MIHUKAKIÑNIIÑ 14:14 - NITI GONTU N.T. (BSI)

¹⁴ Ho ngo kakele, ho kato, puloo jomii, ho jomiiho kone du kakoho miyu ka oho hiilyañ, mohka adiñ ho ayyiñ tahiñbyopa giitola, ho hempḛr tagi areh hokii mohka alah ho biitola.

MIHUKAKIÑNIIÑ 14:14 ပူးပေါင်းရင်းမြစ်များ

MIHUKAKIÑNIIÑ 1:13

ho yamumiiru ka liipa jaho kone miyu ka oho hiilyañ, tarii obyo hokii giitola ho mohka habyañho ayyiñ hokii huriñmi giitola;

HIBRU 2:9

Hojalo ngunu Jisu mi kapado, humina arche hepa miidopopi mi atu yadopa miitiinii, tatukatu ka agiñho tayyiñbyopa agiitii khiibii dola niimpalukoda shiiniiñ ka heru mika henko hopa, niimpalukoda Pinii ka aroh-aya kopa mohmi shiiniiñ mi henka kiine dupa kone abipa.

LUK KA AYAPUYU 21:27

Ho mohlu miyu ka Oho mi harchichike ho tatu katu ka agiñho jomii ho ahla dopa kappa kendo.

METHU 17:5

Mo luriila datiirañ, kato, hempḛr puloo jomii mohlumi hipu biitii, ho jomii hokii aguñ gonge lutii, “Siikasi ngiika heniiñja Oho ke, humina ngo ano hempyo biidunii; mo luniiñ tatolya.”

MIHUKAKIÑNIIÑ 6:2

Ho ngo kapato, ho kato, puloo gora, ho hiika gora yoniibo apiihalyi biitola; ho tahiñbyopa mi mohmi bibiine, ho mo inne pamiñpajo biila ho pamiñdupa.

MIHUKAKIÑNIIÑ 1:7

Kato, mo jomiika agiñho ahla do, ho kone abika amee mohmi kapa kendo, hiika atañ lohepa huna mohmi niikhii tiinii; ho hikha kiiddiapiñ daka halugiira atañ heru kendo mohkiipa. Hiipa tiirḛ. Amen.

MIHUKAKIÑNIIÑ 20:11

Ho ngo kapato hempḛr puloo raddeduko ho mohmi huna hiiko dunii; mohka kadopa kiiddiapiñ la yapuñ nyi gopa giine, ho mohlupa hang ganda kapa kumane.

MIHUKAKIÑNIIÑ 19:12

Mohka amee hii yamu miilyo hiilyañne, ho mohka adiñho abuje tahiñbyopa giine; ho mohko armyañ ketola giine nii mina mi kone hetrḛ chimanii hojalo mo atohsii.

MIHUKAKIÑNIIÑ 11:17

lubiidola, “Ngunu niimi payapacho ludu, Attoh Pinii Tamo, huna dunii ho dutiinii, niimpalukoda no niika kahe harchichike mi lala la ho sangii ritii.

MIHUKAKIÑNIIÑ 10:1

Ho ngo koneya tamo miidopopi dariiganda hokii tola dopa kapa, jomii lo apu biiko tola, mohka adiñ ayoh ho nyimeyaru giitola, ho mohka nyimo hii danyi chitañ, ho mohka alih hii yamu hokii ka siirañ chuli.

MAK KA AYAPUYU 4:29

Hojalo elyañ ka armiñ lyikuho, miyu tagi biila indu, niimpalukoda amoo pidu tiiku.

METHU 13:30

Anye rumi amoo pilyi lohepa sangiñ chake nento; ho amoo pidu myodu ho ngo pihnii atañmi luko talyike, Kapyo pa tagurenso atañmi pipyo to ho hiimi ngartola atiito rompa dupa, hojalo emmo atañmi ngiika nesu ho baliito.’”