MIHUKAKIÑNIIÑ 2:1 - NITI GONTU N.T. (BSI)

¹ “Ipisia gyoliñkonii daka miidopopi kedo: ‘hiika aguñ huna takḛr pukkanuhemi mohka lahbi alah ho gabii tola biidonii, huna ila donii kanuhe ayyiñ hokiika yamumiiru agiñho.

MIHUKAKIÑNIIÑ 2:1 ပူးပေါင်းရင်းမြစ်များ

MIHUKAKIÑNIIÑ 1:20

Michilamanii kanuhe takḛr atañmi nii mina no ngiika lahbi alah ho kapa tiinii, ho kanuhe ayyiñ hokiika yamumiiru mi, kanuhe takḛr atañ hii kanuhe miidopopi atañ ke ho kanuhe yamumiiru atañ hii kanuhe gyoliñkonii atañke.

MIHUKAKIÑNIIÑ 1:16

mohka lahbi alah ho takḛr pukkannu biitola, mohka aguñ hokii hempḛr ilyo lyogañ lyoro areh giinii luliñdo, ho mohka nyimohii lolyañ danyi chitañ hudakiila.

MIHUKAKIÑNIIÑ 3:14

“Ho Laodisia gyoliñkonii daka miidopopi kedo: ‘Amen hiila talii dopaka aguñ, lotii ho jije haki, Pinii ka pulyi hoka lintuja.

MIHUKAKIÑNIIÑ 3:7

“Ho Piladelpia gyoliñkonii daka miidopopi kedo: ‘Darii koneka aguñ, jije kone, huko hona David ka sabe donii, huka miiko lyiho kone hetrḛ miipiñ lakiñma, huka miipiñ lyiho kone hetrḛ miiko lakiñma.

MIHUKAKIÑNIIÑ 3:1

“Ho Sardis gyoliñkonii daka miidopopi kedo: ‘Mohka aguñ hukiina kanuhe Pinii ka Yajiyallo ho pukkanuhe takḛr giidonii . “‘Ngo chindo nunuka miigo atañmi; nunu turnii hiila armyañ giisudo, ho nunu shiinii.

MIHUKAKIÑNIIÑ 2:18

“Ho Taitira gyoliñkonii daka miidopopi kedo: ‘Pinii ka Oho ka aguñ, hukiina amee yamu miilyo hiilyañ giidonii, ho huka alihna bitie mika hilu miitiinii hiilyañ donii.

MIHUKAKIÑNIIÑ 2:12

“Ho Pargamum gyoliñkonii daka miidopopi kedo: ‘Mohka aguñ huna ilyo lyogañ lyoro areh giinii biidonii.

MIHUKAKIÑNIIÑ 2:8

“Ho Ismarna gyoliñkonii daka miidopopi kedo: ‘Kappyo jahii la kami jaka aguñ atañ, huna shiitii kunii ho turiturku tiikunii.

METHU 18:20

Niimpalukoda noh anye malo hinge ngiika armyañ pa dachi, ho Ngo mohluka punkoho dadu.

JON KA AYAPUYU 5:35

Mo tila dotii, ho byonii muru ke, ho nunu talii nyado ichuche hempyo dupa mohka hutoh ho.

MIHUKAKIÑNIIÑ 12:1

Ho hempḛr kahe kagiñnanii yapuñho lintii. annii akha danyi mi pulye pa giitola, piilo mi mohka alih nyota nambii tola, ho mohka adiñ ho takḛr perlyañ lenye hemi tahiñbyopa pa giitola;

METHU 28:20

tonsḛr tolya hikha ngiika nunumika lujubiniiñmi tatolya hiila; ho kato, Ngo nunuka agiñho kiirañ dabo talyike, kiiddimiidoh ka dodo hemi.”

MIINIIÑ 18:19

Ho mohlu Ipisia ho ahtii, ho mo mohlumi hiiko apatii; hojalo mo mohkontii sinagog ho intii ho Jew atañmi cheriitii.

MIINIIÑ 18:21

hojalo mohlumi ilepa miibii dola mo lutii, “Ngo nunuko ahkur talyike Pinii matiirḛ helyi milo,” ho mo Ipisia hokii khoritii.

MIINIIÑ 19:1

Apollos ka Korint hoka daho, Pol ayoh dalyi ka ganda mi impobiila ho Ipisia ho ahtii. Hiiko mo henjeajiñ tonge kappatii.

2 KORINTIA 6:16

Niitañpa talii lakiñdo Pinii ka piniiude hii miichi niika agiñho? Niimpalukoda ngunu turnii Pinii ka piniiude; Pinii hiila lutii, “Ngo mohluka agiñho dubo monchi ho mohluka agiñho imbo monchi, ho ngo mohluka Pinii, ho mohlu ngiika miyu.