MIHUKAKIÑNIIÑ 11:3 - NITI GONTU N.T. (BSI)

³ Ho ngo ngiika haki anye mi nyibuhela dopa harchichike mi bichi 1260 allo hendopa, niirepulye giitola.”

MIHUKAKIÑNIIÑ 11:3 ပူးပေါင်းရင်းမြစ်များ

MIHUKAKIÑNIIÑ 12:6

ho annii akha hii jabyo ho hargiitii, nohna mohpa duko dotiinii Pinii ka miimyo biniiñ, hiiko 1260 allo kalyañkada kendo.

MIHUKAKIÑNIIÑ 11:2

hojalo tuka yayo piniiude ago daka lengo mi; hiimi apato, niimpalukoda hiika hiimi Midomiyu atañmi bitii kuke, ho mohlu darii citi mi piilo alyañ piilye la barnye nyorpi biikiñ doke.

MIHUKAKIÑNIIÑ 13:5

Ho achu-amyo mi nipakoya aguñmi lula dopa bibiido, ho hiika hiimi piilo alyañpiilye la banye otority mi miina nando pa bitii;

MIINIIÑ 13:31

ho allo abuje mo hiika atañka agiñho ahtii hutiina mo agiñho Galili hokii Jerusalem lohe chabo tiinii, hiika atañ siisi mohka haki pa lyibida miyu atañpa.

MIINIIÑ 1:8

Hojalo nunu harchichike mi larii kendoke Darii Yajiyallo ka nunukoka ahlyi ho; ho nunu ngiika haki pa dukiñdo Jerusalem ho, hikha Judia ho, ho Samaria ho, ho hikha kiiddi dotḛrso.”

LUK KA AYAPUYU 24:48

Nunu siika drih atañka hakipa dulyike.

2 KORINTIA 13:1

Siikasi ngiika rohiñ niipaka nunu koka ahniiñ. Niijalo halii talyi anye malo hinge haki dulyi milo hiimi talii tolya.

MIINIIÑ 2:32

Siika Jisu mi Pinii seri tiiku, ho hiika hiimi hikha ngunu haki bitii.

JON KA AYAPUYU 15:27

ho nunu tiirḛ haki lyibi kendo, niimpalukoda nunu lotu jaho hokii ngiika agiñho da.

METHU 18:16

Hojalo mo matiirḛ niika luniiñ tama koda, kone jalo malo anye jalo niika agiñho ingiito, niimpalukoda aguñ gonge abi goliñ niimi talya niipa anye jalo malo hingejalo.

MIHUKAKIÑNIIÑ 19:10

Ho ngo mohka alih ho giihi to mohmi herii dupa, hojalo mo ngiimi lune, “No hiila miiyo! ngo nochitañ miira ahiñke ho niika anubarmii hiilyañ hutiina Jisu mika pyako niimi badonii. Pinii mi heriito.” Niimpalukoda Jisu mika pyako niisi nyibuheniiñ ka yajiyallo ke.

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

MIINIIÑ 3:15

ho sango mika Keniiñ bomi ya mentii, humina Pinii shiiniiñ hokii turidopa miitii. Siimi ke ngunu haki bidu nii.

MIHUKAKIÑNIIÑ 20:4

Ho ngo kapato raddeduko atañmi, ho hiika atañ hoka dunii atañ ayakacho mi kaniipa. Hiira kapatota yallo atañmi hutiina langu patu konya biinenii Jisu mika pyako kopa ho Pinii ka aguñpa, ho hutiina achu-amyo mi herii nyama nenii malo hiika puchiniimi ho hutiina hiika miiho niimi mohluka tiirii ho malo alah atañ ho giima nenii. Mohlu turi neku, ho Kristo ka agiñho anyañ jare sangii sahiñ mone.

IPISIA 4:11

Ho mohka ahmiñayiñ hii tonge mi kiiniñkonii pa, tonge mi nyibuhenii pa, tonge mi puyubakonii pa, tonge mi pastor pa ho tonsḛrbo atañpa,

1 KORINTIA 12:28

Ho Pinii kapyo japa gyoliñkonii ho kiiniñkonii mi kahetii, anye niipa nyibuhenii atañmi, hinge niipa tonsḛrbo atañmi, hiika hiibaho miimalyanii miigo miinii atañmi, hiikahiiba ho achih miipya niimi, hembyuñ niimi, giirasogiinii atañmi, ponge ponge aguñpaka lunii atañmi.

JON KA AYAPUYU 3:27

Jon lusitii, “Kone hetḛr hang pala kema niihna mohmi dariiganda hokii bitiinii hiimi apalala.

METHU 11:21

“Nunupa aiya hiila hembido, Korajin! Nunupa aiya hiila hembido, Betsaida! Niimpalukoda nunukoka kahe miigo miiniiñmi Tayer la Sidon nyiho miitii kodalya, mohlu bilo henkur tiikudo niirepulye la mubu nyiho.

LUK KA AYAPUYU 10:13

Aiya hiila nunumi hembido, Korajin! Aiya hiila nunumi hembido, Betsaida! Niimpalukoda siika kaye miigo nunu koka miiniiñ simi Tyre la Sidon nyiho hoya miitii koda, mohlu ayuho henkur nyatii kudo, niirepulye la miibu piipu giitola dula.

MIHUKAKIÑNIIÑ 11:6

Mohluko yapuñ mi miipiñ ladopa lohe harchichike giido, hang miido huma dopa mohluka nyibu hendo allo atañ ho, ho mohluko harchichike giido yasie mi lohe ai pa miila dopa, ho kiiddiapiñ ho kapane doli mi ahgii ladopa, niidajalo mo miinala henchi.