MIHUKAKIÑNIIÑ 12:9 - NITI GONTU N.T. (BSI)

⁹ Ho hempḛr kahe tabu mi ripa limbiido, hiika ayuhoka tabu mi, humina Igii ho Saitan hiila myantiinii, hikha dohadolo mika talubalobo-mohmi kiiddiapiñ ho jopa lobiido, ho mohka miidopopi atañ miilañmi mohka agiñho jopa lobiido.

MIHUKAKIÑNIIÑ 12:9 ပူးပေါင်းရင်းမြစ်များ

METHU 13:39

ho ahha-banii, hiimika lilobo igii ke; amoo pidu myodu luniiñsi nyantḛr anyañ ke, ho pihnii atañ miidopopi atañ ke.

METHU 24:24

Niimpalukoda amuh Kristo ho amuh nyibuhenii hiila duri kendo ho kaye kagiñnanii la kahotamo miikiñ kendo, ngogya giidupa hiila, miila dokoda, kahenii atañmi.

METHU 25:41

Hiika hiiba ho mo lukiñdo mohka lahchi dalyi hoka danii atañmi, Ngiiko hokii insa nyato, nunu bekonii atañ, yamu lyame lama lyako ho igii la mohka miidopopi atañ paka miimyo tola doko;

METHU 4:1

Hiika hiibaho Jisu mi yajiyallo hii zabyo ho ingiitii igii mi tenkalarka kiine dupa.

METHU 4:10

Ho Jisu mohmi lutii, “Dasato, Saitan! Niimpalukoda hiila ketola do, ‘Nunu niika Attoh Pinii mi kontii heriito ho mohmi kontii miihoto.’”

METHU 4:5

Hiika hiibaho igii mohmi darii citi ho ingiitii, ho mohmi piniiude mitu jaho chagiitii,

METHU 4:8

Hiira, igii mohmi hempḛr putoo ohoh ho chagiitii, ho hikha kiiddiapiñ daka raddeganda mi kakiñtii ho hiika halyiñ milyiñ kapyo mi;

LUK KA AYAPUYU 10:18

Ho mo mohlumi lutii, “Ngo Saitan mi yapuñ hokii yamu chitañ byohi dopa kapato.

LUK KA AYAPUYU 13:16

Ho siika annii akha simasiipeha, Abraham ka wiinga humina Saitan rabiitola biitiinii nyalyañhella nyampinye, tupya kokiñ donii siika rantunii hokii dumoalo ka allo jaho?

LUK KA AYAPUYU 22:3

Ho Saitan Judas Iskariot hiila lunii boko ahtiiku, alyañlenye hoka dabonii kone;

LUK KA AYAPUYU 22:31

“Saimon, Saimon, kato, Saitan niimi biichi hiila lula doke, niimpalukoda mo niimi kapa lindupa amo chitañ,

LUK KA AYAPUYU 8:12

Siiliñ hoka chohido luniiñsi hutiina tapa nyatiinii; hiikahiibaho igii ahla ho mohluka ahha hoka aguñ giiniiñmi lara biitii, mohlumi henje madopa ho lyangur komadopa.

JON KA AYAPUYU 12:31

Siisi ke siika dohadolo mika ayakacho kadu, siisi siika dohadolo mika sangii bomi mompa kendo;

JON KA AYAPUYU 14:30

Ngo nunumi ano lurii lukañ takuñ make, niimpalukoda siika dohadolo mika sangiinii ahla do. Mo ngiimi harchichike giimiñ lakiñ make;

JON KA AYAPUYU 16:11

ayakacho kaniiñ ka piigomi, niimpalukoda siika dohadolo mika sangiibo halii kotii.

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

MIINIIÑ 26:18

mohluka amee mi miiko kiine dupa, niimpalukoda mohlumi kamo hokii hutoh dalyiho mobokiine dupa ho Saitan ka harchichike hokii Pinii ko, niimpalukoda mohlumi ingyamiigyanii hokii hello koke nendupa ho hiika atañka agiñho atii dupa hutii mina ngiiko darii miitii kunii.’

MIINIIÑ 5:3

Hojalo Pitar lutii, “Ananias, niimpa saitan mi niika ahha ho ahke nela la Darii Yajiyallo mi amuhdu ho kiiddi ka tiicko tange mi atii biidu?

ROM MIKA POL KA SIITI KENIIÑ 16:18

Niimpalukoda sitañ miyu atañsi ngunuka Attoh Kristo mi miiho make, hojalo mohluka erre misuke, ho lujuaya ho luhiluso la aguñ lula la mohlu chimanii miyu atañmi gollu nyabiido.

ROM MIKA POL KA SIITI KENIIÑ 16:20

ho chimie ka Pinii nyibya loda Saitan mi nunuka alih lo nyota lokiñ do. Ngunuka Attoh Jisu Kristo ka aroh-aya nunuka agiñho dabo kencho.

2 KORINTIA 11:14

Ho kahotamo tamapa, niimpalukoda saitan tiirḛ atohmi kachiñ komadopa miigiidu hutoh ka miidopopi kapupa.

2 KORINTIA 11:3

Hojalo ngo biisodo niihtañpa tabu Eve mi talubalo mohka piibilo, nunuka henju tiirḛ nunumi ngogii tama suyuha hiila siika denki ho darii Kristo mika heriinii kiiso hokii.

2 KORINTIA 12:7

Ho ngiimi abuje mihukakiñnii hokii ka ano hempyo sanii hokii adho atii dupa, tare sohe ngiika ayah ho niitii, Saitan ka puyu bakobo, ngiimi henga henkha miipa dupa, ngiimi hempḛr hempyo hokii adho atii dupa.

2 KORINTIA 2:11

Saitan mi ngunuko myodu lake nendiila hiila; niimpalukoda ngunu mohka henju atañmi chima miima.

2 KORINTIA 4:4

Mohluka piigo ho siika dohadolo ka uyi ke henjemanii atañka ahha mi micha dopa miibii donii, mohlumi ayapuyu ka hutoh Kristo ka tatukatu mi kapa madopa, huna Pinii kapu donii.

IPISIA 4:14

niimpalukoda ngunu himme pa lyikiñ kuma, tiihii tiikhe puduñ biikola kapane tonsḛr niika allyi lo, surudonyo miyu atañlo, mohluka lyolyichochi gollumisu lujubenju lo.

2 TESOLONIA 2:3

Kone lotrḛ talubalo kolyayo niilojalo; niimpalukoda hiika allo hii ahkiñ make, nii dahepa chekhonii kapyopa ahtema, ho diimmah miyu hii kakiñtama, nelimyoko ka oho,

1 TIMOTI 2:14

ho Adam talubalo komake, hojalo nyimii ke talubalo konii ho talemiilenii.

2 TIMOTI 3:13

diimmah miyuatañ la surudonyo atañ diimmah hokii diimmah yaya kendo, gollunii ho gollu kokiñdo.

HIBRU 2:14

Hopa himme atañ asiialyo la ai nyi giido, mo atoh loda hiichulipa henju ahiñ jami giido, niimpalukoda shiiniiñlo mo pyadulodupa mohmi huko hona shiinii ka harchichike hii giidonii, hiikahii, igii,

1 PITAR 5:8

Hendi tolya, kadila duto. Nunuka ahha-banii igii gyaduñla dake patii gyuniiñ hiilyañ, meduñla hu kone mijalo diidupa hiila.

1 JON 5:19

Ngunu chindo ngunu Pinii kii hiila, ho hikha dohadolo si igii koneka harchichike ka ura ho do hiila.

JUD KA SIITI KENIIÑ 1:9

Hojalo akhoja miidopopi Mikel ka, igii ka agiñ hoka gasu lyiho, Mose ka apo paka chesu lyiho, mo mohmi ayakacho haliipa hematii, hojalo lutii, “Attoh niimi gadoke.”

MIHUKAKIÑNIIÑ 12:12

Hopa hempyoto, O dariiganda ho nunu hiiko hoka dunii atañ! Hojalo aiya hiila nunumi hembido, O kiiddiapiñ la siimie nyimi, niimpalukoda igii hii nunuko tone hempḛr uro hadii mi ahgii la, niimpalukoda mo chindo mohka myodu tunii doku hiila!”

MIHUKAKIÑNIIÑ 12:3

Ho koneya kagiñnanii yapuñho lintii; kato, hempḛr kahe lanchañ tabu, adiñ pukkanuhe giitola ho arii bulyañhe, ho tahiñbyopa kanuhe mohka adiñ atañ ho giitola.

MIHUKAKIÑNIIÑ 12:7

Siisi dariiganda ho gyambo pasu ritii, Mikel la mohka miidopopi atañ tabu mi pariitii; ho tabula mohka miidopopi atañ pasutii,

MIHUKAKIÑNIIÑ 12:8

ho mohlumi pamiñtii ho hiiko mohlupa hang duko nyiku matii mohlupa dariiganda ho.

MIHUKAKIÑNIIÑ 13:14

ho hiika kagiñnaniilo nii mina miila dopa bitiinii achu-amyo ka dapa, hii talubalodo hutiina kiiddiapiñ so dunii, mohlumi achu-amyo pa puchi tote hiila lutii nii mina une agii tiinii ilyo lo ho hojalo turla da;

MIHUKAKIÑNIIÑ 16:14

niimpalukoda mohlu igii ka yajiyallo, kagiñnanii miila, huna intiinii adhoganda ho radde atañ ko hikha dohadolo ho, mohlumi gyokuñla gyambo pake nendupa hempḛr kahe allo Pinii Tamoka.

MIHUKAKIÑNIIÑ 18:2

Ho mo hempḛr goropa gyune, “Huhine, huhine Babilon kahebo! Hiika hii igii atañka dukopa lyine, kapane ayamanii yajiyallo ka dukopa, kapane ayamanii ho kanamanii piita ka duko;

MIHUKAKIÑNIIÑ 18:23

ho muru ka hutoh hii byokiñ kuma ke niiko; ho mihie la millo nyika aguñ tapa keñku make niiko; niimpalukoda niiko hoka kiirimiinii atañ hempḛr kaye miyu neke kiiddiapiñ ho, ho hikha ganda atañ talubalo kobiine niika ashumiiniiñ lo.

MIHUKAKIÑNIIÑ 19:20

Ho achu-amyo mi latu biine, ho hiika agiñho amuh nyibuhenii mi, huna mohka dapa kagiñnanii miitiinii niilona mo talubalo tiinii hiika atañmi hutiina achu-amyo ka miiho niimi giidonii ho hutiina hiika puchiniimi herii nyadonii. Siika anye mi turdopa jopa liibiido yamu ka siimie ho niihna sulphur lo yadonii.

MIHUKAKIÑNIIÑ 2:13

“‘Ngo chindo nohna nunu dunii, nohna saitan ka raddeduko hii; nunu lotiido ngiika armyañ pa ho nunu mapa ma ngiipa ka henje niimi Antipas ngiimika haki biniika allo lohe pa, ngiika lotii kone, humina membii nenii nunuka punkoho, nohna saitan dunii.

MIHUKAKIÑNIIÑ 2:24

Hojalo khiibe Taitira hoka dunii atañpa, huna siika tonsḛr niimi biimanii, hutiina chima ranii nii mina ludonii Saitan ka hempḛr urañ drih hiila, nunupa ngo ludu, ngo nunuka ayoh ho pongelya alluaba malyike;

MIHUKAKIÑNIIÑ 2:9

“‘Ngo chindo nunuka hentḛrkanyi ho nunuka arromi (hojalo nunu mingodo), ho nipasiiniiñ atañ huna ludonii mohlu Jew ke hiila ho mohlu hiilama, hojalo Saitan ka sinagog.

MIHUKAKIÑNIIÑ 20:10

ho igii huna mohlumi talubalo biinenii yamu ka siimie ho jopa liibiine ho sulphur ho nohna achu-amyo la amuh nyibuhenii dunii, ho mohlu henga henkha hela dokiñdo allo ayoh dadumi ayu dahepa.

MIHUKAKIÑNIIÑ 20:8

ho agoho linkiñdo ganda atañmi talubalo dupa niihna kiiddiapiñ ka piilye khonchañ ho donii, hiika hii, Gog la Magog nyi, mohlumi gyokuñ lala gyambo paniipa; mohlu khiika ko siimie daka siikhiisuru kane.

MIHUKAKIÑNIIÑ 3:9

Kato, Ngo hiika atañmi miichi sinagog daka Saitan mi huna ludonii mohlu Jew atañ hiila ho mohlu hiilama, hojalo amuh do. Kato, ngo mohlumi ahdo pa miichi ho nunuka alih ho chuki kiine talyi, ho chinke nenchi ngo nunumi hendu hiila.

MIHUKAKIÑNIIÑ 9:1

Ho yangonii miidopopi mubiido mohka siirii mi, ho ngo takḛr mi yapuñ hokii kiiddiapiñ ho huhi la dopa kapato, ho mohmi sabe mi bibiido kamoramba ura ubu ahkomi;

MIHUKAKIÑNIIÑ 9:20

Ho khiibemiyu dunii atañ, hutii mina siika dolilo memanii, henkur nyaku matii mohluka alah loka miiniiñ atañmi malo igii mika herii niimi ho ayyiñ hokii ka puchi niimi ho rupu hokii ho bitie hokii ho yalañ hokii ho yasañ hokii. Niihna kapa lamanii malo tapa lamanii malo ilamanii;