MIHUKAKIÑNIIÑ 11:17 - NITI GONTU N.T. (BSI)

¹⁷ lubiidola, “Ngunu niimi payapacho ludu, Attoh Pinii Tamo, huna dunii ho dutiinii, niimpalukoda no niika kahe harchichike mi lala la ho sangii ritii.

MIHUKAKIÑNIIÑ 11:17 ပူးပေါင်းရင်းမြစ်များ

MIHUKAKIÑNIIÑ 1:8

“Ngo Alpha ho Omega ke,” Pinii Attoh ludo, huna dunii ho huna dutiinii ho huna ahkiñ donii, Tamoja.

MIHUKAKIÑNIIÑ 16:5

Ho ngo tapato yasie ka miidopopi ka luniiñmi, “Kadiko kado niika ayakacho kaniiñ hii, no huna dunii ho dutiinii, O Darii Kone.

MIHUKAKIÑNIIÑ 19:6

Ho ngo tapato takoso hempḛr miyu taro ka adu-abiñ niipa tato, hempḛr yasie abujeka bido niihtañ ho hempḛr uro yapuñ gendo niihtañ, gyubiidola, “Halleluya! Niimpalukoda Attoh ngunuka Pinii Tamoja sangii do.

MIHUKAKIÑNIIÑ 1:4

Jon kokiila pengkanuhe gyoliñkonii Asia hoka doniimi: Aroh-aya la chimie mi nunupa bilyike mohkokii huna dunii ho huna dutiinii ho huna ahkiñ donii, ho kanuhe yajiyallo kokii huna mohka raddeduko hataho danii,

MIHUKAKIÑNIIÑ 19:11

Ho ngo kapato dariiganda mi miiko dopa, ho kato, puloo gora! Mo hiika ayoh hoka dunii bo gyokodo Lotii ho Jije hiila, ho denkipa mo haliido ho gyambo pado.

MIHUKAKIÑNIIÑ 16:7

Ho ngo tapato agyañ ka kheniiñmi, “Ḛh, Attoh Pinii Tamoja, jije ho kadiko niika ayakacho kaniiñhii!”

MIHUKAKIÑNIIÑ 16:14

niimpalukoda mohlu igii ka yajiyallo, kagiñnanii miila, huna intiinii adhoganda ho radde atañ ko hikha dohadolo ho, mohlumi gyokuñla gyambo pake nendupa hempḛr kahe allo Pinii Tamoka.

MIHUKAKIÑNIIÑ 15:3

Ho mohlu biisie do Mose ka biisie mi, Pinii ka miira, ho Subuñ ka biisie mi, lubiidola, “Kahe ho anoaya niika miiniiñ hii, O Attoh Pinii Tamoja! Denki ho jije niika lembo atañhii, O santuñ atañ radde!

MIHUKAKIÑNIIÑ 11:15

Ho kanunii miidopopi mohka siirii mi mutii, ho hiiko hempḛr goro aguñ adune dariiganda ho, lubiidola, “Dohadolo ka raddeganda hii ngunuka Attoh ho mohka Kristo ka raddeganda pa lyidoku, ho mo ayu dahepa sangii kendoku.”

1 TIMOTI 1:12

Ngo mohmi payapacho ludu huna ngiimi siika tamo siimi bitiinii, Kristo Jisu ngunuka Attoh, niimpalukoda mo ngiimi lotiido hiila ayakacho katiiku ngiimi mohka miigomi bibii dola,

LUK KA AYAPUYU 10:21

Hiika myodu jaho mo Darii Yajiyallo ho hempyotii ho lutii, “Ngo niimi payapacho ludu, Aba, dariiganda la kiiddiapiñ nyika Attoh, no siika drih atañmi chila ho talanii atañ kokii achuñtii ho himme atañ miya kakiñtii; ḛh, Aba, niimpalukoda siikasi niika aroh-aya henju.

METHU 11:25

Hiika myodu ho Jisu lutii, “Ngo niimi payapacho ludu, Aba, dariiganda la kiiddi nyika Attoh, no siika drih siimi chinnii la tala miyu kokii achuñ lala ho chimanii atañ miya kakiñtii;

2 KORINTIA 9:15

Pinii mi payapacho niimpalukoda mohka luko shiilamanii ahmiñayiñ biko hopa!

2 KORINTIA 2:14

Hojalo Pinii mi payapacho lulyi, huna kiirañ ngunumi Kristo kiilo pamiñ giidonii, ho ngunu kiilo mohmika chiniiñ ka riso mi kapakohe sutii kiine donii.

JON KA AYAPUYU 11:41

Hopa mohlu yalañ mi giipa biido. Ho Jisu mohka amee mi kadu chalala ho lutii, “Aba, ngo niimi payapacho ludu niika ngiimika tage kopa.

MIHUKAKIÑNIIÑ 18:8

hiiko hopa doli hii ahkiñdo allo lohepada, doli ho haruheniiñ ho diime, ho mo yamulo lyako kendo; niimpalukoda tamojake Pinii Attoh huna mohmi halii donii.”