MIHUKAKIÑNIIÑ 12:4 - NITI GONTU N.T. (BSI)

⁴ Mohka amie lo yapuñ daka takḛr hakhu hingemi halo biido, ho hiika hiimi kiiddiapiñ ho jopa lobiido. Ho tabuhii annii akha ka hataho da huna wiinga biipa miidonii, niimpalukoda mo mohka wiinga mi diidupa hiila buliñ dalyi;

MIHUKAKIÑNIIÑ 12:4 ပူးပေါင်းရင်းမြစ်များ

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

1 PITAR 5:8

Hendi tolya, kadila duto. Nunuka ahha-banii igii gyaduñla dake patii gyuniiñ hiilyañ, meduñla hu kone mijalo diidupa hiila.

MIHUKAKIÑNIIÑ 12:7

Siisi dariiganda ho gyambo pasu ritii, Mikel la mohka miidopopi atañ tabu mi pariitii; ho tabula mohka miidopopi atañ pasutii,

MIHUKAKIÑNIIÑ 12:9

Ho hempḛr kahe tabu mi ripa limbiido, hiika ayuhoka tabu mi, humina Igii ho Saitan hiila myantiinii, hikha dohadolo mika talubalobo-mohmi kiiddiapiñ ho jopa lobiido, ho mohka miidopopi atañ miilañmi mohka agiñho jopa lobiido.

MIHUKAKIÑNIIÑ 13:2

Ho achu-amyo ngiika kapaniibo hogya kapune, hiika alih hii siitiñ kii hiilyañne, ho hiika aguñ hii patii kii hiilyañne. Ho hiimi tabu hii mohka harchichike mi bibiine ho mohka raddeduko mi ho kahe otority mi.

MIHUKAKIÑNIIÑ 13:4

Miyu atañ tabu mi herii nyatii, niimpalukoda mo mohka otority mi achu-amyo mi bitii, ho mohlu achu-amyo mi heriitii, lubiidola, “Hu siika achu-amyo chuli da, ho hu siika siimi parii lakiñdo?”

MIHUKAKIÑNIIÑ 16:13

Ho ngo kapato, biliñniimi tabuka aguñ hokii ho achu-amyo ka aguñ hokii ho amuh nyibuhenii ka aguñ hokii, hinge kacho yajiyallo kako ho tatii hiilyañ;

MIHUKAKIÑNIIÑ 17:18

Ho annii akha niika kapa niisi kaye citi ke niihna kiiddiapiñ daka radde mi domiñ biikiñ donii.”

MIHUKAKIÑNIIÑ 20:2

Ho mo tabu mi latu biine, hiika ayuhoka tabu mi, huna igii ho saitan nii, ho mohmi ratola atiibiine anyañ nyang jarepa,

MIHUKAKIÑNIIÑ 8:10

Hingenii miidopopi mohka siirii mi mubiido, ho hempḛr abuje takḛr huhido yapuñ hokii, muru chitañ byobiidola, ho hiika hii kiile atañka hingenii hakhu ho huhi nyado ho yasie shoo huliñ ko atañ ho.

MIHUKAKIÑNIIÑ 8:11

Takḛr ka armyañ hii riikokochi hiila. Yasie ka hingenii hakhu hii riikokochi pa lyine, ho hempḛr abuje miyu shiinya ne yasie kiipa, niimpalukoda hiimi kochi dopa miitii.

MIHUKAKIÑNIIÑ 8:12

Piilyenii miidopopi mohka siirii mi mubiido, ho danyi ka hingenii hakhu mi tiidiñ biido, ho piilo ka hingenii hakhu mi, ho takḛr atañka hingenii hakhu mi, hiikohopa mohluka hutoh ka hingenii hakhu hii kamo rine; allo ka hingenii hakhu mi byoku madopa miibiine, ho hiichulipa ayoh ka hingenii hakhu mitrḛ.

MIHUKAKIÑNIIÑ 8:7

Kappyoja miidopopi mohka siiriilo mubiido, ho hiika kiiliñ ho tari la yamu nyi dojo mondo, ai hokii miiyo tola, niihna kiiddiapiñ ho huhi donii; ho kiiddiapiñ ka hingenii hakhu mi yamu lyabiine, ho sannii atañka hingenii hakhumi lyalo biine; ho hikha jiji tammi atañmi lyakhii biine.

MIHUKAKIÑNIIÑ 8:8

Anye nii miidopopi mohka siirii mi mubiido, ho kakele hempḛr putoo puro hiilyañ, yamu yaniiñka agiñho, siimie ho jopa lobiine;

MIHUKAKIÑNIIÑ 8:9

ho siimie ka hingenii hakhu hii ai pa lyine, siimie hoka danii achu-amyo atañka hingenii hakhu hii shiinyane, ho yasiejaji atañka hingenii hakhu mi pyalo biine.

MIHUKAKIÑNIIÑ 9:10

Mohlukii tarji kii hiilyañ amie giido, ho iitha, ho mohluka miyu mika pana naniiñ harchichike hii amie ho giido piilo barngo hepa.

MIHUKAKIÑNIIÑ 9:19

Niimpalukoda gora atañka harchichike hii mohluka aguñ ho la amie nyiho giido; mohluka amie hii tabu adiñ giinii hiilyañdo, ho hiika hiilo mohlu une agiido.