MIHUKAKIÑNIIÑ 17:1 - NITI GONTU N.T. (BSI)

¹ Ho kanuhe miidopopi hokii, kone huna kanuhe paaka biidonii ahla ho ngiimi luhii, “Ahto, ngo niimi kakiñso pfyoaridiisunii tatukatu bomika ayakacho kaniiñmi huna abuje yasie ka ayoh ho dunii,

MIHUKAKIÑNIIÑ 17:1 ပူးပေါင်းရင်းမြစ်များ

MIHUKAKIÑNIIÑ 19:2

niimpalukoda mohka ayakacho kaniiñ hii jije ho kadiko; mo halii biine kaye pfyoaridiisunii bomi huna kiiddiapiñ mi mudu biinenii mohka datuapu puniilo, ho mo miili biine mohmi mohka miira atañka ai pa.”

MIHUKAKIÑNIIÑ 16:19

Hempḛr kahe citi hii tache la hinge hakhu pa lyine, ho ganda daka citi atañ huhi nyane, ho Pinii hempane kaye Babilon mi, mohmi tanke nendupa hadii ka turla mi mohka hempḛr hadii lo.

MIHUKAKIÑNIIÑ 21:9

Hiikahiiba ho kone ahhii kanuhe miidopopi hokii huko hona paka kokkanuhe poteje kamija doli kanuhemi biidonii, ho ngiimi lune, lubiidola, “Ahto, Ngo niimi kakiñso Mihie mi, Subuñ ka mihie.”

MIHUKAKIÑNIIÑ 15:1

Ho ngo koneya kapuñ loda kagiñnanii kapato dariiganda ho, kahe ho anoaya, kanuhe miidopopi kanuhe doli ka agiñho, niihna kami jakunii, niimpalukoda mohluka agiñho Pinii ka hadii hii diime kendoku.

MIHUKAKIÑNIIÑ 21:15

Ho mo huna ngiimi lurii nenii mohka alah ho ayyiñ hokii tuka nanii panyi biido citi mi tuka dupa hiila ho hiika hagya atañla tarsi atañmi.

MIHUKAKIÑNIIÑ 4:1

Siika hiiba ho ngo kadi kiile, ho kato, dariiganda ho alyeh lyeko tola do! Ho kapyo japa ka luniiñ hii, ngiimika luniiñmi ngo takele siirii gyuniiñ hiilyañ, lune, “So chato, ho ngo niimi kakiñso siika hiiba ho niihna lyikiñ donii.”

LUK KA AYAPUYU 24:32

Mo anye kone anyañmi lusutii, “Ngiinyi ahha abañla doma neha mohmika lembo ho luriila dolyiho, mohka ngiinyi paka piniipota mika lukolaka dolyiho?”

LUK KA AYAPUYU 9:30

Ho kato, miyu anye mohmi luriila dami, Mose la Elija nyi,

MIHUKAKIÑNIIÑ 1:1

Jisu Kristo ka kakiñniiñ, nii mina Pinii mohmi bitiinii mohka miira atañmi kakiñ dupa niihna hempḛr nyibya lyikiñ donii; ho mo siika siimi chindopa miitii miidopopi mi mohka miira Jon ko kiiniñ lala,

MIHUKAKIÑNIIÑ 18:1

Siika hiiba ho ngo hiira kapato koneya miidopopi dariiganda hokii tola dopa, hempḛr kahe otority giitola; ho kiiddiapiñ mi hudopa miibiine mohka huniiñ lo.

MIHUKAKIÑNIIÑ 19:9

Ho miidopopi lune ngiimi, “Siika siimi keto: Lyanko kendo hiika atañ hutii mina gyotiinii Subuñ ka mihie lako alyiñapiñ diikoho dudupa.” Ho mo ngiimi lune, “Siika atañsi jije Pinii ka aguñke.”