MIHUKAKIÑNIIÑ 20:3 - NITI GONTU N.T. (BSI)

³ ho mohmi ubu ho jopa liibiine, ho hiimi miitiñ biine ho mohka ayoh ho jhippo biine, niimpalukoda mohmi hiika hiiba hokii ganda atañmi talubalo kuma dopa, anyañ jare inja menda hemi. Hiika hiiba ho mohmi ichuche myodu pahe tiipa linkiñdo.

MIHUKAKIÑNIIÑ 20:3 ပူးပေါင်းရင်းမြစ်များ

METHU 24:24

Niimpalukoda amuh Kristo ho amuh nyibuhenii hiila duri kendo ho kaye kagiñnanii la kahotamo miikiñ kendo, ngogya giidupa hiila, miila dokoda, kahenii atañmi.

METHU 27:66

Hopa mohlu intii ho byuh mi hempḛr ayapa yalañ giitiñ niimi miitiñtii ho dagur biinii mi kalya biike nentii.

MAK KA AYAPUYU 4:15

Ho siika atañ sinya lembo hoka lilo niiñ, nohna aguñmi lilo tiinii; mohlu tapa dalyi, saitan ohepada ahla ho aguñmi lara biidado mohluko hoka lilo niimi.

LUK KA AYAPUYU 8:31

Ho mohlu mohmi yartii mohlumi takhubiidañ ho tonge hiila luyo hiila.

2 KORINTIA 11:3

Hojalo ngo biisodo niihtañpa tabu Eve mi talubalo mohka piibilo, nunuka henju tiirḛ nunumi ngogii tama suyuha hiila siika denki ho darii Kristo mika heriinii kiiso hokii.

2 PITAR 3:8

Hojalo helyu nyayo siika jije kone mi, heniiñja, Attoh pakoda allo lohe hii anyañ nyang jarepa lyido, ho anyañ jare hii allo lohe chuli pake lyidonii.

MIHUKAKIÑNIIÑ 12:9

Ho hempḛr kahe tabu mi ripa limbiido, hiika ayuhoka tabu mi, humina Igii ho Saitan hiila myantiinii, hikha dohadolo mika talubalobo-mohmi kiiddiapiñ ho jopa lobiido, ho mohka miidopopi atañ miilañmi mohka agiñho jopa lobiido.

MIHUKAKIÑNIIÑ 13:14

ho hiika kagiñnaniilo nii mina miila dopa bitiinii achu-amyo ka dapa, hii talubalodo hutiina kiiddiapiñ so dunii, mohlumi achu-amyo pa puchi tote hiila lutii nii mina une agii tiinii ilyo lo ho hojalo turla da;

MIHUKAKIÑNIIÑ 17:2

huka agiñ hona kiiddiapiñ daka radde atañ datuapu putiinii, ho huka datuapu punya niika ow lana kiiddiapiñ hoka dunii atañ tangii nyadonii.”

MIHUKAKIÑNIIÑ 17:8

Achu-amyo niika kapanii hii, ho siisi nyima, ho hiika hii kamoramba ura hokii chakiñdo ho pamyo kenko ho inkiñdo; ho kiiddiapiñ hoka dunii atañ huka armyañ na sango ka kheta ho kemanii dohadolo mika liidi rabii jaho hokii, kapuñtale nyakiñdo achu-amyo mi kala la, niimpalukoda hiika hii dune ho nyima ho ahkiñ do.

MIHUKAKIÑNIIÑ 20:1

Ho ngo kapato miidopopi dariiganda hokii todopa, mohka alah ho kamoramba urañ ka sabe mi biitola ho hempḛr kaye dachañ ranyimi.