MIHUKAKIÑNIIÑ 14:13 - NITI GONTU N.T. (BSI)

¹³ Ho ngo tapato aguñ dariiganda hokii lubiidola, “Keto siimi: Lyanko kendo siisi kiija shiinii atañ hutiina shiidonii Attoh ko.” “Lyanko kendo jijeloda,” yajiyallo hii ludo, “niimpalukoda mohlu dumo kendoku mohluka miigo miiniiñ hokii, niimpalukoda mohluka miiniiñ hii mohlumi injo mokiñdo!”

MIHUKAKIÑNIIÑ 14:13 ပူးပေါင်းရင်းမြစ်များ

MIHUKAKIÑNIIÑ 20:6

Lyankonii ho darii hiika hii hutiina kapyo turiturku rilyi ho turbo rikiñ donii! Hiika hiipa ronye niipaka shiiniiñ ho hang harchichike giima, hojalo mohlu nyibu pa lyikiñdo Pinii la Kristo nyipa, ho mohlu sangii sambo monkiñdo anyañ jare.

1 TESOLONIA 5:10

huna ngunupa shiibi tiinii niimpalukoda ngunu hurodojalo malo imi yado kujalo ngunu mo agiñho dubo mola dopa.

1 TESOLONIA 4:16

Niimpalukoda Attoh mohloda dariiganda hokii tokiñdo gyula lubiidola, akuñmiidopopi ka gyoniiñ agiñho, ho Pinii ka siirii muniiñ agiñho. Ho Kristo koka shiinii hii turi turpyo kendoku;

1 KORINTIA 15:58

Hopa, ngiika heniiñja anubarmii atañ, ranttito, abyukomapa, kiirañ Pinii ka miigomi miingu mapa miito, chimbiidola Attoh koka niika miiniiñ hii piigo ama lyikiñ ma hiila.

MIHUKAKIÑNIIÑ 19:9

Ho miidopopi lune ngiimi, “Siika siimi keto: Lyanko kendo hiika atañ hutii mina gyotiinii Subuñ ka mihie lako alyiñapiñ diikoho dudupa.” Ho mo ngiimi lune, “Siika atañsi jije Pinii ka aguñke.”

MIHUKAKIÑNIIÑ 21:5

Ho hii huna raddeduko ho dunii ludo, “Kato, ngo hikha drih atañmi niti dopa miichi.” Hiira mo ludota, “Siika siimi keto, niimpalukoda siika aguñ atañsi khiiniiñ ke ho jije ke.”

MIHUKAKIÑNIIÑ 6:11

Ho mohlumi kone abimi puloo tarii bersa binya biine ho lubiine ichuche hemmo lyatorañ, nunuka miira ahiñ mila ho nunuka anubarmii atañ mitrḛ abbi dopa, hutii mina menkiñ dorañnii nunu mika mencha ho.

2 KORINTIA 5:8

Ngunu ko aya haro nanii do, ho ngunuka apo hokii inkula ho Attoh ka agiñho ude hoka dubo saniimi hensañ hepa henchi.

MIHUKAKIÑNIIÑ 16:17

Kanunii miidopopi mohka paaka mi allyi ho rupu biido, ho hempḛr goro aguñ piniiude hokii lindo, raddeduko hokii, lubiidola, “Siikasi miitii ku!”

1 TESOLONIA 4:14

Niimpalukoda ngunu henjedu Jisu shiite hela ho hiira turiku, hii chulipa, Jisu kiilo, Pinii ahgii kendo mo agiñho hutiina imi lyado kunii.

1 KORINTIA 15:18

Ho hutiina Kristo ko miti nyatiikunii hiika atañ tiirḛ lyuja tiiku.

ROM MIKA POL KA SIITI KENIIÑ 14:8

Ngunu matiirḛ sando koda, ngunu Attoh ko sando, ho ngunu matiirḛ shiido koda, ngunu Attoh ko shiido; hiikohopa, ngunu sanchi ha malo ngunu shiichi ha, ngunu Attoh kiiku.

LUK KA AYAPUYU 16:9

Ho ngo nunumi lukoso, nunu ajiñ biito nunupa kiiddiapiñ ka tiickoyanii lo, niimpalukoda hiika nyiku malyi ho mohlulo lyulamanii duko atañ ho larii kodupa.

METHU 3:17

ho kato, aguñ gonge yapuñ hokii luliñdo, lubiidola, “Siikasi ngiika heniiñja oho, humina ngo ano hempyo biidunii.”

MIHUKAKIÑNIIÑ 11:19

Ho Pinii ka dariiganda daka piniiude hii miikone, ho mohka hemmesiiniiñ bako mi kapane mohka piniiude ka uraho; ho hiiko dolya kiibyone, adu-abiñne, yapuñ genne, myobu hune ho hempḛr uro tariñ rine.

MIHUKAKIÑNIIÑ 11:15

Ho kanunii miidopopi mohka siirii mi mutii, ho hiiko hempḛr goro aguñ adune dariiganda ho, lubiidola, “Dohadolo ka raddeganda hii ngunuka Attoh ho mohka Kristo ka raddeganda pa lyidoku, ho mo ayu dahepa sangii kendoku.”

MIHUKAKIÑNIIÑ 10:4

Ho yapuñhii rongkanuhe gengkele, ngo kepa miito, hojalo ngo tapato luniiñ dariiganda hokii lubiidola, “Jhippotoku yapuñ rongkanuhe gembii dola ka luniiñmi, ho hiimi kelyayo.”

MIHUKAKIÑNIIÑ 2:1

“Ipisia gyoliñkonii daka miidopopi kedo: ‘hiika aguñ huna takḛr pukkanuhemi mohka lahbi alah ho gabii tola biidonii, huna ila donii kanuhe ayyiñ hokiika yamumiiru agiñho.

PILIPIA 2:17

Ngiimi siipuñ ponchañ ho pombii siilyi jalo membi sako nunuka henjepa, ngo hempyo talyi ho sobo talyi hikha nunuka agiñho.

LUK KA AYAPUYU 16:25

Hojalo Abraham lutii, ‘Oho, hempato no niika sango ho aya drih adiñ kappatii, ho Lazaras hii chulipa ayamanii drih adiñ; hojalo siisi mohmi so hempyo pa biido kuke, ho no heruhela do.

MIHUKAKIÑNIIÑ 1:11

lubiidola, “Keto niihna no kapadonii khetaho ho hiika hiimi pengkanuhe gyoliñkonii atañ ko bito, Ipisia ho Ismarna Pargamum ho Taitira ho Sardis ho Piladelpia ho Laodisia ho.”

1 KORINTIA 15:20

Hojalo jije hii hiila Kristo shiinii hokii turiturku tiiku, kapyo japa ka ahee hipyoja hutiina miti nyatiikunii.

1 TIMOTI 5:24

Miyu tonge ka ingyamiigyanii atañ didḛr kadḛr doke, ayakacho kako dopa, hojalo tonge ka ingyamiigyanii atañmi kamihoke kapa dunii.

1 TIMOTI 5:25

Hiichulipa aya miigo miiniiñ hiitiirḛ didḛrpa kadḛrdo; ho hiika atañhii kadḛr lama dado jalo, mohlu achuñ kotola dola kema.

MIHUKAKIÑNIIÑ 2:7

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii. Huna pamiñdonii hiimi ngo diike nenchi sango ka sannii hokii, niihna Pinii ka Diilyañdiiloganda ho dunii.’

MIHUKAKIÑNIIÑ 22:17

Yajiyallo la Mihie nyi ludo, “Ahto.” Ho hutiina tapa nyadonii luke nento, “Ahto.” Ho hutiina yasie hangḛr donii ahto, huna labii nandonii labii kiineto sango ka yasie mi hang arie bimapa.