MIHUKAKIÑNIIÑ 2:13 - NITI GONTU N.T. (BSI)

¹³ “‘Ngo chindo nohna nunu dunii, nohna saitan ka raddeduko hii; nunu lotiido ngiika armyañ pa ho nunu mapa ma ngiipa ka henje niimi Antipas ngiimika haki biniika allo lohe pa, ngiika lotii kone, humina membii nenii nunuka punkoho, nohna saitan dunii.

MIHUKAKIÑNIIÑ 2:13 ပူးပေါင်းရင်းမြစ်များ

1 TIMOTI 5:8

Hu kone jalopa matiirḛ mohka heniimyanii mi kalyañ tama, ho luchila mohka atoh uru mi, mo henje mi mapah do ho henjemanii kone mi ayamanii ya.

MIHUKAKIÑNIIÑ 3:11

Ngo nyibya ahlyike; ayapa biito niihna nunuko donii, niimpalukoda kone lotrḛ nunuka tahiñbyopa mi robii koma dopa.

2 TIMOTI 2:12

ngunu matiirḛ pigii dokoda, ngunu mo agiñho sangii monkiñdo; ngunu matiirḛ mohmi mapa dokoda, mo tiirḛ ngunumi mapa kendo;

MIINIIÑ 22:20

Ho Stepen mi niika haki mika melyi ho, ngotiirḛ aruñho dato ho lubomonto, ho mohluka pulyetarii mi biilya bito hutiina mohmi membii nenii.’

MIHUKAKIÑNIIÑ 14:12

Siika sike gyoniiñ pigiikiinedupa piniimiyu atañmi, hiika atañ hutiina Pinii ka lujubiniiñ mi atii biidonii ho Jisu ka henje mi.

MIHUKAKIÑNIIÑ 3:3

Hempa nyato niihna nunu larii tiinii ho tapatiinii; hiimi atii biito, ho henkur nyato. Nunu matiirḛ huro makoda, ngo diipyonii hiilyañ ahchi, ho nunu chinkiñ make nii myodu ho ngo nunuko ahchi hiila.

MIHUKAKIÑNIIÑ 2:2

“‘Ngo chindo nunuka miigo atañmi, nunuka kheniiñmi ho nunuka yanu paka pigii niimi, ho niihtañpa nunu diimmah miyu mi pigii lama hojalo tenkatii hiika atañmi hutiina kiiniñkonii hiila lusu donii hojalo hiilama, ho chimpatiiku mohlumi amuh hiila;

HIBRU 10:23

Kiije ngunu giikañ ari giisa ngunuka hentiñ naniiñ mika khako siiniiñmi alyemapa, niimpalukoda mo huna hemme bitiinii hii lotii ke;

2 TIMOTI 1:13

Imbo monto jije aguñ luniiñho nii mina no ngiiko hokii tapatiinii, henjeho ho hensuho niihna Kristo Jisu ko donii;

METHU 24:9

Ho mohlu nunumi hentḛrkanyi lohepa tiilii bilyi diike, ho nunumi siidopa miilyido; ho nunumi hikha miyuatañ ngiika piigopa kanamapa miikiñdo.

JEMS 2:7

Siikasi mohluma siipeha huna nipakoya danii khiiniiñ armyañ mi nunu mika myaniiñ mi?

HIBRU 3:6

hojalo Kristo lotii tii Pinii ka ude ho oho pa lyila. Ho ngunu mohka ude ngunu matiirḛ ngunuka hatii la hentii nyimi biitola dukoda ngunuka hentiñho.

1 TESOLONIA 5:21

hojalo kapanemi tenka tolya; niihna aya donii hiimi atii biitolya,

MIINIIÑ 9:14

ho so mo otority biitola nyibu burii kokii miilañ rumi radu pa hiila huna niika armyañ mi ludonii.”

LUK KA AYAPUYU 21:17

nunu kone abilo kana mapa miiko kendo ngiika armyañ kiipa.

METHU 10:23

Niida nunumi taun koneho miihimiire talyi, kone yaho hargiitolya; niimpalukoda jijeloda, Ngo nunumi lukoso, nunu Isrel ka hikha taunho inja ladii make, miyu ka Oho ka ahma rampa.

METHU 4:10

Ho Jisu mohmi lutii, “Dasato, Saitan! Niimpalukoda hiila ketola do, ‘Nunu niika Attoh Pinii mi kontii heriito ho mohmi kontii miihoto.’”

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

MIHUKAKIÑNIIÑ 11:3

Ho ngo ngiika haki anye mi nyibuhela dopa harchichike mi bichi 1260 allo hendopa, niirepulye giitola.”

MIHUKAKIÑNIIÑ 12:11

Ho mohlu mohmi pamiñtii Subuñ ka ai lo ho mohluka aguñ pyako niilo, niimpalukoda mohlu mohluka sangomi abyo siimatii shiihi lyihepa.

MIHUKAKIÑNIIÑ 13:2

Ho achu-amyo ngiika kapaniibo hogya kapune, hiika alih hii siitiñ kii hiilyañne, ho hiika aguñ hii patii kii hiilyañne. Ho hiimi tabu hii mohka harchichike mi bibiine ho mohka raddeduko mi ho kahe otority mi.

MIHUKAKIÑNIIÑ 17:6

Ho ngo annii akha mi kapato, piniimiyu atañka ai hokii tangii tola ho Jisu paka shiibi nii atañka ai mi. Ngiika mohmika kapa lyiho ngo ano hemurto.

MIHUKAKIÑNIIÑ 17:14

mohlu gyambo pakiñdo Subuñmi, ho Subuñ hii mohlumi pamiñ kendo, niimpalukoda mo attoh atañka Attoh ho radde atañka Radde, ho hutiina mo agiñho danii hiika atañ gyokodo kahekonii ho lotii.”