MIHUKAKIÑNIIÑ 1:5 - NITI GONTU N.T. (BSI)

⁵ ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

MIHUKAKIÑNIIÑ 1:5 ပူးပေါင်းရင်းမြစ်များ

HIBRU 9:14

niimkane abulyakiñdo Kristo ka ai hii, huna santḛrlamanii yajiyallo lo atohmi bisu tiinii hang Pinii mi pahañ hansa giima dopa, nunuka henjumi darii miibila shiiniiñ miigo miiniiñ hokii turnii Pinii mi miiho dupa.

1 JON 1:7

hojalo ngunu matiirḛ hutoh ho indo koda, niihtañpa mo hutoh ho da, ngunu kone anyañ ka agiñho dukuñ siidoke, ho mohka Oho Jisu ka ai ase duke ngunumi kapane ingyamiigya hokii.

MIHUKAKIÑNIIÑ 17:14

mohlu gyambo pakiñdo Subuñmi, ho Subuñ hii mohlumi pamiñ kendo, niimpalukoda mo attoh atañka Attoh ho radde atañka Radde, ho hutiina mo agiñho danii hiika atañ gyokodo kahekonii ho lotii.”

KOLOSIA 1:18

Mo apo ka attoh, gyoliñkonii; mo kapyoja, butu japa ka bukonii shiinii hokii, kapane drihho mo limpyo japaka linnii.

1 PITAR 1:19

hojalo Kristo ka khiiniiñ ai lo, hii chuli subuñ pamyo takho giimanii malo page maniihokii.

MIINIIÑ 26:23

Kristo heru henkiñdo lodake, ho hiiko, kapyo japa ka shiinii hokiika turiturku niipa lyikiñdo, mo hutoh mi gyuko kendo miyuatañ mi ho Midomiyu atañ mi.”

MIHUKAKIÑNIIÑ 19:16

Mohka tariiho ho mohka halañho mohka armyañ hii ketola do, radde atañka Radde ho attoh atañka Attoh.

1 JON 4:10

Siika sike hensu nii, hiila ma ngunu Pinii mi hentola hiila hojalo mo ngunumi hentii ho mohka Oho mi kiiniñtii ngunuka ingyamiigya niipa bili bidupa hiila.

JON KA AYAPUYU 18:37

Pailet mohmi lutii, “Hokoda no radde ha?” Jisu lusitii, “No ludo ngo radde hiila. Sipa ngo bukotii, ho sipa ngo siika dohadolo so ahdu, jije mi haki bidu pa hiila. Kone abi huna jije hokii nii hiika hii ngiika aguñmi tadu.”

MIHUKAKIÑNIIÑ 3:14

“Ho Laodisia gyoliñkonii daka miidopopi kedo: ‘Amen hiila talii dopaka aguñ, lotii ho jije haki, Pinii ka pulyi hoka lintuja.

MIHUKAKIÑNIIÑ 7:14

Ngo mohmi lutii, “Tonsḛrbo, no chindo.” Ho mo ngiimi luhii, Siika atañsi mohlu hutiina hempḛr kahe hentḛrkanyi hokii lintii kunii; mohlu mohluka tarii mi ase tiiku ho hiika atañmi puloo dopa miitiiku Siibuñ ka ai lo.

METHU 28:18

Ho Jisu ahtii ho mohlumi lutii, “Hikha yapuñ la kiiddiapiñ nyika otority mi ngiimi bitola do.

1 TIMOTI 6:15

ho siika siimi myodumyolo aya ho kakiñ kendoke khiiniiñja ho Kayeja bo kontii, radde atañka Radde ho attoh atañka Attoh,

IPISIA 2:4

Hojalo Pinii, huna aroh ho mingo donii, hempḛr hensunii hokii mohka ngunu mihka hennii,

IPISIA 5:2

Ho hensu niiho into, Kristo ka ngunumika henchañho ho atohmi ngunupa bipa siitii, narunempyo binii ho Pinii mi membila.

MIINIIÑ 20:28

Nunu attohpa hendi nyatolya ho hikha subuñ atañmi, nunumi Darii Yajiyallo mohlumi kabii niipa miitii, Pinii ka gyoliñkonii atañmi kage niipa humina mo mohka attoh Oho ka ai lo riitii nii.

GELESIA 2:20

Ngo Kristo agiñho leda kotiiku; siikasi ngomake huna sando nii, hojalo Kristo huna ngiiko sando kunii; ho sango ngiika asiialyo loka saniiñsi ngo henje loke sandunii Pinii ka Oho mi, huna ngiimi hendo nii ho ngiipa atohmi bisu tiinii.

MIHUKAKIÑNIIÑ 11:15

Ho kanunii miidopopi mohka siirii mi mutii, ho hiiko hempḛr goro aguñ adune dariiganda ho, lubiidola, “Dohadolo ka raddeganda hii ngunuka Attoh ho mohka Kristo ka raddeganda pa lyidoku, ho mo ayu dahepa sangii kendoku.”

1 TIMOTI 6:13

Pinii ka hataho huna hikha drih atañmi sango bidonii, ho Kristo Jisu kokii huna mohka pyakoniimi Pontius Pailet ka hataho khadiko khako ne,

1 KORINTIA 6:11

Ho sichuli ke nunu tonge. Hojalo nunu asekokunii, nunu darii miiko kunii, nunu lupya kokunii Attoh Jisu Kristo ka armyañ pa ho ngunuka Pinii ka Yajiyallo ho.

JON KA AYAPUYU 15:9

Niihtañpa ngiika Aba ngiimi hendu, hiichuli ngo nunumi hendu; ngiika hennii ho giige tola duto.

JON KA AYAPUYU 13:1

Siisi Impobiiniiñ dituñ soma rampa, Jisu chintii mohka myodu ahdoku siika dohadolo simi apa tekula Aba ko indu kupa, mohka attoh miyu atañmi hentii hutiina dohadolo so danii, mo henkañ kendo kamikalo lohepa.

ROM MIKA POL KA SIITI KENIIÑ 8:37

Ma, hikha siika drih siimi ngunu pamiñ tiiku mohkiilo huna ngunumi hendo nii.

JON KA AYAPUYU 13:34

Niti lujubiniiñ ngo nunumi biso, nunu kone anyañ mi hensu tolya; ngiika nunumika henchañho, hiichuli nunu tiirḛ kone anyañ mi hensu tolya.

JON KA AYAPUYU 3:32

Mo hakipa du nii mina mo kappa tiinii ho tapa tiinii, hojalo kone hetḛr mohka pyakoniimi talii matii;

JON KA AYAPUYU 3:11

Jijeloda, jijeloda, ngo niimi lukoso, ngunu ludu niihmi ngunu chindo, ho hakipa dudu niihmi ngunu kappatii; hojalo no ngunuka pyakoniimi taliima.

METHU 20:28

sichuli miyu ka Oho tiirḛ miiho kopa ahmake miiho dupake ahnii, ho mohka sango mi abuje miyu mi tupya naniipa.”

JON KA AYAPUYU 3:16

Niimpalukoda Pinii dohadolo mi ano hela mohka Oho konekontii mi bitii, hujalopa mohmi henje talyi hii lyukiñma hojalo santḛrlamanii sango giikiñdo.

ROM MIKA POL KA SIITI KENIIÑ 3:25

humina Pinii atii tiisi bitiinii mohka ai lo bisi bidupa, henje lo larii kiinedupa. Siikasi Pinii ka denki mi kakiñ dupa, niimpalukoda mohka piniipigiiniiho mo kapyo hoka ingyamiigyanii atañmi impo biitiiku;

HIBRU 10:29

Niimkane heruyapa pamyokenko kendo nunu henka duha hiika miyu mi huna Pinii ka Oho mi khiipa donii, ho khiimapama miidonii hemmesiiniiñ ka ai mi niilona mo darii miitiikunii, ho hadii dopa miitiinii aroh-aya ka Yajiyallo mi?

MIHUKAKIÑNIIÑ 2:13

“‘Ngo chindo nohna nunu dunii, nohna saitan ka raddeduko hii; nunu lotiido ngiika armyañ pa ho nunu mapa ma ngiipa ka henje niimi Antipas ngiimika haki biniika allo lohe pa, ngiika lotii kone, humina membii nenii nunuka punkoho, nohna saitan dunii.

MIHUKAKIÑNIIÑ 11:3

Ho ngo ngiika haki anye mi nyibuhela dopa harchichike mi bichi 1260 allo hendopa, niirepulye giitola.”

MIHUKAKIÑNIIÑ 19:11

Ho ngo kapato dariiganda mi miiko dopa, ho kato, puloo gora! Mo hiika ayoh hoka dunii bo gyokodo Lotii ho Jije hiila, ho denkipa mo haliido ho gyambo pado.