MIHUKAKIÑNIIÑ 14:7 - NITI GONTU N.T. (BSI)

⁷ ho mo hempḛr goro aguñ pa lubiido, “Pinii mi biisoto ho mohmi assañto, niimpalukoda mohka ayakacho kadu myodu ahdo kuke; ho mohmi heriito huna dariiganda la kiiddiapiñ nyimi putiinii, siimie la yasie shoo mi.”

MIHUKAKIÑNIIÑ 14:7 ပူးပေါင်းရင်းမြစ်များ

MIHUKAKIÑNIIÑ 15:4

Hu biiso kema ho niika armyañ mi assañ kema, O Attoh? Niimpalukoda no kontiisii darii. Hikha ganda atañ ahbiila ho niimi herii kendo, niimpalukoda niika ayakacho kaniiñmi kakiñ tiiku.”

MIHUKAKIÑNIIÑ 11:18

Ganda atañ hadii ritii, hojalo niika hadii hii ahtii, ho shiinii atañmi halii dupa myodu ahtiiku, niika miira atañmi ahmiñayiñ bidukupa, nyibuhenii atañ mila ho piniimiyu atañmi, ho hutiina niika armyañ mi biiso nyadonii, anyerumi atu la kahe, ho pyadu dupa kiiddiapiñ mika pyadulonii bomi.”

MIHUKAKIÑNIIÑ 4:11

“no khiiniiñ, ngunuka Attoh ho Pinii, lariidupa assañniimi ho khiiniiñmi ho harchichikemi, niimpalukoda no hikha drih atañmi puliñtii, ho niika henko ho mohlu lintii ho puliñ kotii.”

MIHUKAKIÑNIIÑ 11:13

Ho hiika myodu jaho hempḛr uro myobu hune, ho citi ka alyañnii hakhu hii yahine; miyu jakkanuhe shiine myobu hukoho, ho khiibe atañ biiso nyane ho assañ nyane dariiganda daka Pinii mi.

MIHUKAKIÑNIIÑ 18:10

mohlu hempḛr adho ho dakiñdo, biisola mohka henga henkha heniiñmi kala la, ho lukiñdo, “Iimbyocho! iimbyocho! no citi kahe bo, no citi tamojabo, Babilon! Gunta tahe ho niimika ayakacho kaniiñ ahne.”

MIHUKAKIÑNIIÑ 16:9

miyu atañmi bemya biido hempḛr beñkhe gubulo, ho mohlu Pinii ka armyañ mi bebiido huna siika doli ka harchichike mi giidonii, ho mohlu henkur nyama ho mohmi assañ nyama.

MIHUKAKIÑNIIÑ 4:9

Ho niidajalopa turnii achu-amyo assañ talyi ho khiichi ho mohmi payapacho luchi mo huna raddeduko ho dunii, huna ayu dahepa dukiñ donii,

MIINIIÑ 14:15

“Miyu atañ, niimpa nunu siimi miidu? Ngunu tiirḛ miyu kiike, nunuka henju ahiñ, ho nunupa ayapuyu balii bila, niimpalukoda nunumi siika piigo amanii drih atañ hokii turnii Pinii ko ahkur kiine dukupa huna dariiganda la kiiddiapiñ ho siimie ho hikha hoka danii atañmi putiinii.

MIHUKAKIÑNIIÑ 19:5

Ho raddeduko hokii hempḛr goropa aguñ gyuliñdo, “Ngunu Pinii mi assañto, hikha nunu mohka miira atañ, nunu hutiina mohmi biiso nyadonii, atu la kaye nyi.”

MIHUKAKIÑNIIÑ 8:10

Hingenii miidopopi mohka siirii mi mubiido, ho hempḛr abuje takḛr huhido yapuñ hokii, muru chitañ byobiidola, ho hiika hii kiile atañka hingenii hakhu ho huhi nyado ho yasie shoo huliñ ko atañ ho.

LUK KA AYAPUYU 17:18

Kone hetrḛ nyikumaha ahkurla Pinii mi assañ niipa siika nyibo mi apa lala?”

MIHUKAKIÑNIIÑ 18:19

Ho mohlu dimḛr piipu siibiido mohluka adiñho, mohlu khela dola ho haruhela dola, gyurido, “Iimbyocho, iimbyocho, citi kahebo nohna hikha hutii kiina siimie ho yasiejaji atañ donii mingonyane mohka mingotamo lo! Gunta tahe pa mohkiimi hikha miilyi miipya biine.

MIHUKAKIÑNIIÑ 18:17

Gunta tahepa hikha siika mingotamo hii danyopa impa neku.” Ho hikha yasiejaji mika khogiibo ho yasiejaji hoka miyu innii atañ ho khoniiñ atañ ho hikha hutii kiina siimie ho kiiri miidonii, hii adho ho dasa giine

1 PITAR 4:7

Hikha drih atañka kamikalo hii tunii dokuke; hopa hendila ho hendḛrla dato nunuka kuna naniipa.

METHU 25:13

Hopa hendila dato, niimpalukoda nunu chimake allo mi ho myodu mitrḛ.