MIHUKAKIÑNIIÑ 21:8 - NITI GONTU N.T. (BSI)

⁸ Hojalo biiso bopa, henje giima bopa, miibḛrmiilyi koniibopa, miyu menii atañpa, datuapu punii atañpa, ashumiinii atañpa, puchiniimika heriinii atañpa, ho hikha gollubo atañpa, mohluka dusa kohii siimie hoke nohna lyala donii yamu la sulphur nyi, hiikahii ronye niipaka shiitiniiñ.”

MIHUKAKIÑNIIÑ 21:8 ပူးပေါင်းရင်းမြစ်များ

MIHUKAKIÑNIIÑ 2:11

Hii hukiina yaroo giidonii, mohmi take nento niihna Yajiyallo hii gyoliñkonii atañmi ludonii. Huna pamiñdonii pema achihdopa miiko kemake ronye niika shiiniiñlo.’

MIHUKAKIÑNIIÑ 22:15

Ago ho danyada akie atañ ho ashumiinii atañ ho datuapu punii atañ ho miyu menii atañ ho puchiniimi ka heriinii atañ, ho kone abi hutiina hembyo nyadonii ho miinyadonii amuhdrih atañmi.

1 JON 3:15

Kone abi huna atohka anubarmii mi kanamapa miidonii hii miyumeniike, ho nunu chindo miyumenii kone kotrḛ santḛrlamanii sango giigela doma mohko.

MIHUKAKIÑNIIÑ 19:20

Ho achu-amyo mi latu biine, ho hiika agiñho amuh nyibuhenii mi, huna mohka dapa kagiñnanii miitiinii niilona mo talubalo tiinii hiika atañmi hutiina achu-amyo ka miiho niimi giidonii ho hutiina hiika puchiniimi herii nyadonii. Siika anye mi turdopa jopa liibiido yamu ka siimie ho niihna sulphur lo yadonii.

HIBRU 13:4

Mihie-millo lasuniimi miilañruko khiitolya, ho mihie millo lasu lyiho hoka dota naniimi miibḛr lyayo; niimpalukoda Pinii halii kendoke ayamanii henju la ipfyo bomi.

1 TIMOTI 4:2

amuh atañka hiilake hiila luniiñlo huka henju atañ na dachañ gubulo tensi kotiinii,

METHU 8:26

Ho mo mohlumi lutii, “Niimpa nunu biisodu, nunu henje papo atañ?” Ho mo guritii ho allyiaro la siimie nyimi gatii; ho hempḛr chimie ritiiku.

MIHUKAKIÑNIIÑ 9:21

malo mohlu mohluka miyu menniiñ hokii tiirḛ henkurma malo mohluka ashumiiniiñ malo mohluka helyihembyo heniiñ malo mohluka diipyo nii hokii.

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

METHU 10:28

Ho huna apomi menkiñ donii hiimi biiso lyayo hojalo yallo mi mella kemma ke; hiilamapa hiimiya biiso tolya huna yallo la apo nyimi mella kendonii yamuganda ho.

1 JON 2:22

Hu gollunii hiike huna Jisu Kristo mi mapa donii? siikasi Kristokamabo, hii huna Aba la Oho nyimi mapa donii.

1 JON 5:10

Hii huna henje donii Pinii ka Oho mi hiiko pyakonii hii do. Hii huna henje manii Pinii mohmi gollu niipa miibii do, niimpalukoda mo henjema pyakoniimi Pinii ka mohka Oho paka haki biniiñmi.

MIHUKAKIÑNIIÑ 2:2

“‘Ngo chindo nunuka miigo atañmi, nunuka kheniiñmi ho nunuka yanu paka pigii niimi, ho niihtañpa nunu diimmah miyu mi pigii lama hojalo tenkatii hiika atañmi hutiina kiiniñkonii hiila lusu donii hojalo hiilama, ho chimpatiiku mohlumi amuh hiila;

2 TESOLONIA 2:9

Diimmah koneka ahniiñhii saitan ka miigo miiniiñlo hikha harchichike ho amuhpaka kagiñnanii ho kahotamo agiñho,

HIBRU 12:24

ho Jisu ko, niti hemmesiiniiñ ka punko lubibo, ho ai pippu niilo niihna Abel ka ai mi hentola uroya aroh-aya lo ludonii.

TAITAS 1:16

Mohlu Pinii mi chindo hiila lusudo, hojalo mohlu mapado mohluka miiniiñluniiñ miijulo; mohlu kana tanañmaniiñ, luniiñtama niike, hang aya miigo miina naniiñpa piigoamanii.

MIHUKAKIÑNIIÑ 9:17

Ho sitañpa ngo gora atañmi kapa to ngiika mihukaniiñho: gora yonii atañ habyañsiitiñ nanii giitola yamu hiilyañ lanchañ ho sapphire yalañ hiilyañ jiji ho sulphur hiilyañ pilañ miilañ, ho gora atañka adiñ hii patii ka adiñ hiilyañ, ho yamu ho muku ho sulphur mohka aguñ hokii muliñ biido.

MIHUKAKIÑNIIÑ 14:10

mo tiirḛ tankiñdo Pinii ka hadii ow mi, toliñtii miiyomanii mi mohka hadii ka turla ho, ho mohmi yamu ho herudopa lyakiñ do ho sulphur ho darii miidopopi atañka hataho ho Subuñ ka hataho.

MIHUKAKIÑNIIÑ 21:27

Hojalo hang kacho hiikaho ahkiñma, malo hu kone jalopa huna miinyo donii kanamaniimi malo amuhmi, hojalo hiika atañsii hukiina ketola donii Subuñ ka sango ka kheta ho.

METHU 25:25

hopa ngo biisola, ho ngo ila ho niika talent mi kiiddi ho achuñto. Kato sike niikii.

MAK KA AYAPUYU 9:44