MIHUKAKIÑNIIÑ 12:11 - NITI GONTU N.T. (BSI)

¹¹ Ho mohlu mohmi pamiñtii Subuñ ka ai lo ho mohluka aguñ pyako niilo, niimpalukoda mohlu mohluka sangomi abyo siimatii shiihi lyihepa.

MIHUKAKIÑNIIÑ 12:11 ပူးပေါင်းရင်းမြစ်များ

JON KA AYAPUYU 16:33

Ngo siika simi nunumi lubii lyike, ngiikoho nunupa chimie hii dodopa. Dohadolo so nunuko hentḛrkanyi dolyi diike; hojalo ngarka jilya datolya, ngo dohadolo mi pamiñ tiike.”

1 JON 5:5

Hu hiikahii dohadolo mika miimiñnii, hii huna henje donii Jisu Pinii ka Oho hiila?

1 KORINTIA 15:57

Hojalo Pinii mi payapacho hiisa, huna ngunumi pamiñ dopa bidonii Attoh Jisu Kristo kiilo.

MIHUKAKIÑNIIÑ 2:26

Hii huna pamiñdonii ho huna biidonii ngiika miigomi kamikalo lohepa, ngo mohmi harchichike mi bichi ganda atañmi sangii ladopa,

ROM MIKA POL KA SIITI KENIIÑ 16:20

ho chimie ka Pinii nyibya loda Saitan mi nunuka alih lo nyota lokiñ do. Ngunuka Attoh Jisu Kristo ka aroh-aya nunuka agiñho dabo kencho.

MIINIIÑ 20:24

Hojalo ngo ngiika sango mi hang khiiniiñ pa hensuma malo ngo attohmi, ngo matiirḛ miipe dokoda ngiika miigomi ho miigolugo mi nii mina ngo Attoh Jisu kokii larii tiinii, Pinii ka aroh-aya ka ayapuyu mika pyako niisimi.

1 JON 4:4

Himme atu atañ, nunu Pinii kokii ke, ho hiika atañmi pamiñ tiiku; niimpalukoda mo huna nunuka ura ho dunii hii siika dohadolo daka doniimi kaye yake.

MIHUKAKIÑNIIÑ 3:5

Hii huna pamiñdonii giikiñdo sichuli puloo pulye atañmi, ho ngo nyupa tama mohka armyañ mi sango ka kheta hokii; Ngo mohka armyañ mi Aba la mohka miidopopi atañka hata ho khako talyi.

MIHUKAKIÑNIIÑ 3:21

Hii huna pamiñdonii, ngo mohmi ngiika agiñho raddeduko ho dugii talyi, niihtañpa ngo atoh tiirḛ pamiñtii ho ngiika Aba ka raddeduko ho dubo du.

MIHUKAKIÑNIIÑ 3:12

Hii huna pamiñtiinii, Ngo mohmi ngiika Pinii ka piniiude ka siirañpa miichi; pema mo hiiko hokii agoho linkiñma, ho ngo mohko ngiika Pinii ka armyañ mi kechi, ho ngiika Pinii ka citi ka armyañ mi, niti Jerusalem niihna ngiika Pinii kokii todonii dariiganda hokii, ho ngiika atohka niti armyañ mi.

MIHUKAKIÑNIIÑ 2:7

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii. Huna pamiñdonii hiimi ngo diike nenchi sango ka sannii hokii, niihna Pinii ka Diilyañdiiloganda ho dunii.’

MIHUKAKIÑNIIÑ 20:4

Ho ngo kapato raddeduko atañmi, ho hiika atañ hoka dunii atañ ayakacho mi kaniipa. Hiira kapatota yallo atañmi hutiina langu patu konya biinenii Jisu mika pyako kopa ho Pinii ka aguñpa, ho hutiina achu-amyo mi herii nyama nenii malo hiika puchiniimi ho hutiina hiika miiho niimi mohluka tiirii ho malo alah atañ ho giima nenii. Mohlu turi neku, ho Kristo ka agiñho anyañ jare sangii sahiñ mone.

LUK KA AYAPUYU 14:26

“Hu jalopa ngiiko matiirḛ ahchi ho mohka atoh aba mi ho annii mi ho mihie mi ho wiinga atañmi ho anuabañ mi ho barmii atañmi kanamapa miitema, ḛh, ho mohka sango mi lohepa, mo ngiika henjeajiñ pa lyila kema.

MIHUKAKIÑNIIÑ 11:7

Ho mohlu mohluka pyako niimi pyaja lala, achu-amyo kamoramba urañ hokiika chanii mohluka agiñho gyambo pakiñdo ho mohlumi pamiñ kendo ho mohlumi menkiñdo,

MIHUKAKIÑNIIÑ 1:2

huna haki bitiinii Pinii ka aguñmi ho Jisu Kristo mika pyako niimi, hikha mohka kapanii lohepa.

MIINIIÑ 21:13

Ho Pol lusitii, “Niina nunu mudunii, khela ho ngiika ahha mi tatu kiine la? Ngo pattiih kontii tunko pamake hojalo Jerusalem ho siidu pajalo hendi duke Attoh Jisu Kristo ka armyañ pa.”

MIHUKAKIÑNIIÑ 19:10

Ho ngo mohka alih ho giihi to mohmi herii dupa, hojalo mo ngiimi lune, “No hiila miiyo! ngo nochitañ miira ahiñke ho niika anubarmii hiilyañ hutiina Jisu mika pyako niimi badonii. Pinii mi heriito.” Niimpalukoda Jisu mika pyako niisi nyibuheniiñ ka yajiyallo ke.

MIHUKAKIÑNIIÑ 6:9

Mo yangonii jhipponiimi miiko kiile, ngo kapato agyañ ka ura ho hiika atañka yallo mi hutiina Pinii ka aguñpa menko nyabii nenii ho mohluka haki biniiñ kiipa;

MIHUKAKIÑNIIÑ 2:17

Hii hukiina yaroo giidonii, mohmi take nento niihna Yajiyallo ludonii gyoliñkonii atañmi. Hiika atañmi hutiina pamiñdonii ngo bichi manna tonge achuñ tola doniimi, ho ngo mohmi puloo yalañ mi bichi, niti armyañ ka agiñho hiika yalañho ketola nii mina kone hetrḛ chimanii hii kontiisii huna hiimi lariidonii.’

MIHUKAKIÑNIIÑ 2:13

“‘Ngo chindo nohna nunu dunii, nohna saitan ka raddeduko hii; nunu lotiido ngiika armyañ pa ho nunu mapa ma ngiipa ka henje niimi Antipas ngiimika haki biniika allo lohe pa, ngiika lotii kone, humina membii nenii nunuka punkoho, nohna saitan dunii.

MIHUKAKIÑNIIÑ 1:9

Ngo Jon, nunuka anu, huna nunuka agiñho hembo montiinii Jisu ko hentḛrkanyi mi ho raddeganda pa ho yanupa pigii biidola, siilokiiddi Patmos luniiñho ahtii Pinii aguñ kiipa ho Jisu mika pyako kopa.

MIHUKAKIÑNIIÑ 12:17

Ho tabu hii hadiido annii akha mi, ho inneku gyambo padupa hiila hikha mohka ohoasi mi, hiika atañmi hutiina Pinii ka lujubiniiñ mi atii biinya donii ho Jisu pa pyako binya danii.