MIHUKAKIÑNIIÑ 16:5 - NITI GONTU N.T. (BSI)

⁵ Ho ngo tapato yasie ka miidopopi ka luniiñmi, “Kadiko kado niika ayakacho kaniiñ hii, no huna dunii ho dutiinii, O Darii Kone.

MIHUKAKIÑNIIÑ 16:5 ပူးပေါင်းရင်းမြစ်များ

MIHUKAKIÑNIIÑ 11:17

lubiidola, “Ngunu niimi payapacho ludu, Attoh Pinii Tamo, huna dunii ho dutiinii, niimpalukoda no niika kahe harchichike mi lala la ho sangii ritii.

MIHUKAKIÑNIIÑ 1:8

“Ngo Alpha ho Omega ke,” Pinii Attoh ludo, huna dunii ho huna dutiinii ho huna ahkiñ donii, Tamoja.

MIHUKAKIÑNIIÑ 1:4

Jon kokiila pengkanuhe gyoliñkonii Asia hoka doniimi: Aroh-aya la chimie mi nunupa bilyike mohkokii huna dunii ho huna dutiinii ho huna ahkiñ donii, ho kanuhe yajiyallo kokii huna mohka raddeduko hataho danii,

MIHUKAKIÑNIIÑ 4:8

Ho piilyeru turnii achu-amyo hii, kone abikii ale lekhe giitola, poteje amee giitola gokḛrpala ho ura ho, ho allo ayoh mi mohlu pema biisie singuma, “Darii, darii, darii, Attoh Pinii Tamoja, huna dutiinii ho du ho ahkiñ donii!”

ROM MIKA POL KA SIITI KENIIÑ 2:5

Hojalo niika ahha alḛr ho henkur manii hii, niiko atii tiikuñ siibiido hadii mi niipa, hadii diidu ka allo hopa, niidana Pinii ka denki ayakacho kaniiñmi kakiñ talyinii.

MIHUKAKIÑNIIÑ 16:7

Ho ngo tapato agyañ ka kheniiñmi, “Ḛh, Attoh Pinii Tamoja, jije ho kadiko niika ayakacho kaniiñhii!”

ROM MIKA POL KA SIITI KENIIÑ 3:5

Hojalo ngunuka diimmah hii matiirḛ Pinii ka ayakacho kaniiñmi kakiñ dokoda, nii hiila pe ngunu luchinii? Pinii miikha dopeha ngunumi pamyo kela? (Ngo miyu ka luchañ hoke ludu nii.)

MIHUKAKIÑNIIÑ 19:2

niimpalukoda mohka ayakacho kaniiñ hii jije ho kadiko; mo halii biine kaye pfyoaridiisunii bomi huna kiiddiapiñ mi mudu biinenii mohka datuapu puniilo, ho mo miili biine mohmi mohka miira atañka ai pa.”

MIHUKAKIÑNIIÑ 16:4

Hingenii miidopopi mohka paaka mi kiiley la yasie shoo nyiho riilo biine, ho hiika atañ ai pa lyine.

JON KA AYAPUYU 17:25

O denki Aba, dohadolo niimi chima, hojalo ngo niimi chindu; ho siika atañ chindo no ngiimi kiiniñtii hiila.

MIHUKAKIÑNIIÑ 6:10

mohlu hempḛr goropa gyurine, “O Kayeja Attoh, darii ho jije, ne diirii kendo rañ niika halii sanii ho nunuka ai paka miili sanii hutiina kiiddiapiñ ho dunya durañnii?”