MIHUKAKIÑNIIÑ 2:19 - NITI GONTU N.T. (BSI)

¹⁹ “‘Ngo chindo nunuka miigo atañmi, nunuka hensuniimi ho henje ho miigo miiniiñmi ho yanu paka pigii niimi, ho kamikalo hoka miigo miiniiñhii kapyo hokiimi uroyapa miido.

MIHUKAKIÑNIIÑ 2:19 ပူးပေါင်းရင်းမြစ်များ

1 TIMOTI 1:5

hiilamapa ngunuka nunumika miitote hiila ka luniiñsi hensuniimike niihna darii ahha hokii lindonii ho henju aya ho denki henje hokii.

2 PITAR 1:7

ho piniisanju agiñho anubarmii hensumyañsu niimi, ho anubarmii hensumyañsu niika agiñho hensu niimi.

JON KA AYAPUYU 15:2

Halloh buhe abi ngiiko hoka giinii ahee hima koda, mo papa du, ho halloh buhe abi ahee hiniiñ mi mo miini du, niimpalukoda hiimi ahee abu yapa hike nendupa.

2 TESOLONIA 1:3

Ngunu nunupa kiirañ Pinii mi payapacho ludopa loda lyido, anubarmii atañ, si miisa niisuta, niimpalukoda nunuka henje hempḛr uropa sanchala do, ho nunuka hensunii kone anyañ paka heniiñ hii abuyayado.

2 PITAR 3:18

Hojalo santo Attoh la Lyangur bo Jisu Kristo ka aroh-aya la chiniiñ ho. Mohmi assañ kencho siisi ho ayudahe ka allo lohepa. Amen.

1 PITAR 4:8

Kapanemi ka kahejapa henguñ manii kone anyañ mika hensu niimi atiito, niimpalukoda hensunii hii abuje ingyamiigya mi apu duke.

1 TESOLONIA 3:6

Hojalo siisi Timoti ngunuka agiñho ahdo nunukokii, ho ayapuyu mi baliigiitii nunuka henjemi ho hensu niimi ho lukodota kiirañ nunu ngunumi helakala la hempadu ho hempḛr ngunumi kapanala hendo hiila, niihtañpa ngunu nunumi kapa nala hendo,

KOLOSIA 3:14

Ho hikha siika atañ siimika hahoho hensu niimi atii tolya, niihna kapanemi ngapo tola atii dunii tongepa ahiñ hehiñ dopa.

MIHUKAKIÑNIIÑ 2:13

“‘Ngo chindo nohna nunu dunii, nohna saitan ka raddeduko hii; nunu lotiido ngiika armyañ pa ho nunu mapa ma ngiipa ka henje niimi Antipas ngiimika haki biniika allo lohe pa, ngiika lotii kone, humina membii nenii nunuka punkoho, nohna saitan dunii.

MIHUKAKIÑNIIÑ 2:9

“‘Ngo chindo nunuka hentḛrkanyi ho nunuka arromi (hojalo nunu mingodo), ho nipasiiniiñ atañ huna ludonii mohlu Jew ke hiila ho mohlu hiilama, hojalo Saitan ka sinagog.

LUK KA AYAPUYU 1:23

Ho mohka miiho sanii myodu inja kukele, mo mohka ude ho intiiku.