MIHUKAKIÑNIIÑ 1:4 - NITI GONTU N.T. (BSI)

⁴ Jon kokiila pengkanuhe gyoliñkonii Asia hoka doniimi: Aroh-aya la chimie mi nunupa bilyike mohkokii huna dunii ho huna dutiinii ho huna ahkiñ donii, ho kanuhe yajiyallo kokii huna mohka raddeduko hataho danii,

MIHUKAKIÑNIIÑ 1:4 ပူးပေါင်းရင်းမြစ်များ

HIBRU 13:8

Jisu Kristo hiira siisu ke biilyo ho siilo ho ayudahepa.

JON KA AYAPUYU 1:1

Kapyojaho aguñ hii dotii, ho aguñ Pinii agiñho dotii, ho aguñ hii Pinii tii.

MIHUKAKIÑNIIÑ 5:6

Ho raddeduko punkoho piilye turnii achu-amyo ho amiabañ atañka punkoho, ngo siibuñ kone dapa kapato, menko kunii hiilyañ, kanuhe arii giitola ho amee pukkanuhe giitola, hiikahii Pinii ka kanuhe yajiyallo hiimi kiiniñtii hikha kiiddiapiñ so;

MIHUKAKIÑNIIÑ 4:5

Raddeduko hokii dolya byoliñne, ho adu-abiñne ho yapuñ genne, ho raddeduko ka hataho kanuhe yamu muru tila do, hiikahii Pinii ka kanuhe Yajiyallo;

MIHUKAKIÑNIIÑ 1:8

“Ngo Alpha ho Omega ke,” Pinii Attoh ludo, huna dunii ho huna dutiinii ho huna ahkiñ donii, Tamoja.

MIHUKAKIÑNIIÑ 3:1

“Ho Sardis gyoliñkonii daka miidopopi kedo: ‘Mohka aguñ hukiina kanuhe Pinii ka Yajiyallo ho pukkanuhe takḛr giidonii . “‘Ngo chindo nunuka miigo atañmi; nunu turnii hiila armyañ giisudo, ho nunu shiinii.

JEMS 1:17

Kapane aya peniiñhii ho kapane digoabiaya ahmiñayiñ hii ayoh hokii ke, hutoh ka Aba kokii todo hukohona hang lyiguhmanii malo yallobyotiñnii nyimanii lyiguhkopa.

MIHUKAKIÑNIIÑ 4:8

Ho piilyeru turnii achu-amyo hii, kone abikii ale lekhe giitola, poteje amee giitola gokḛrpala ho ura ho, ho allo ayoh mi mohlu pema biisie singuma, “Darii, darii, darii, Attoh Pinii Tamoja, huna dutiinii ho du ho ahkiñ donii!”

MIHUKAKIÑNIIÑ 3:7

“Ho Piladelpia gyoliñkonii daka miidopopi kedo: ‘Darii koneka aguñ, jije kone, huko hona David ka sabe donii, huka miiko lyiho kone hetrḛ miipiñ lakiñma, huka miipiñ lyiho kone hetrḛ miiko lakiñma.

ROM MIKA POL KA SIITI KENIIÑ 1:7

Hikha Rom daka Pinii ka heniiñ atañ, hutiina piniimiyu hiila lusu donii: Nunumi aroh-aya hiilyi ho chimie Pinii ngunuka Aba ho Attoh Jisu Kristo kokii.

MIHUKAKIÑNIIÑ 2:8

“Ho Ismarna gyoliñkonii daka miidopopi kedo: ‘Kappyo jahii la kami jaka aguñ atañ, huna shiitii kunii ho turiturku tiikunii.

MIHUKAKIÑNIIÑ 1:20

Michilamanii kanuhe takḛr atañmi nii mina no ngiika lahbi alah ho kapa tiinii, ho kanuhe ayyiñ hokiika yamumiiru mi, kanuhe takḛr atañ hii kanuhe miidopopi atañ ke ho kanuhe yamumiiru atañ hii kanuhe gyoliñkonii atañke.

MIHUKAKIÑNIIÑ 1:11

lubiidola, “Keto niihna no kapadonii khetaho ho hiika hiimi pengkanuhe gyoliñkonii atañ ko bito, Ipisia ho Ismarna Pargamum ho Taitira ho Sardis ho Piladelpia ho Laodisia ho.”

2 KORINTIA 1:2

Aroh-aya ho ngunuka Aba ho Attoh Jisu Kristo kokii chimie dokiñcho nunuko.

1 KORINTIA 1:3

Nunumi aroh-aya la chimie mi bikiñcho Pinii ngunu Aba la Attoh Jisu Kristo kokii.

MIHUKAKIÑNIIÑ 3:14

“Ho Laodisia gyoliñkonii daka miidopopi kedo: ‘Amen hiila talii dopaka aguñ, lotii ho jije haki, Pinii ka pulyi hoka lintuja.

MIHUKAKIÑNIIÑ 2:18

“Ho Taitira gyoliñkonii daka miidopopi kedo: ‘Pinii ka Oho ka aguñ, hukiina amee yamu miilyo hiilyañ giidonii, ho huka alihna bitie mika hilu miitiinii hiilyañ donii.

MIHUKAKIÑNIIÑ 2:12

“Ho Pargamum gyoliñkonii daka miidopopi kedo: ‘Mohka aguñ huna ilyo lyogañ lyoro areh giinii biidonii.

MIHUKAKIÑNIIÑ 1:1

Jisu Kristo ka kakiñniiñ, nii mina Pinii mohmi bitiinii mohka miira atañmi kakiñ dupa niihna hempḛr nyibya lyikiñ donii; ho mo siika siimi chindopa miitii miidopopi mi mohka miira Jon ko kiiniñ lala,

MIINIIÑ 19:10

Siikasi danyi nyanye pahe nyikala dotii, hopa hikha Asia daka dunii atañ Attoh ka aguñmi tapa tii, Jew atañ la Grik atañ nyi.

MIINIIÑ 2:9

Parthians ho Medes ho Elamites ho Mesopotamia hoka dunii atañ, Judia ho Kapadosia, Pontus ho Asia,

MIHUKAKIÑNIIÑ 1:9

Ngo Jon, nunuka anu, huna nunuka agiñho hembo montiinii Jisu ko hentḛrkanyi mi ho raddeganda pa ho yanupa pigii biidola, siilokiiddi Patmos luniiñho ahtii Pinii aguñ kiipa ho Jisu mika pyako kopa.

MIHUKAKIÑNIIÑ 1:17

Ngo mohmi kapa lala, ngo mohka alih ho chuhato shiinii hiilyañ. Hojalo mo mohka lahbi alah mi ngiiko tencha lala, luhii, “Biisoyo, Ngo kapyoja ho kamija ke,

MIHUKAKIÑNIIÑ 8:2

Ho ngo kapato kanuhe miidopopi mi huna Pinii ka hataho danii, ho kanuhe siirii mohlumi bibiine.

MIHUKAKIÑNIIÑ 16:5

Ho ngo tapato yasie ka miidopopi ka luniiñmi, “Kadiko kado niika ayakacho kaniiñ hii, no huna dunii ho dutiinii, O Darii Kone.

MIHUKAKIÑNIIÑ 22:8

Ngo Jon huna tapa tiinii ho kapatiinii siika drih atañmi. Ho ngiika tapa lyiho ho hiika hiimika kapa lyiho, ngo chuki yu mohmi heriidupa miidopopi ka alih ho huna ngiimi siika atañmi kakiñniiñ;

MIHUKAKIÑNIIÑ 22:16

“Ngo Jisu ke kiiniñ biilyinii ngiika miidopopi atañmi siika pyakoniika agiñho gyoliñkonii atañpa. Ngo liima ke ho David kokiika ohoasi ke, hutoh konchi takḛr.”