MIHUKAKIÑNIIÑ 2:14 - NITI GONTU N.T. (BSI)

¹⁴ Hojalo ngiiko drih tongedo nii pana nunumi hadii donii: nunuko tongeda huna tadonii Balam ka tonsḛr niimi, huna tonsḛr tiinii Balak mi miitiñ tote hiila Isrel ka oho atañka hataho, niimpalukoda mohlumi diike nendupa diigo nii mina puchi niimi membi tiinii ho helyihembyo miijumi miike nendupa.

MIHUKAKIÑNIIÑ 2:14 ပူးပေါင်းရင်းမြစ်များ

2 PITAR 2:15

Lembo jijemiya apatela mohlu ngola ya da; mohlu Balam ka lembo mi paboda, Beor ka oho, huna hembyo danii ayamanii miiniiñ hokii pasermiiliñ biidupa,

MIHUKAKIÑNIIÑ 2:20

Hojalo ngo siika sipake hadii donii nunumi, niimpalukoda nunu pigiido annii akha Jezebel mi, huna atohmi nyimii nyibuhenii hiila lusudonii ho tonsḛr donii ho ngiika miira atañmi anyoh giila helyihembyo miiniiñmi miigii donii ho diigo diigii donii puchinii atañ mika membi niimi.

JUD KA SIITI KENIIÑ 1:11

Aiya hiila hembido mohlupa! Niimpalukoda mohlu Ken ka inchañ ho indo, ho mohlu atohmi apa siibiido niimpalukoda paser miiliñbiidupa Balam ka miikha ko jaho, ho Kora ka chekho ko lyubo mondu pa hiila.

MIINIIÑ 15:29

niimpalukoda nunu dasa giitolya nii mina uyi mi membi tiinii ho ai hokii ho nii mina garkhii tiinii ho kacho hokii. Nunu matiirḛ atohmi siika atañ sokii dasa giila dokoda, nunu aya miikiñ doke. Kḛ hiila tiika.”

HIBRU 13:4

Mihie-millo lasuniimi miilañruko khiitolya, ho mihie millo lasu lyiho hoka dota naniimi miibḛr lyayo; niimpalukoda Pinii halii kendoke ayamanii henju la ipfyo bomi.

1 PITAR 2:8

ho “Yalañ hiika hii miyu mi liichi giido, yalañ hiikahii mohlumi podo giido”; mohlu liichido niimpalukoda mohlu aguñ ka luniiñ tama, mohlu miido paka lyilyi kunii.

MIINIIÑ 21:25

Hojalo Midomiyu atañ pakoda hutiina henje nyadonii, ngunu siiti bilii bulyi ke ngunu ayakacho kasaniisi, mohlumi diilya yo hiila puchi niimika membi niimi ho ai mi ho garkhii niimi ho ipfyo diipyo hokii.”

MIHUKAKIÑNIIÑ 22:15

Ago ho danyada akie atañ ho ashumiinii atañ ho datuapu punii atañ ho miyu menii atañ ho puchiniimi ka heriinii atañ, ho kone abi hutiina hembyo nyadonii ho miinyadonii amuhdrih atañmi.

MIHUKAKIÑNIIÑ 21:8

Hojalo biiso bopa, henje giima bopa, miibḛrmiilyi koniibopa, miyu menii atañpa, datuapu punii atañpa, ashumiinii atañpa, puchiniimika heriinii atañpa, ho hikha gollubo atañpa, mohluka dusa kohii siimie hoke nohna lyala donii yamu la sulphur nyi, hiikahii ronye niipaka shiitiniiñ.”

1 KORINTIA 7:2

Hojalo niimpalukoda helyihembyo dopaka tenkalarka kosa niimi, miyu kone abi atohpa mihie ho nyimii kone abi atohpa millo biisuto.

METHU 18:7

Aya hiila hembido dohadolo mi ingyamiigya dopaka tenkalarka niimi! Niimpalukoda tenkalarka ahniiñ ahkiñdo, hojalo aiya la hembido huko hokiina tenkalarka hii ahdonii!

ROM MIKA POL KA SIITI KENIIÑ 14:21

hopa yoh diima dokoda aya kendo malo ow tama dokoda malo hang drih jalo niihna niika anubarmii mi liichi giidonii.

ROM MIKA POL KA SIITI KENIIÑ 14:13

Hopa ngunu kone anyañmi ayakacho mi kasumasa, hojalo hiilaya lususa iche hetrḛ miitiñ miiko siimasa malo anubarmii ka lembo mi miitiñ bimasa.

MIHUKAKIÑNIIÑ 2:4

Hojalo ngo siika sipake nunumi hadii donii, niimpalukoda nunu apa tiiku nunuka kapyo hoka heniiñmi.

1 KORINTIA 1:23

hojalo ngunu Kristo ka leda niimi tonsḛrdu, Jew atañ paka liichi nanii ho Midomiyu atañ pakoda piigoama,

ROM MIKA POL KA SIITI KENIIÑ 11:9

Ho David ludo, “Mohluka diitananii mi giimya la gyoh nyipa lyike nento, liichipodo ho miili naniiñpa mohlupa;

ROM MIKA POL KA SIITI KENIIÑ 9:32

Niimpa? Niimpalukoda mohlu denki mi henje lo mema, hojalo hiika hii miigo kii dalyilo. mohlu liichi kotola do dotiñ yalañ ho,