MIHUKAKIÑNIIÑ 20:4 - NITI GONTU N.T. (BSI)

⁴ Ho ngo kapato raddeduko atañmi, ho hiika atañ hoka dunii atañ ayakacho mi kaniipa. Hiira kapatota yallo atañmi hutiina langu patu konya biinenii Jisu mika pyako kopa ho Pinii ka aguñpa, ho hutiina achu-amyo mi herii nyama nenii malo hiika puchiniimi ho hutiina hiika miiho niimi mohluka tiirii ho malo alah atañ ho giima nenii. Mohlu turi neku, ho Kristo ka agiñho anyañ jare sangii sahiñ mone.

MIHUKAKIÑNIIÑ 20:4 ပူးပေါင်းရင်းမြစ်များ

METHU 19:28

Jisu mohlumi lutii, Jijeloda, Ngo nunumi lukoso, niti dohadolo so, niida miyu ka Oho mohka akhoja radde dukoho duchiku, nunu hutiina ngiimi imbo mondonii hiitḛr alyañlenye radde dukoho dukiñ doke, Isrel ka halu alyañlenye mi sangii gyagiila.

MIHUKAKIÑNIIÑ 6:9

Mo yangonii jhipponiimi miiko kiile, ngo kapato agyañ ka ura ho hiika atañka yallo mi hutiina Pinii ka aguñpa menko nyabii nenii ho mohluka haki biniiñ kiipa;

MIHUKAKIÑNIIÑ 3:21

Hii huna pamiñdonii, ngo mohmi ngiika agiñho raddeduko ho dugii talyi, niihtañpa ngo atoh tiirḛ pamiñtii ho ngiika Aba ka raddeduko ho dubo du.

2 TIMOTI 2:12

ngunu matiirḛ pigii dokoda, ngunu mo agiñho sangii monkiñdo; ngunu matiirḛ mohmi mapa dokoda, mo tiirḛ ngunumi mapa kendo;

MIHUKAKIÑNIIÑ 20:6

Lyankonii ho darii hiika hii hutiina kapyo turiturku rilyi ho turbo rikiñ donii! Hiika hiipa ronye niipaka shiiniiñ ho hang harchichike giima, hojalo mohlu nyibu pa lyikiñdo Pinii la Kristo nyipa, ho mohlu sangii sambo monkiñdo anyañ jare.

LUK KA AYAPUYU 22:30

niimpalukoda nunu ngiika diitananii ho ngiika raddeganda ho diibo tambo kendoke, ho radde duko ho dula Isrel ka halu tolyañ lenye mi kagii kendoke.

MIHUKAKIÑNIIÑ 22:5

Ho ayoh hii nyikiñkuma; mohlu danyi malo muru ka hutoh mi anna keñkuma, niimpalukoda Pinii Attoh mohluka hutoh pa lyikiñdo, ho mohlu ayu dahepa sangii la dukiñdo.

MIHUKAKIÑNIIÑ 12:11

Ho mohlu mohmi pamiñtii Subuñ ka ai lo ho mohluka aguñ pyako niilo, niimpalukoda mohlu mohluka sangomi abyo siimatii shiihi lyihepa.

MIHUKAKIÑNIIÑ 1:9

Ngo Jon, nunuka anu, huna nunuka agiñho hembo montiinii Jisu ko hentḛrkanyi mi ho raddeganda pa ho yanupa pigii biidola, siilokiiddi Patmos luniiñho ahtii Pinii aguñ kiipa ho Jisu mika pyako kopa.

ROM MIKA POL KA SIITI KENIIÑ 8:17

ho ngunu matiirḛ wiinga koda, ngunu pensi kosa nii, Pinii kiimi ka penko sanii ho Kristo ahiñpa pensi kosanii, ngunu mo agiñho heru hembodu niimpalukoda mohka tatukatu ho ngunu tiirḛ dubo dupa.

MIHUKAKIÑNIIÑ 15:2

Ho ngo kapato kakoho sisa ka siimie hiilyañ yamu hokii miiyo tola, ho hutiina pamiñ tiinii achu-amyo mi ho hiimika puchiniimi ho abuje hiika atañka armyañ mi, sisa ka siimie ka aruñho dami mohluka alah ho Pinii ka berañ mi jobii tola.

MIHUKAKIÑNIIÑ 14:11

Ho mohlumika herudopa ka miiniiñ yamu muku hii sucha kendo ayu dahepa; ho mohluko hemmo nanii nyima, allo malo ayoh, siika achu-amyo la puchi niimika heriibo, ho hu jalopa hiika armyañ ka miiho niimi giidoku.”

MIHUKAKIÑNIIÑ 11:7

Ho mohlu mohluka pyako niimi pyaja lala, achu-amyo kamoramba urañ hokiika chanii mohluka agiñho gyambo pakiñdo ho mohlumi pamiñ kendo ho mohlumi menkiñdo,

JON KA AYAPUYU 14:19

Hojalo ichuche dahidamo lala, ho dohadolo atañ ngiimi kapa keñku ma, hojalo nunu ngiimi kapa kendo; niimpalukoda ngo turla dakiñdo, ho nunu tiirḛ turla dakiñdo.

MIHUKAKIÑNIIÑ 17:8

Achu-amyo niika kapanii hii, ho siisi nyima, ho hiika hii kamoramba ura hokii chakiñdo ho pamyo kenko ho inkiñdo; ho kiiddiapiñ hoka dunii atañ huka armyañ na sango ka kheta ho kemanii dohadolo mika liidi rabii jaho hokii, kapuñtale nyakiñdo achu-amyo mi kala la, niimpalukoda hiika hii dune ho nyima ho ahkiñ do.

MIHUKAKIÑNIIÑ 11:15

Ho kanunii miidopopi mohka siirii mi mutii, ho hiiko hempḛr goro aguñ adune dariiganda ho, lubiidola, “Dohadolo ka raddeganda hii ngunuka Attoh ho mohka Kristo ka raddeganda pa lyidoku, ho mo ayu dahepa sangii kendoku.”

MIHUKAKIÑNIIÑ 11:11

Hojalo allo lohiñ hela lopo heka hiibapa sango ka allyi Pinii kokii mohluko ahtii, ho mohlu baritii mohluka alih lo, ho hempḛr uro biiso nyatii hutiina mohlumi kapa tiinii.

MIHUKAKIÑNIIÑ 11:3

Ho ngo ngiika haki anye mi nyibuhela dopa harchichike mi bichi 1260 allo hendopa, niirepulye giitola.”

ROM MIKA POL KA SIITI KENIIÑ 11:15

Niimpalukoda mohluka khiipanii matiirḛ dohadolo mika yardiñgiiniipa lyigii dokoda, niilyigii kendo mohluka taliinii hojalo shiiniiñ hokii ka sango?

LUK KA AYAPUYU 1:17

ho mo mohmi impyo yapa inkiñdo yajiyallo la Elija ka harchichikelo, ho aba ka ahha mi wiinga atañ kii dalyi henga dopa, ho luniiñ tamanii atañmi chila denki kii dalyi, Attoh pa miyu atañpa miimyo bidupa miinyatii.

MAK KA AYAPUYU 9:11

Ho mohlu takatii mohmi, “Niimpa pagenii atañ kappyo pa Elija ahpyo kendoke hiila luhii?”

MAK KA AYAPUYU 6:27

Ho radde nyibya loda sipahi dabii bomi kiiniñ biido ho Jon ka adiñ mi jolii bii hiila lubiido. Mo ila ho pattiih ude ho Jon ka adiñ mi patutii,

MAK KA AYAPUYU 6:16

Hojalo Herod siimi tapa lala mo lutii, “Jon, humi ngo adiñ papato, hii turi do hiila.”

METHU 24:10

Ho abuje henje kumapa miikiñdo, ho kone anyañmi talubalo siikiñdo, ho kone anyañmi kasu kema.

LUK KA AYAPUYU 14:14

ho nunumi lyankiñdo, niimpalukoda mohlu nunumi bisi lakiñ kuma. Nunumi turiturku lyiku hosu denki agiñho bili kensu donii.”

MIHUKAKIÑNIIÑ 1:2

huna haki bitiinii Pinii ka aguñmi ho Jisu Kristo mika pyako niimi, hikha mohka kapanii lohepa.

MIHUKAKIÑNIIÑ 2:26

Hii huna pamiñdonii ho huna biidonii ngiika miigomi kamikalo lohepa, ngo mohmi harchichike mi bichi ganda atañmi sangii ladopa,

MIHUKAKIÑNIIÑ 4:4

Gokḛrpala raddedukoho nyikhañhela piilye raddeduna nanii do, ho raddeduko ho nyikhañ hela piilye amiabañ atañ du, puloo pulye giitola, ayyiñ hokii tahiñbyopa giitola mohluka dinta atañ ho.

MIHUKAKIÑNIIÑ 7:3

lubiidola, “Ayamapa miilyayo kiiddiapiñ mi malo siimie mi malo sannii atañmi, nii dahepa ngunu tiiho tama ngunuka Pinii ka miira atañmi mohluka tiirii atañ ho.”