MIHUKAKIÑNIIÑ 2:10 - NITI GONTU N.T. (BSI)

¹⁰ Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

MIHUKAKIÑNIIÑ 2:10 ပူးပေါင်းရင်းမြစ်များ

JEMS 1:12

Lyanko kendo hiika miyu huna tenka niimi pigiiladonii, niimpalukoda mo tenka niimi datḛr giido koda mo sango ka tayyiñbyopa mi kapa kendo nii mina Pinii hemme bitola donii huna mohmi hendo nii.

METHU 10:22

ho nunu kone abilo kahu kokiñdo ngiika armyañ pa. Hojalo huna kami kalo lohepa pigii talyinii hii lyangur kokiñdo.

1 PITAR 5:4

Ho niida akhoja Subuñ sornii ahchiku nunu lyula masanii tatukatu ka tahiñ byopa mi pakiñ dokuke.

MAK KA AYAPUYU 13:13

ho nunu kone abilo kahu kokiñdo ngiika armyañ pa. Hojalo huna kami kalo lohepa pigii talyinii hii lyangur kokiñdo.

IPISIA 6:12

Niimpalukoda ngunu asiialyo la ai nyimi cherii make, hojalo igii atañ mike, tamo atañmike, siika siilobiilyo ka dohadolo mika sangiinii atañ mike cherii dunii, diimmah yajiyallo ka atoh atañmi dariiganda ka lengo hoka dunii atañmi.

MIHUKAKIÑNIIÑ 2:9

“‘Ngo chindo nunuka hentḛrkanyi ho nunuka arromi (hojalo nunu mingodo), ho nipasiiniiñ atañ huna ludonii mohlu Jew ke hiila ho mohlu hiilama, hojalo Saitan ka sinagog.

METHU 24:13

Hojalo huna kamikalo lohepa pigii talyinii hii lyangur kokiñdo.

1 PITAR 5:8

Hendi tolya, kadila duto. Nunuka ahha-banii igii gyaduñla dake patii gyuniiñ hiilyañ, meduñla hu kone mijalo diidupa hiila.

1 KORINTIA 9:25

Khelinii miyu kone abi miinyodu hendimiidi mi hikha drih ho. Mohlu siimi miinyada lyula samanii karniiñbyopa mi larii dupa, hojalo ngunu lyula samaniimi.

METHU 10:28

Ho huna apomi menkiñ donii hiimi biiso lyayo hojalo yallo mi mella kemma ke; hiilamapa hiimiya biiso tolya huna yallo la apo nyimi mella kendonii yamuganda ho.

MIHUKAKIÑNIIÑ 13:7

Piniimiyu atañmi gyambo parii dopa miilañ bitii ho mohlumi pamiñ dopa. Ho otority mi bitii hiimi kapane halugiira ho miyu atañmi ho aguñ atañmi ho ganda mi kabiidopa,

IPISIA 2:2

niihona nunu ronge ila datiinii, siika dohadolo ka henju ho imbo laka doho ho, ho yapuñ ka raddewiinga ka harchichike ka kiiliñ ho imbola dane, yajiyallo siisijalo miigo miila do luniiñtamanii oho atañ ko.

JON KA AYAPUYU 13:2

Ho alyiñapiñ diila doho, igii hii Saimon ka oho Judas Iskariot ka ahha ho ahto kula dotii ku, mohmi talubalo kiine dupa hiila,

JON KA AYAPUYU 12:25

Hu attoh ka sango mi abyo siido hii alyu siidu, ho huna attoh ka sango mi siika dohadolo so hempa siidonii hii santḛrlamanii sango pa dokiñdo.

LUK KA AYAPUYU 21:12

Hojalo hikha siika atañka lyima rampa mohlu nunumi latu kendo ho miihimiire kendo, nunumi sinagog atañ ho la patiihude atañ ho bikiñdo, ho nunumi radde atañ la govonor atañ ko ahgii bikiñdo ngiika armyañ kiipa.

MAK KA AYAPUYU 8:35

Niimpalukoda huna atoh ka sango mi lyangur siina donii hii hiimi alyu siikiñdo, ho huna ngiika piigopa ho aya puyu ka piigopa mohluka sango mi alyu siitiinii hii lyangur siida.

MIHUKAKIÑNIIÑ 13:2

Ho achu-amyo ngiika kapaniibo hogya kapune, hiika alih hii siitiñ kii hiilyañne, ho hiika aguñ hii patii kii hiilyañne. Ho hiimi tabu hii mohka harchichike mi bibiine ho mohka raddeduko mi ho kahe otority mi.

MIINIIÑ 21:13

Ho Pol lusitii, “Niina nunu mudunii, khela ho ngiika ahha mi tatu kiine la? Ngo pattiih kontii tunko pamake hojalo Jerusalem ho siidu pajalo hendi duke Attoh Jisu Kristo ka armyañ pa.”

MIINIIÑ 20:24

Hojalo ngo ngiika sango mi hang khiiniiñ pa hensuma malo ngo attohmi, ngo matiirḛ miipe dokoda ngiika miigomi ho miigolugo mi nii mina ngo Attoh Jisu kokii larii tiinii, Pinii ka aroh-aya ka ayapuyu mika pyako niisimi.

JON KA AYAPUYU 13:27

Yatañ petu niika hiiba ho, Saitan mohko ahtiiku. Jisu mohmi lutii, “No nii miipa miidu, nyibya miito.”

MIHUKAKIÑNIIÑ 2:13

“‘Ngo chindo nohna nunu dunii, nohna saitan ka raddeduko hii; nunu lotiido ngiika armyañ pa ho nunu mapa ma ngiipa ka henje niimi Antipas ngiimika haki biniika allo lohe pa, ngiika lotii kone, humina membii nenii nunuka punkoho, nohna saitan dunii.

MIHUKAKIÑNIIÑ 13:14

ho hiika kagiñnaniilo nii mina miila dopa bitiinii achu-amyo ka dapa, hii talubalodo hutiina kiiddiapiñ so dunii, mohlumi achu-amyo pa puchi tote hiila lutii nii mina une agii tiinii ilyo lo ho hojalo turla da;

MIHUKAKIÑNIIÑ 17:14

mohlu gyambo pakiñdo Subuñmi, ho Subuñ hii mohlumi pamiñ kendo, niimpalukoda mo attoh atañka Attoh ho radde atañka Radde, ho hutiina mo agiñho danii hiika atañ gyokodo kahekonii ho lotii.”