MIHUKAKIÑNIIÑ 17:14 - NITI GONTU N.T. (BSI)

¹⁴ mohlu gyambo pakiñdo Subuñmi, ho Subuñ hii mohlumi pamiñ kendo, niimpalukoda mo attoh atañka Attoh ho radde atañka Radde, ho hutiina mo agiñho danii hiika atañ gyokodo kahekonii ho lotii.”

MIHUKAKIÑNIIÑ 17:14 ပူးပေါင်းရင်းမြစ်များ

ROM MIKA POL KA SIITI KENIIÑ 8:30

Ho humina mo bardiñsoyu tiinii mo hiimi gyoduta; ho humina gyotiinii hiimi lupyatiiku; ho humina lupyatiikunii mo hiimi tatukatu kiine duta.

1 TIMOTI 6:15

ho siika siimi myodumyolo aya ho kakiñ kendoke khiiniiñja ho Kayeja bo kontii, radde atañka Radde ho attoh atañka Attoh,

METHU 22:14

Niimpalukoda abuje gyoliitii, hojalo kahe konii chesu.

MIHUKAKIÑNIIÑ 3:21

Hii huna pamiñdonii, ngo mohmi ngiika agiñho raddeduko ho dugii talyi, niihtañpa ngo atoh tiirḛ pamiñtii ho ngiika Aba ka raddeduko ho dubo du.

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

MIHUKAKIÑNIIÑ 16:14

niimpalukoda mohlu igii ka yajiyallo, kagiñnanii miila, huna intiinii adhoganda ho radde atañ ko hikha dohadolo ho, mohlumi gyokuñla gyambo pake nendupa hempḛr kahe allo Pinii Tamoka.

1 KORINTIA 15:24

Hiikahiiba ho santrḛ kendoku, niida mo bichi ku raddeganda mi Pinii Aba mi hikha sangiinii, ho kapane otority mi ho kapane harchichike mi pyadu loke nenku lala.

ROM MIKA POL KA SIITI KENIIÑ 8:37

Ma, hikha siika drih siimi ngunu pamiñ tiiku mohkiilo huna ngunumi hendo nii.

METHU 28:18

Ho Jisu ahtii ho mohlumi lutii, “Hikha yapuñ la kiiddiapiñ nyika otority mi ngiimi bitola do.

MIHUKAKIÑNIIÑ 11:7

Ho mohlu mohluka pyako niimi pyaja lala, achu-amyo kamoramba urañ hokiika chanii mohluka agiñho gyambo pakiñdo ho mohlumi pamiñ kendo ho mohlumi menkiñdo,

1 PITAR 2:9

Hojalo nunu kahenii haluke, radde ka nyibu atañ, darii ganda, Pinii ka atoh miyu, niimpalukoda nunumi luko kiine dupa mohka hempḛr aya miigo miiniiñmi huna nunumi gyoliñ tiinii kamo hokii mohka hempḛr kapyo hutoh ho.

2 TIMOTI 2:4

Sipahi kone tiirḛ mohka miigo miilyiho dumiñ miyu ka miijuluju lo hatu komake, niimpalukoda mohka miigo hii huna mohmi kahe tiinii hiimi hembyañ dopa miipa talyi hiilaka heniiñ.

JON KA AYAPUYU 15:16

Nunu ngiimi kahe make, hojalo ngoke nunumi kahe tiinii ho bibiilyinii ingela ho ahee hidopa ho nunuka ahee mi giigela dopa; niimpalukoda niijalo nunu Aba mi ngiika armyañ pa kuchi, mohmi nunumi bike nendupa.

METHU 25:40

Ho Radde mohlumi luko lusi kendo, Jijeloda, Ngo nunumi lukoso, nunuka siika khiima janii ngiika anubarmii atañ mika kalyañ nii hii, nunu ngiimi ke kalyañ donii.

ROM MIKA POL KA SIITI KENIIÑ 1:6

nunu miilañmi lutala hutiina Jisu Kristo kii hiila lusu donii;

MIHUKAKIÑNIIÑ 2:13

“‘Ngo chindo nohna nunu dunii, nohna saitan ka raddeduko hii; nunu lotiido ngiika armyañ pa ho nunu mapa ma ngiipa ka henje niimi Antipas ngiimika haki biniika allo lohe pa, ngiika lotii kone, humina membii nenii nunuka punkoho, nohna saitan dunii.