MIHUKAKIÑNIIÑ 21:2 - NITI GONTU N.T. (BSI)

² Ho ngo kapato darii citi mi, niti Jerusalem mi, tola dopa dariiganda Pinii kokii, mihie mika mohka millo paka giiju ajubitii nii hiilyañ;

MIHUKAKIÑNIIÑ 21:2 ပူးပေါင်းရင်းမြစ်များ

HIBRU 11:10

Niimpalukoda mo metii citi mi nii mina liidi ratii kunii, hiimika penchanii ho punii bo Pinii.

MIHUKAKIÑNIIÑ 3:12

Hii huna pamiñtiinii, Ngo mohmi ngiika Pinii ka piniiude ka siirañpa miichi; pema mo hiiko hokii agoho linkiñma, ho ngo mohko ngiika Pinii ka armyañ mi kechi, ho ngiika Pinii ka citi ka armyañ mi, niti Jerusalem niihna ngiika Pinii kokii todonii dariiganda hokii, ho ngiika atohka niti armyañ mi.

MIHUKAKIÑNIIÑ 21:10

Ho Yajiyallo ho mo ngiimi ingii kaye putoo ohoh ho, ho ngiimi kakiñ darii citi Jerusalem mi Pinii ka dariiganda hokii tola dopa,

HIBRU 13:14

Niimpalukoda siikaso ngunu kii dokañ saniiñ citi nyima ke, hojalo ngunu medu ahsanii citi mi.

HIBRU 12:22

Hojalo nunu Zayon Putoo ho chatii ho turnii Pinii ka citi ho, dariiganda ka Jerusalem, ho khiikha lama miidopopi atañka hempyo laka dakuñko,

MIHUKAKIÑNIIÑ 22:19

ho hu kone jalopa siika nyibuheniiñ kheta sokii aguñmi lapa talyi, Pinii mohpaniimi lapa kendo sango ka sannii hokii ho darii citi hokii, niihna siika khetaso keto la donii.

2 KORINTIA 11:2

Ngo piniikariñ kachañ ho nunumi kariñdo, niimpalukoda ngo nunumi lumyo bitiiku Kristo pa nunumi darii mihie konepa hiila mohpa millo ako kontii pa.

MIHUKAKIÑNIIÑ 11:2

hojalo tuka yayo piniiude ago daka lengo mi; hiimi apato, niimpalukoda hiika hiimi Midomiyu atañmi bitii kuke, ho mohlu darii citi mi piilo alyañ piilye la barnye nyorpi biikiñ doke.

MIHUKAKIÑNIIÑ 1:9

Ngo Jon, nunuka anu, huna nunuka agiñho hembo montiinii Jisu ko hentḛrkanyi mi ho raddeganda pa ho yanupa pigii biidola, siilokiiddi Patmos luniiñho ahtii Pinii aguñ kiipa ho Jisu mika pyako kopa.

MIHUKAKIÑNIIÑ 1:4

Jon kokiila pengkanuhe gyoliñkonii Asia hoka doniimi: Aroh-aya la chimie mi nunupa bilyike mohkokii huna dunii ho huna dutiinii ho huna ahkiñ donii, ho kanuhe yajiyallo kokii huna mohka raddeduko hataho danii,

MIHUKAKIÑNIIÑ 1:1

Jisu Kristo ka kakiñniiñ, nii mina Pinii mohmi bitiinii mohka miira atañmi kakiñ dupa niihna hempḛr nyibya lyikiñ donii; ho mo siika siimi chindopa miitii miidopopi mi mohka miira Jon ko kiiniñ lala,

JON KA AYAPUYU 3:29

Hii hukiina mihie dunii hiike millo; millo ka ajiñ, huna dabo dunii ho mohmi tapa donii, hempḛr hempyodu milo ka aguñmi tapa lyiho; hopa siika ngiika hempyo hii siisi pote dokuke.

HIBRU 11:16

Hojalo siikasi, mohlu ayaya ganda mi kapa nala hentii, hiika hii, dariiganda hokii. Hiikohopa Pinii hiinyañ matii mohluka Pinii hiila ka gyoko saniiñmi, niimpalukoda mo mohlupa citi miimyo bitii.

MIHUKAKIÑNIIÑ 21:9

Hiikahiiba ho kone ahhii kanuhe miidopopi hokii huko hona paka kokkanuhe poteje kamija doli kanuhemi biidonii, ho ngiimi lune, lubiidola, “Ahto, Ngo niimi kakiñso Mihie mi, Subuñ ka mihie.”

MIHUKAKIÑNIIÑ 22:17

Yajiyallo la Mihie nyi ludo, “Ahto.” Ho hutiina tapa nyadonii luke nento, “Ahto.” Ho hutiina yasie hangḛr donii ahto, huna labii nandonii labii kiineto sango ka yasie mi hang arie bimapa.