ 15:1

Ho ngo koneya kapuñ loda kagiñnanii kapato dariiganda ho, kahe ho anoaya, kanuhe miidopopi kanuhe doli ka agiñho, niihna kami jakunii, niimpalukoda mohluka agiñho Pinii ka hadii hii diime kendoku.

1 TESOLONIA 4:6

miyu kone hetrḛ taleyo, ho atohka anuabañ mi siika piigo so miigya yo, niimpalukoda Attoh siika drih atañ so miili duke, ngunuka kapyo hoka nunumika jijeloda luluñnii hiilyañ.

METHU 15:13

Mo lusitii, “Sannii buhe abi ngiika dariiganda daka Aba ka ali manii mi bupa kendoke.

MIHUKAKIÑNIIÑ 22:16

“Ngo Jisu ke kiiniñ biilyinii ngiika miidopopi atañmi siika pyakoniika agiñho gyoliñkonii atañpa. Ngo liima ke ho David kokiika ohoasi ke, hutoh konchi takḛr.”

MIHUKAKIÑNIIÑ 19:20

Ho achu-amyo mi latu biine, ho hiika agiñho amuh nyibuhenii mi, huna mohka dapa kagiñnanii miitiinii niilona mo talubalo tiinii hiika atañmi hutiina achu-amyo ka miiho niimi giidonii ho hutiina hiika puchiniimi herii nyadonii. Siika anye mi turdopa jopa liibiido yamu ka siimie ho niihna sulphur lo yadonii.

MIHUKAKIÑNIIÑ 15:6

ho piniiude hokii kanuhe miidopopi kanuhe doli ka agiñho ahlyi mi, darii hudakhada giiju giitola, ho mohluka habyañho ayyiñ hokii tiigii tola.

MIHUKAKIÑNIIÑ 3:14

“Ho Laodisia gyoliñkonii daka miidopopi kedo: ‘Amen hiila talii dopaka aguñ, lotii ho jije haki, Pinii ka pulyi hoka lintuja.

IPISIA 4:17

Siisi ngo siimi lulyi ho Attoh ko pyakolyi, nunu siisi kiija Midomiyu ka sancha ho sanku yo, mohluka ayamanii henjuho;

MIHUKAKIÑNIIÑ 20:15

ho hu koneka jalo armyañ mi matiirḛ kapa makoda sango ka kheta ho ketola dopa, mohmi yamu ka siimie ho jopa liikiñdo.

MIHUKAKIÑNIIÑ 20:10

ho igii huna mohlumi talubalo biinenii yamu ka siimie ho jopa liibiine ho sulphur ho nohna achu-amyo la amuh nyibuhenii dunii, ho mohlu henga henkha hela dokiñdo allo ayoh dadumi ayu dahepa.

MIHUKAKIÑNIIÑ 22:9

hojalo mo ngiimi luhii, “No hiimi miiyo! ngo niika agiñho miira ahiñ siike ho niika nyibuhenii anubarmii atañka, ho hiika atañ agiñho hutiina siika kheta daka aguñ atañmi atii biidonii. Pinii mi heriito.”

MIHUKAKIÑNIIÑ 22:10

Ho mo ngiimi luhii, “Pema jhippo yo nyibuhenii atañka aguñmi siika kheta dakii mi, niimpalukoda myodu tunii dokuke.