MIHUKAKIÑNIIÑ 13:2 - NITI GONTU N.T. (BSI)

² Ho achu-amyo ngiika kapaniibo hogya kapune, hiika alih hii siitiñ kii hiilyañne, ho hiika aguñ hii patii kii hiilyañne. Ho hiimi tabu hii mohka harchichike mi bibiine ho mohka raddeduko mi ho kahe otority mi.

MIHUKAKIÑNIIÑ 13:2 ပူးပေါင်းရင်းမြစ်များ

2 TIMOTI 4:17

Hojalo Attoh ngiika agiñho dabo, ho ngiimi tamo mi bihii puyu mi aya loda luko dopa, niimpalukoda hikha Midomiyu atañmi siimi tadopa. Hopa ngiimi patii ka aguñ hokii papya tiiku.

1 PITAR 5:8

Hendi tolya, kadila duto. Nunuka ahha-banii igii gyaduñla dake patii gyuniiñ hiilyañ, meduñla hu kone mijalo diidupa hiila.

MIHUKAKIÑNIIÑ 12:13

Ho tabu mohmi kiiddiapiñ ho ripa lobii lyiku hiila kapa lala, mo annii akha mi mejomondo huna milobo wiinga bubii donii.

MIHUKAKIÑNIIÑ 12:15

Tabu hii mohka aguñ hokii yasie ulliñ biido kiiley chitañ annii akha ka kiiliñho, mohmi yasie tuhala tubii kiine dupa.

MIHUKAKIÑNIIÑ 12:9

Ho hempḛr kahe tabu mi ripa limbiido, hiika ayuhoka tabu mi, humina Igii ho Saitan hiila myantiinii, hikha dohadolo mika talubalobo-mohmi kiiddiapiñ ho jopa lobiido, ho mohka miidopopi atañ miilañmi mohka agiñho jopa lobiido.

MIHUKAKIÑNIIÑ 13:12

Hiika hii kapyo achu-amyo ka hikha otority mi miina nando mo ka dapa, ho kiiddiapiñla ho hiika hoka dunii atañmi kapyo achu-amyo mi herii dopa miibiido, huka une mina miipya bitii nii.

MIHUKAKIÑNIIÑ 13:4

Miyu atañ tabu mi herii nyatii, niimpalukoda mo mohka otority mi achu-amyo mi bitii, ho mohlu achu-amyo mi heriitii, lubiidola, “Hu siika achu-amyo chuli da, ho hu siika siimi parii lakiñdo?”

MIHUKAKIÑNIIÑ 16:10

Yangonii miidopopi mohka paka mi achu-amyo ka raddeduko ho riipu biido, ho hiika raddeganda hii kamo ho dotii; miyuatañ mohluka allyo mi nyensu nyado henga henkhala

MIHUKAKIÑNIIÑ 17:12

Ho arii bulyañhe niika kapa niisi radde alyañ heke hutiina siisi lohe radde harchichike mi larii marañnii, hojalo mohlu otority mi larii kendo raddepa gunta tahepa, achu-amyo ka agiñho.

MIHUKAKIÑNIIÑ 19:20

Ho achu-amyo mi latu biine, ho hiika agiñho amuh nyibuhenii mi, huna mohka dapa kagiñnanii miitiinii niilona mo talubalo tiinii hiika atañmi hutiina achu-amyo ka miiho niimi giidonii ho hutiina hiika puchiniimi herii nyadonii. Siika anye mi turdopa jopa liibiido yamu ka siimie ho niihna sulphur lo yadonii.

MIHUKAKIÑNIIÑ 2:13

“‘Ngo chindo nohna nunu dunii, nohna saitan ka raddeduko hii; nunu lotiido ngiika armyañ pa ho nunu mapa ma ngiipa ka henje niimi Antipas ngiimika haki biniika allo lohe pa, ngiika lotii kone, humina membii nenii nunuka punkoho, nohna saitan dunii.

MIHUKAKIÑNIIÑ 20:2

Ho mo tabu mi latu biine, hiika ayuhoka tabu mi, huna igii ho saitan nii, ho mohmi ratola atiibiine anyañ nyang jarepa,