MIHUKAKIÑNIIÑ 13:14 - NITI GONTU N.T. (BSI)

¹⁴ ho hiika kagiñnaniilo nii mina miila dopa bitiinii achu-amyo ka dapa, hii talubalodo hutiina kiiddiapiñ so dunii, mohlumi achu-amyo pa puchi tote hiila lutii nii mina une agii tiinii ilyo lo ho hojalo turla da;

MIHUKAKIÑNIIÑ 13:14 ပူးပေါင်းရင်းမြစ်များ

MIHUKAKIÑNIIÑ 19:20

Ho achu-amyo mi latu biine, ho hiika agiñho amuh nyibuhenii mi, huna mohka dapa kagiñnanii miitiinii niilona mo talubalo tiinii hiika atañmi hutiina achu-amyo ka miiho niimi giidonii ho hutiina hiika puchiniimi herii nyadonii. Siika anye mi turdopa jopa liibiido yamu ka siimie ho niihna sulphur lo yadonii.

MIHUKAKIÑNIIÑ 12:9

Ho hempḛr kahe tabu mi ripa limbiido, hiika ayuhoka tabu mi, humina Igii ho Saitan hiila myantiinii, hikha dohadolo mika talubalobo-mohmi kiiddiapiñ ho jopa lobiido, ho mohka miidopopi atañ miilañmi mohka agiñho jopa lobiido.

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

MIHUKAKIÑNIIÑ 20:10

ho igii huna mohlumi talubalo biinenii yamu ka siimie ho jopa liibiine ho sulphur ho nohna achu-amyo la amuh nyibuhenii dunii, ho mohlu henga henkha hela dokiñdo allo ayoh dadumi ayu dahepa.

MIHUKAKIÑNIIÑ 18:23

ho muru ka hutoh hii byokiñ kuma ke niiko; ho mihie la millo nyika aguñ tapa keñku make niiko; niimpalukoda niiko hoka kiirimiinii atañ hempḛr kaye miyu neke kiiddiapiñ ho, ho hikha ganda atañ talubalo kobiine niika ashumiiniiñ lo.

MIHUKAKIÑNIIÑ 16:2

Hopa kapyoja miidopopi impyone ho mohka paaka lo riipu biine kiiddiapiñ mi, ho kacho ho ayamanii huli giiliñ miyu atañko huna achu-amyo miihoniiñ giidonii ho heriidonii hiika puchi niimi.

MIHUKAKIÑNIIÑ 15:2

Ho ngo kapato kakoho sisa ka siimie hiilyañ yamu hokii miiyo tola, ho hutiina pamiñ tiinii achu-amyo mi ho hiimika puchiniimi ho abuje hiika atañka armyañ mi, sisa ka siimie ka aruñho dami mohluka alah ho Pinii ka berañ mi jobii tola.

MIHUKAKIÑNIIÑ 14:11

Ho mohlumika herudopa ka miiniiñ yamu muku hii sucha kendo ayu dahepa; ho mohluko hemmo nanii nyima, allo malo ayoh, siika achu-amyo la puchi niimika heriibo, ho hu jalopa hiika armyañ ka miiho niimi giidoku.”

MIHUKAKIÑNIIÑ 14:9

Ho koneya miidopopi, hingeniibo, mohlumi imbo mondo, hempḛr goropa lubiidola, “Hu konejalo pa matiirḛ heriido achu-amyo mi ho hiimika puchiniimi, ho mohka tiirii ho miiho kodonii malo mohka alah ho,

MIHUKAKIÑNIIÑ 13:15

ho achu-amyo mika puchi niimi allyi mulii dopa bibiido niimpalukoda achu-amyo ka puchi niimi lula lohe lula dopa, ho hutiina achu-amyo mika puchi niimi herii manii hiimi mendopa.

2 TESOLONIA 2:4

huna chekhodonii ho atohmi assañ siidonii chekhola koneabi pinii hiila gyoko nii hemi malo heriidupa ka puchiniimi, niimpalukoda mo mohka dukomi Pinii ka piniiude ho biidupa hiila, atohmi Pinii ke hiila gyuko siila.

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

MIHUKAKIÑNIIÑ 3:10

Niimpalukoda nunu ngiika yanupa pigiito hiiniiñmi atiibiido, ngo nunumi tenka nii myodu hokii lapya talyi niihna hikha dohadolo so ahla donii, hiika atañmi tenka dupa hutiina kiiddiapiñ so dunii.

MIHUKAKIÑNIIÑ 13:1

Ho ngo kapato achu-amyo siimie hokii chadopa, arii bulyañhe ho adiñ pukkanuhe giinii, tahiñbyopa palyañhe giitola arii ka ayoho ho nipakoya niika armyañ mi hiika adiñ atañ ho giitola.

MIHUKAKIÑNIIÑ 16:13

Ho ngo kapato, biliñniimi tabuka aguñ hokii ho achu-amyo ka aguñ hokii ho amuh nyibuhenii ka aguñ hokii, hinge kacho yajiyallo kako ho tatii hiilyañ;