MIHUKAKIÑNIIÑ 12:1 - NITI GONTU N.T. (BSI)

¹ Ho hempḛr kahe kagiñnanii yapuñho lintii. annii akha danyi mi pulye pa giitola, piilo mi mohka alih nyota nambii tola, ho mohka adiñ ho takḛr perlyañ lenye hemi tahiñbyopa pa giitola;

MIHUKAKIÑNIIÑ 12:1 ပူးပေါင်းရင်းမြစ်များ

LUK KA AYAPUYU 21:25

“Ho danyiho ho piiloho ho takḛr atañ ho kagiñnanii giikiñ doke, ho kiiddiapiñ so ganda ka hengahenkha hii hendḛr lama pa lyikiñdo siimie ka adu-abiñ ho lando poniiñlo,

IPISIA 5:32

Siika michilamaniisi khiiniiñ koneke, ho ngo hiila lulyi siikasi Kristo la gyoliñkonii mike luko donii;

MAK KA AYAPUYU 13:25

ho takḛr atañ hii yapuñ hokii huhi kendo, ho yapuñ daka tamo-chikho hii abyu rikiñ do.

LUK KA AYAPUYU 21:11

hempḛr uropa myobu hukiñdo, ho abuje gandasiiko ho diime ho dolisariñ dokiñdo; ho biiso nyakiñdo ho hempḛr kagiñnanii atañ dariiganda hokii ahkiñdo.

MIHUKAKIÑNIIÑ 21:23

Ho citi hii danyi malo piilo mi anna ma hiiko byohu dopa, niimpalukoda Pinii ka hudakhada hii hiika hutoh, ho hiika muru Subuñ ke.

MIHUKAKIÑNIIÑ 15:1

Ho ngo koneya kapuñ loda kagiñnanii kapato dariiganda ho, kahe ho anoaya, kanuhe miidopopi kanuhe doli ka agiñho, niihna kami jakunii, niimpalukoda mohluka agiñho Pinii ka hadii hii diime kendoku.

MIHUKAKIÑNIIÑ 12:3

Ho koneya kagiñnanii yapuñho lintii; kato, hempḛr kahe lanchañ tabu, adiñ pukkanuhe giitola ho arii bulyañhe, ho tahiñbyopa kanuhe mohka adiñ atañ ho giitola.

MIHUKAKIÑNIIÑ 11:19

Ho Pinii ka dariiganda daka piniiude hii miikone, ho mohka hemmesiiniiñ bako mi kapane mohka piniiude ka uraho; ho hiiko dolya kiibyone, adu-abiñne, yapuñ genne, myobu hune ho hempḛr uro tariñ rine.

MIINIIÑ 2:19

Ho ngo yapuñ ayoho kahotamo kakiñso ho kiiddi ho kagiñnanii, ai, ho yamu, ho yamu muku ka hapiñ;

METHU 24:30

hiikahiiba ho miyu ka Oho ka kagiñnanii hii yapuñho dari kendo, ho hikha kiiddiapiñ daka halu atañ heru nyakiñdo, ho mohlu miyu ka Oho mi yapuñ daka jomii ho harchichike ka agiñho huda khada ahla doniimi kappa kendo;

GELESIA 6:14

Hojalo ngo koda Jisu Kristo ka dapo mika assañ niimi sii talii siichinii, niilona dohadolo mi ngiimi leda bitii kunii, ho ngo dohadolopa.

METHU 12:38

Ho Pagenii tongela Parisi atañ mohmi lutii, “Tonsḛrbo, ngunu niiko hokii kagiñnanii kappa nando.”

MIHUKAKIÑNIIÑ 21:14

Ho citi ka tarsi ho alyañlenye liidiraniiñ do, ho hiikaho alyañlenye Subuñ ka kiiniñkonii ka armyañ hii giido.

MIHUKAKIÑNIIÑ 1:20

Michilamanii kanuhe takḛr atañmi nii mina no ngiika lahbi alah ho kapa tiinii, ho kanuhe ayyiñ hokiika yamumiiru mi, kanuhe takḛr atañ hii kanuhe miidopopi atañ ke ho kanuhe yamumiiru atañ hii kanuhe gyoliñkonii atañke.

GELESIA 3:27

Niimpalukoda nunu niimkane abuje baptisma latiiku Kristo ko ho hii Kristo mi giidoku.

2 KORINTIA 11:2

Ngo piniikariñ kachañ ho nunumi kariñdo, niimpalukoda ngo nunumi lumyo bitiiku Kristo pa nunumi darii mihie konepa hiila mohpa millo ako kontii pa.

ROM MIKA POL KA SIITI KENIIÑ 3:22

Pinii ka denki hii Jisu Kristo mika henje kopa ahkiñdo hikha hutiina henje nyadonii. Niimpalukoda hiiko khiingu khiire nyima;

JON KA AYAPUYU 3:29

Hii hukiina mihie dunii hiike millo; millo ka ajiñ, huna dabo dunii ho mohmi tapa donii, hempḛr hempyodu milo ka aguñmi tapa lyiho; hopa siika ngiika hempyo hii siisi pote dokuke.

ROM MIKA POL KA SIITI KENIIÑ 13:14

Hojalo Jisu Kristo mi atii biisa, ho asiialyo ka henju pa atiibimasa, hiika henju mi miipe kiine dupa.

GELESIA 4:26

Hojalo Jerusalem ayoh dakii dasḛrdo, ho mo ngunuka annii.