MIHUKAKIÑNIIÑ 14:4 - NITI GONTU N.T. (BSI)

⁴ Siika atañsi hiike hutiina atohmi miibḛr siima tiinii nyimii atañ agiñho, niimpalukoda mohlu addah ke; siika atañ sike hutiina Subuñ mi imbo nyatii nii nohjalo mo intii; siika atañmi tupya tiiku miyuatañ kokii Pinii ka kapyo ja ahee pa ho Subuñ pala,

MIHUKAKIÑNIIÑ 14:4 ပူးပေါင်းရင်းမြစ်များ

MIHUKAKIÑNIIÑ 3:4

Hojalo siisi lohepa lamapa armyañ tonge giido ranke Sardis ho, miyuatañ huna mohluka tarii mi miibḛr giima ranii ho mohlu ngiika agiñho imbo kendoke puloo pa, niimpalukoda mohlu khiiniiñ.

2 KORINTIA 11:2

Ngo piniikariñ kachañ ho nunumi kariñdo, niimpalukoda ngo nunumi lumyo bitiiku Kristo pa nunumi darii mihie konepa hiila mohpa millo ako kontii pa.

JEMS 1:18

Mohka atoh henko jaho ngunumi puliñtii jije ka aguñlo niimpalukoda ngunumi mohka puniiñ hokii hitu ahee chikañ dopa.

MIHUKAKIÑNIIÑ 5:9

ho mohlu niti biisie sido, lubiidola, “No khiiniiñ pa lyido karkiesiilyo mi lariiniipa ho hiika jhipponiimi miiko dopa, niimpalukoda no menkotii ho niika ai hii miyu atañmi tupya tii Pinii pa halu kone abi hokii ho aguñ ho miyuatañ ho ganda mi,

JON KA AYAPUYU 12:26

Hujalopa matiirḛ ngiimi miihotalyi, mo ngiimi imbo monkiñdo loda; ho noh ngo da, hiiko ngiika miira tiirḛ dakiñdo; hujalopa ngiimi matiirḛ miihotalyi, Aba mohmi khiikiñdo.

JON KA AYAPUYU 10:27

Ngiika subuñ ngiika aguñmi tadu, ho ngo mohlumi chindu, ho mohlu ngiimi imbo du;

MIHUKAKIÑNIIÑ 17:14

mohlu gyambo pakiñdo Subuñmi, ho Subuñ hii mohlumi pamiñ kendo, niimpalukoda mo attoh atañka Attoh ho radde atañka Radde, ho hutiina mo agiñho danii hiika atañ gyokodo kahekonii ho lotii.”

1 KORINTIA 6:20

nunumi arie bila riitii ku. Hopa nunuka apo lo Pinii mi assañ diilañto.

JON KA AYAPUYU 8:12

Hiira Jisu mohlumi lukotii, lubiidola, “Ngo dohadolo ka hutoh ke; huna ngiimi imbo monchinii hii kamo ho ingkiñ make, hojalo sango ka hutoh mi giikiñdo.”

1 PITAR 2:9

Hojalo nunu kahenii haluke, radde ka nyibu atañ, darii ganda, Pinii ka atoh miyu, niimpalukoda nunumi luko kiine dupa mohka hempḛr aya miigo miiniiñmi huna nunumi gyoliñ tiinii kamo hokii mohka hempḛr kapyo hutoh ho.

IPISIA 1:14

nii mina ngunumika hentiñ naniiñpa bitiinii ngunuka pensi kosa niimi nii dahepa ngunu hiimi biitema, mohka tatukatu mi assañ naniiñpa.

1 KORINTIA 16:15

Siisi, anubarmii atañ, nunu chindo Istepanas ka uru atañ Akaia hopaka kapyo japa ka lyiguhnii, ho mohlu atohmi piniimiyu atañpa miigo miibi ko hengala miine;

MIINIIÑ 20:28

Nunu attohpa hendi nyatolya ho hikha subuñ atañmi, nunumi Darii Yajiyallo mohlumi kabii niipa miitii, Pinii ka gyoliñkonii atañmi kage niipa humina mo mohka attoh Oho ka ai lo riitii nii.

JON KA AYAPUYU 13:37

Pitar mohmi lutii, “Attoh, niimpa ngo siisi niimi imbo lakiñma? Ngo ngiika sango mi niipa hempa bichi.”

METHU 25:1

Ho dariiganda ka raddeganda mi nyimuñ alyañ hemi khiitiñ nantii hutiina mohluka muru mi biitola ho mihielasa bomi kappa dupa intiinii.

METHU 8:19

Ho Pagenii ako ahbiila mohmi lutii, “Tonsḛrbo, ngo imbo talyi no noh inchi inja lopa.”

1 TIMOTI 4:3

huna mihie millo lasu niimi lutiñ donii ho diigotango diisanii tange mi diiyo ludonii nii mina Pinii puliñ tiinii hiimi payapacho hiibii dola ka larii saniiñmi huna henje donii ho jijemi chindonii.

1 KORINTIA 7:28

Hojalo no matiirḛ mihie lalyi milo, no ingyamiigya make, ho nyimii matiirḛ millo indo koda mo ingyamiigya make. Hojalo huna mihie millo lasu donii hiiko kiiddiapiñ ka heru hii dokiñdo, ho ngo hiiko hokii niimi lakhu dupa hiila ke.

METHU 19:12

Niimpalukoda tange bulyi hokiija nyimlo pa bukotii, ho nyimlo tange mi miyuatañ nyimlo pa miitii, ho nyimlo tange atoh atoh nyimlo pa miisutii dariiganda ka raddeganda ka piigopa. Huna simi talii ladonii, hiimi talii kiineto siimi.

IPISIA 5:27

niimpalukoda mo gyoliñkonii mi atohmi bisudupa hiila kapyo, hang pahañhansa malo siikuñsiiri giimapa malo hiitañ hang drih, niimpalukoda mohmi darii ho hang ayamanii kapamadopa.

HIBRU 12:23

ho butu wiinga ka dakuñ koho hutiimina dariiganda ho kelii tola donii, ho ayakacho kanii huna hikha ruka Pinii nii, ho denki miyu atañka yajiyallo mi digoabiaya dopa miitii,

MIHUKAKIÑNIIÑ 21:22

Ho ngo hang piniiude kapama citi ho, niimpalukoda hiika piniiude hii Attoh Pinii Tamoja la Subuñ nyikii.

MIHUKAKIÑNIIÑ 21:23

Ho citi hii danyi malo piilo mi anna ma hiiko byohu dopa, niimpalukoda Pinii ka hudakhada hii hiika hutoh, ho hiika muru Subuñ ke.