MIHUKAKIÑNIIÑ 20:12 - NITI GONTU N.T. (BSI)

¹² Ho ngo kapato shiinii mi, kaye atu nyimi, raddeduko ka hataho dapa, ho kheta atañmi beko biine. Hiira kheta taheyami beko biine, hiikahii sango ka kheta. Ho shiinii atañmi halii biine nii hiila na kheta atañ ho ketola donii, niihna mohlu miitiinii.

MIHUKAKIÑNIIÑ 20:12 ပူးပေါင်းရင်းမြစ်များ

2 KORINTIA 5:10

Niimpalukoda ngunu miilañru Kristo ka ayakacho kako duko ho ahkiñdo loda, niimpalukoda kone abimi aya malo ayamanii mi larii kiine dupa, niihtañ pana mo miitiinii mohka apo ho.

METHU 16:27

Niimpalukoda Miyu ka Oho ahkiñdo mohka miidopopi agiñho mohka Aba ka tatukatu lyiho, ho mo hikha miyu atañmi bikiñdo niihna mohlu miitiinii.

MIHUKAKIÑNIIÑ 22:12

“Kato, ngo nyibya ahchi kuke, ngiika bisa niimi biiliila, kone abimi bili dukupa niihna mo miitiinii.

MIHUKAKIÑNIIÑ 2:23

ho ngo mohka wiinga mi shiidopa miichi. Ho hikha gyoliñkonii atañ chinkiñdo ngoke hii huna punyu la ahha nyimi mechi ladunii, ho ngo kone abimi bichi nunuka miigo miijo atañmi.

MIHUKAKIÑNIIÑ 11:18

Ganda atañ hadii ritii, hojalo niika hadii hii ahtii, ho shiinii atañmi halii dupa myodu ahtiiku, niika miira atañmi ahmiñayiñ bidukupa, nyibuhenii atañ mila ho piniimiyu atañmi, ho hutiina niika armyañ mi biiso nyadonii, anyerumi atu la kahe, ho pyadu dupa kiiddiapiñ mika pyadulonii bomi.”

MIHUKAKIÑNIIÑ 3:5

Hii huna pamiñdonii giikiñdo sichuli puloo pulye atañmi, ho ngo nyupa tama mohka armyañ mi sango ka kheta hokii; Ngo mohka armyañ mi Aba la mohka miidopopi atañka hata ho khako talyi.

MIHUKAKIÑNIIÑ 20:13

Ho siimie hoka shiinii atañ mitrḛ hempa bibiido, Shiiniiñ la Nelimyoko nyitrḛ mohluko hoka shiinii atañmi hempa bibiido, ho hikha miilañ rumi halii biido niihna mohlu miitiinii.

MIHUKAKIÑNIIÑ 21:27

Hojalo hang kacho hiikaho ahkiñma, malo hu kone jalopa huna miinyo donii kanamaniimi malo amuhmi, hojalo hiika atañsii hukiina ketola donii Subuñ ka sango ka kheta ho.

MIINIIÑ 24:15

Pinii mi hentiñ biidola nii mina mohlutrḛ talii mondonii, hiiko turiturku rikiñ doku anyeru denki ho diimmah tiirḛ.

MIHUKAKIÑNIIÑ 20:11

Ho ngo kapato hempḛr puloo raddeduko ho mohmi huna hiiko dunii; mohka kadopa kiiddiapiñ la yapuñ nyi gopa giine, ho mohlupa hang ganda kapa kumane.

MIHUKAKIÑNIIÑ 19:5

Ho raddeduko hokii hempḛr goropa aguñ gyuliñdo, “Ngunu Pinii mi assañto, hikha nunu mohka miira atañ, nunu hutiina mohmi biiso nyadonii, atu la kaye nyi.”

PILIPIA 4:3

Ho nunu mitrḛ ngo kulyi ke, jije ajiñ atañ, siika annii akha atañmi hembyuñ to, niimpalukoda mohlu ngiika agiñho ngiimi miibyuñ montiike ayapuyu lukoko Klement ka agiñho ho khiibe ngiika miigo miihiñ agiñho, huka armyañ na sango ka kheta ho ketola donii.

LUK KA AYAPUYU 10:20

Hojalo hempyo nyayo siika sipa, yajiyallo atañ nunuka luniiñ tado hiila; hojalo hempyo nyato nunuka armyañ hii dariiganda ho ketiiku hiila.”

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

ROM MIKA POL KA SIITI KENIIÑ 2:6

Niimpalukoda mo kone abi miyu mi mohka miiniiñ chulipa bikiñdo:

MIHUKAKIÑNIIÑ 17:8

Achu-amyo niika kapanii hii, ho siisi nyima, ho hiika hii kamoramba ura hokii chakiñdo ho pamyo kenko ho inkiñdo; ho kiiddiapiñ hoka dunii atañ huka armyañ na sango ka kheta ho kemanii dohadolo mika liidi rabii jaho hokii, kapuñtale nyakiñdo achu-amyo mi kala la, niimpalukoda hiika hii dune ho nyima ho ahkiñ do.

1 KORINTIA 4:5

Hopa iche hetrḛ ayakacho kaniiñmi lulya yo myodu ahma rampa, Attoh ka ahma rampa, huna hutoh mi ahgii kendo nii siisi ka kamo hoka drih achuñ tola donii atañpa ho luko kendo ahha hoka heniiñ atañmi. Ho hikha miyuatañ kapa kendo mohluka heniiñmi Pinii kokii.

METHU 11:22

Hojalo Ngo nunumi lukoso, ayakacho kalyi alloho Tayer la Sidon nyitrḛ pigiilaya kendoke nunumi hentola.

MIHUKAKIÑNIIÑ 20:15

ho hu koneka jalo armyañ mi matiirḛ kapa makoda sango ka kheta ho ketola dopa, mohmi yamu ka siimie ho jopa liikiñdo.