MIHUKAKIÑNIIÑ 20:6 - NITI GONTU N.T. (BSI)

⁶ Lyankonii ho darii hiika hii hutiina kapyo turiturku rilyi ho turbo rikiñ donii! Hiika hiipa ronye niipaka shiiniiñ ho hang harchichike giima, hojalo mohlu nyibu pa lyikiñdo Pinii la Kristo nyipa, ho mohlu sangii sambo monkiñdo anyañ jare.

MIHUKAKIÑNIIÑ 20:6 ပူးပေါင်းရင်းမြစ်များ

MIHUKAKIÑNIIÑ 1:6

ho ngunumi miitii raddeganda pa, mohka Pinii la Aba nyika nyibupa, mohmi assañ kencho ho pamiñbiinii ayudahe dokiñ cho. Amen.

MIHUKAKIÑNIIÑ 2:11

Hii hukiina yaroo giidonii, mohmi take nento niihna Yajiyallo hii gyoliñkonii atañmi ludonii. Huna pamiñdonii pema achihdopa miiko kemake ronye niika shiiniiñlo.’

MIHUKAKIÑNIIÑ 20:14

Ho Shiiniiñ la Nelimyoko atañmi yamu ka siimie ho jopa liibiido. Siikasi ronye niipa shiinii, yamu ka siimie;

MIHUKAKIÑNIIÑ 5:10

ho mohlumi raddeganda pa miitii ho ngunuka Pinii ka nyibu atañpa, ho mohlu kiiddiapiñ mi sangii kendo.”

1 PITAR 2:9

Hojalo nunu kahenii haluke, radde ka nyibu atañ, darii ganda, Pinii ka atoh miyu, niimpalukoda nunumi luko kiine dupa mohka hempḛr aya miigo miiniiñmi huna nunumi gyoliñ tiinii kamo hokii mohka hempḛr kapyo hutoh ho.

2 TIMOTI 2:12

ngunu matiirḛ pigii dokoda, ngunu mo agiñho sangii monkiñdo; ngunu matiirḛ mohmi mapa dokoda, mo tiirḛ ngunumi mapa kendo;

ROM MIKA POL KA SIITI KENIIÑ 8:17

ho ngunu matiirḛ wiinga koda, ngunu pensi kosa nii, Pinii kiimi ka penko sanii ho Kristo ahiñpa pensi kosanii, ngunu mo agiñho heru hembodu niimpalukoda mohka tatukatu ho ngunu tiirḛ dubo dupa.

MIHUKAKIÑNIIÑ 22:7

Ho kato, Ngo hempḛr nyibya ahchi ke.” Lyanko kendo hii huna atii biidonii siika nyibuhenii kheta hoka aguñ atañmi.

MIHUKAKIÑNIIÑ 14:13

Ho ngo tapato aguñ dariiganda hokii lubiidola, “Keto siimi: Lyanko kendo siisi kiija shiinii atañ hutiina shiidonii Attoh ko.” “Lyanko kendo jijeloda,” yajiyallo hii ludo, “niimpalukoda mohlu dumo kendoku mohluka miigo miiniiñ hokii, niimpalukoda mohluka miiniiñ hii mohlumi injo mokiñdo!”

ROM MIKA POL KA SIITI KENIIÑ 12:1

Ngo nunumi yardu hopa, anubarmii atañ, Pinii ka aroh lo, nunuka apo mi turdopa hempa siibito, darii ho Pinii mi lariidopa, hiikahii nunuka yajiyallo loka herii niike.

MIHUKAKIÑNIIÑ 21:8

Hojalo biiso bopa, henje giima bopa, miibḛrmiilyi koniibopa, miyu menii atañpa, datuapu punii atañpa, ashumiinii atañpa, puchiniimika heriinii atañpa, ho hikha gollubo atañpa, mohluka dusa kohii siimie hoke nohna lyala donii yamu la sulphur nyi, hiikahii ronye niipaka shiitiniiñ.”

1 PITAR 2:5

ho turnii yalañ chuli nunu atohtiirḛ pencha siito yajiyallo udemi, darii nyibupa, yajiyallo ka membi niimi bidupa nii mina Pinii lariidonii Jisu Kristo kiilo.

LUK KA AYAPUYU 14:15

Mo agiñ hoka diitananii hoka dubo monii kone siimi tapa lala, mo mohmi lutii, “Lyankokendo hii huna Pinii ka raddeganda ho diigo diibo kendonii!”

MIHUKAKIÑNIIÑ 3:21

Hii huna pamiñdonii, ngo mohmi ngiika agiñho raddeduko ho dugii talyi, niihtañpa ngo atoh tiirḛ pamiñtii ho ngiika Aba ka raddeduko ho dubo du.

MIHUKAKIÑNIIÑ 22:5

Ho ayoh hii nyikiñkuma; mohlu danyi malo muru ka hutoh mi anna keñkuma, niimpalukoda Pinii Attoh mohluka hutoh pa lyikiñdo, ho mohlu ayu dahepa sangii la dukiñdo.