MIHUKAKIÑNIIÑ 17:17 - NITI GONTU N.T. (BSI)

¹⁷ niimpalukoda Pinii siimi mohluka ahha atañ ho atii tiiku mohka miidupaka heniiñmi henju konepa giila miidopa ho radde harchichike mi achu-amyo mi bidupa, nii dahepa Pinii ka aguñ lyipe tama.

MIHUKAKIÑNIIÑ 17:17 ပူးပေါင်းရင်းမြစ်များ

MIHUKAKIÑNIIÑ 10:7

hojalo niimpalukoda kanunii miidopopi ka goropaka siirii mulyi allo ho, Pinii ka michilamanii drih, mohka miira nyibuhenii atañ mika hemme biniiñhii, lyipe kendo.

2 KORINTIA 8:16

Hojalo Pinii mi payapacho luto huna hiimkane denki nunumi kalyañkada dopa Taitas ka ahha ho bitii nii.

JON KA AYAPUYU 13:2

Ho alyiñapiñ diila doho, igii hii Saimon ka oho Judas Iskariot ka ahha ho ahto kula dotii ku, mohmi talubalo kiine dupa hiila,

MIHUKAKIÑNIIÑ 17:13

Siika atañsi henju kone ke ho mohluka harchichike la otority mi bipa tiiku achu-amyo mi;

JON KA AYAPUYU 13:18

Ngo nunu miilañ rumi luma ke; ngo chindo ngo humina kahe tiinii hiila; siikasi piniipota mi miipe kiinedupa, ‘Huna ngiika yatañ mi diitiinii mohka ludu lo ngiimi nyoje biido.’

LUK KA AYAPUYU 22:22

Niimpalukoda miyu ka Oho hii lyikiñdo luto laka dokoho; hojalo aiya hiila hembido hiika miyu mi huna mohmi talubalo danii!

MIHUKAKIÑNIIÑ 15:1

Ho ngo koneya kapuñ loda kagiñnanii kapato dariiganda ho, kahe ho anoaya, kanuhe miidopopi kanuhe doli ka agiñho, niihna kami jakunii, niimpalukoda mohluka agiñho Pinii ka hadii hii diime kendoku.

JON KA AYAPUYU 19:28

Siika hiibaho Jisu, hikha miijaku hiila chimbii tola, lutii (piniipota mi miipe dupa), “Ngo hangḛrdo.”

JON KA AYAPUYU 19:24

hopa mohlu kone anyañ mi lusutii, “Simi ngunu sarche masa, hojalo pota tuka siisa si hupana dokiñ donii.” Siikasi piniipota mi lyipe kiine dupa lyitii, “Mohlu ngiika abitarii mi mohluka punkoho tache siibiine, ho ngiika pulyepa mohlu pota tuka siinyado.”

JON KA AYAPUYU 10:35

Mo matiirḛ mohlumi pinii hiila gyodo koda, hukohona Pinii ka aguñ hii ahtiinii (ho piniipota mi tache lakiñma),

LUK KA AYAPUYU 22:37

Niimpalukoda ngo lukoso nunumi siika piniiaguñsi ngiiko lyipe kendo lodake, ‘Ho mohmi talemiilenii atañ agiñho khiita monkiñdo’; niimpalukoda nii hiila ketola do ngiika piigo mi hiika hiimi lyipe kiinekendo.”

LUK KA AYAPUYU 22:3

Ho Saitan Judas Iskariot hiila lunii boko ahtiiku, alyañlenye hoka dabonii kone;

MIHUKAKIÑNIIÑ 6:11

Ho mohlumi kone abimi puloo tarii bersa binya biine ho lubiine ichuche hemmo lyatorañ, nunuka miira ahiñ mila ho nunuka anubarmii atañ mitrḛ abbi dopa, hutii mina menkiñ dorañnii nunu mika mencha ho.

MIHUKAKIÑNIIÑ 19:9

Ho miidopopi lune ngiimi, “Siika siimi keto: Lyanko kendo hiika atañ hutii mina gyotiinii Subuñ ka mihie lako alyiñapiñ diikoho dudupa.” Ho mo ngiimi lune, “Siika atañsi jije Pinii ka aguñke.”