MIHUKAKIÑNIIÑ 11:18 - NITI GONTU N.T. (BSI)

¹⁸ Ganda atañ hadii ritii, hojalo niika hadii hii ahtii, ho shiinii atañmi halii dupa myodu ahtiiku, niika miira atañmi ahmiñayiñ bidukupa, nyibuhenii atañ mila ho piniimiyu atañmi, ho hutiina niika armyañ mi biiso nyadonii, anyerumi atu la kahe, ho pyadu dupa kiiddiapiñ mika pyadulonii bomi.”

MIHUKAKIÑNIIÑ 11:18 ပူးပေါင်းရင်းမြစ်များ

METHU 5:12

Soto ho hempyo to, niimpalukoda niika ahmiñayiñ hii kayeke dariiganda ho, niimpalukoda si chulipa miyuatañ nunumika kapyo yapaka nyibuhenii atañ mitrḛ miihimiiretii.

LUK KA AYAPUYU 1:50

Ho mohka aroh hii hiiko dokiñdo huna mohmi biiso donii santuñ kone hokii santuñ abipala.

HIBRU 9:27

Ho niihtañpa miyuatañ mo ronge shiido pa miimyo tola do, ho hiika hiiba ho ayakacho kako kendo,

MIHUKAKIÑNIIÑ 10:7

hojalo niimpalukoda kanunii miidopopi ka goropaka siirii mulyi allo ho, Pinii ka michilamanii drih, mohka miira nyibuhenii atañ mika hemme biniiñhii, lyipe kendo.

MIHUKAKIÑNIIÑ 11:2

hojalo tuka yayo piniiude ago daka lengo mi; hiimi apato, niimpalukoda hiika hiimi Midomiyu atañmi bitii kuke, ho mohlu darii citi mi piilo alyañ piilye la barnye nyorpi biikiñ doke.

MIHUKAKIÑNIIÑ 13:10

Hu kone jalo matiirḛ nyima lako kendo, nyima lako kendoke mo; mi kone matiirḛ ilyo lo pakhii kokiñ dokoda, ilyo lo mo pakhii kokiñdo loda. Siika sike gyoniiñ pigiidopa ho piniimiyu atañka henje.

MIHUKAKIÑNIIÑ 13:16

Hii hikha rumi, atu kahe hema, mingo aroh hema, dasḛr malo miira hema, miiho kodopa lyido lahbi alah malo tiiriiho,

MIHUKAKIÑNIIÑ 14:10

mo tiirḛ tankiñdo Pinii ka hadii ow mi, toliñtii miiyomanii mi mohka hadii ka turla ho, ho mohmi yamu ho herudopa lyakiñ do ho sulphur ho darii miidopopi atañka hataho ho Subuñ ka hataho.

MIHUKAKIÑNIIÑ 15:1

Ho ngo koneya kapuñ loda kagiñnanii kapato dariiganda ho, kahe ho anoaya, kanuhe miidopopi kanuhe doli ka agiñho, niihna kami jakunii, niimpalukoda mohluka agiñho Pinii ka hadii hii diime kendoku.

MIHUKAKIÑNIIÑ 15:7

Ho piilye achu-amyo hokii kone, kanuhe miidopopi mi kanuhe ayyiñ paka bibiido poteje Pinii ka hadii ka agiñho huna ayu dahepa sankiñ donii;

MIHUKAKIÑNIIÑ 18:6

Mo mitrḛ miito niihtañpa mo atoh miisutii, ho ronye abuyapa bili toku mohka miiniiñpa; ronye abuyapa miiyo bito mohka turla ho mohka miiyo niiho.

MIHUKAKIÑNIIÑ 19:15

Mohka aguñ hokii hempḛr areh ilyo biliñ biido niilona ganda atañmi pakhii kendonii, ho mo mohlumi sangii kendo dachañ panyi lo; mo nyorpi kendo Pinii Tamojaka hadii ka ow nyorpi naniiñ ho

MIHUKAKIÑNIIÑ 19:18

radde atañka ayya mi diidupa, kepten atañka ayya mi, tamomiyu ka ayya mi, gora atañ la hoka yoniiñ boka ayya atañmi, ho hikha miyu atañka ayya mi, anyeru dasḛr la miira nyikii mi, anyeru atu la kaye nyikii mi.”

MIHUKAKIÑNIIÑ 19:5

Ho raddeduko hokii hempḛr goropa aguñ gyuliñdo, “Ngunu Pinii mi assañto, hikha nunu mohka miira atañ, nunu hutiina mohmi biiso nyadonii, atu la kaye nyi.”

MIHUKAKIÑNIIÑ 20:12

Ho ngo kapato shiinii mi, kaye atu nyimi, raddeduko ka hataho dapa, ho kheta atañmi beko biine. Hiira kheta taheyami beko biine, hiikahii sango ka kheta. Ho shiinii atañmi halii biine nii hiila na kheta atañ ho ketola donii, niihna mohlu miitiinii.

MIHUKAKIÑNIIÑ 20:15

ho hu koneka jalo armyañ mi matiirḛ kapa makoda sango ka kheta ho ketola dopa, mohmi yamu ka siimie ho jopa liikiñdo.

MIHUKAKIÑNIIÑ 22:12

“Kato, ngo nyibya ahchi kuke, ngiika bisa niimi biiliila, kone abimi bili dukupa niihna mo miitiinii.