MIHUKAKIÑNIIÑ 1:20 - NITI GONTU N.T. (BSI)

²⁰ Michilamanii kanuhe takḛr atañmi nii mina no ngiika lahbi alah ho kapa tiinii, ho kanuhe ayyiñ hokiika yamumiiru mi, kanuhe takḛr atañ hii kanuhe miidopopi atañ ke ho kanuhe yamumiiru atañ hii kanuhe gyoliñkonii atañke.

MIHUKAKIÑNIIÑ 1:20 ပူးပေါင်းရင်းမြစ်များ

METHU 13:11

Ho mo mohlumi lusitii, Nunumi Pinii ka raddeganda ka khiibe chimma niimi chindopa bitola do, hojalo mohlumi siimi bima.

LUK KA AYAPUYU 8:10

mo lutii, Nunumi Pinii ka raddeganda khiibe chimma niimi chindopa bitola do; hojalo niimpalukoda khiibe atañmi lutiñnaniiñ hoke, hopa kasujalo mohlumi kachiñ madopa, ho tasujalo mohlumi tachiñ madopa.

ROM MIKA POL KA SIITI KENIIÑ 11:25

Hiilamakoda nunu atohmi chilanii hiila hensu kendo nunuka atoh hentiisiiniiho, ngo nunumi siika lukolamanii drih mi chinke nenado, anubarmii atañ: henjelamanii ahha hii Isrel tange ko ahla do, nii dahepa hikha Midomiyu atañ ahtema,

MIHUKAKIÑNIIÑ 1:11

lubiidola, “Keto niihna no kapadonii khetaho ho hiika hiimi pengkanuhe gyoliñkonii atañ ko bito, Ipisia ho Ismarna Pargamum ho Taitira ho Sardis ho Piladelpia ho Laodisia ho.”

MIHUKAKIÑNIIÑ 1:16

mohka lahbi alah ho takḛr pukkannu biitola, mohka aguñ hokii hempḛr ilyo lyogañ lyoro areh giinii luliñdo, ho mohka nyimohii lolyañ danyi chitañ hudakiila.

MIHUKAKIÑNIIÑ 1:4

Jon kokiila pengkanuhe gyoliñkonii Asia hoka doniimi: Aroh-aya la chimie mi nunupa bilyike mohkokii huna dunii ho huna dutiinii ho huna ahkiñ donii, ho kanuhe yajiyallo kokii huna mohka raddeduko hataho danii,

MIHUKAKIÑNIIÑ 17:5

ho mohka tiirii ho ketola giido michilamanii armyañ: “Kaye Babilon, pfyoaridiisunii atañka annii ho kiiddiapiñ ka kanamanii.”

MIHUKAKIÑNIIÑ 17:7

Hojalo miidopopi ngiimi lune, “Niimpa kapuñtale du? Ngo niimi annii akha ka michilamanii mi lukoso, ho achu-amyo adiñ pukkanuhe ho arii bulyañhe giiniibo mohmika bagiibomi.

MIHUKAKIÑNIIÑ 2:1

“Ipisia gyoliñkonii daka miidopopi kedo: ‘hiika aguñ huna takḛr pukkanuhemi mohka lahbi alah ho gabii tola biidonii, huna ila donii kanuhe ayyiñ hokiika yamumiiru agiñho.

MIHUKAKIÑNIIÑ 2:12

“Ho Pargamum gyoliñkonii daka miidopopi kedo: ‘Mohka aguñ huna ilyo lyogañ lyoro areh giinii biidonii.

MIHUKAKIÑNIIÑ 2:18

“Ho Taitira gyoliñkonii daka miidopopi kedo: ‘Pinii ka Oho ka aguñ, hukiina amee yamu miilyo hiilyañ giidonii, ho huka alihna bitie mika hilu miitiinii hiilyañ donii.

MIHUKAKIÑNIIÑ 2:5

Henka nyatoku nohkiina nunu huhi nyado kunii, henkur toku ho miito nunuka kapyo hoka miigo miiniiñmi. Hiila matiirḛ miima koda, ngo nunuko ahchi ho nunuka muru mi lara biichi ku hiika ahii ko hokii, nii dahepa nunu henkur tama.

MIHUKAKIÑNIIÑ 2:8

“Ho Ismarna gyoliñkonii daka miidopopi kedo: ‘Kappyo jahii la kami jaka aguñ atañ, huna shiitii kunii ho turiturku tiikunii.

MIHUKAKIÑNIIÑ 3:1

“Ho Sardis gyoliñkonii daka miidopopi kedo: ‘Mohka aguñ hukiina kanuhe Pinii ka Yajiyallo ho pukkanuhe takḛr giidonii . “‘Ngo chindo nunuka miigo atañmi; nunu turnii hiila armyañ giisudo, ho nunu shiinii.

MIHUKAKIÑNIIÑ 3:14

“Ho Laodisia gyoliñkonii daka miidopopi kedo: ‘Amen hiila talii dopaka aguñ, lotii ho jije haki, Pinii ka pulyi hoka lintuja.

MIHUKAKIÑNIIÑ 3:7

“Ho Piladelpia gyoliñkonii daka miidopopi kedo: ‘Darii koneka aguñ, jije kone, huko hona David ka sabe donii, huka miiko lyiho kone hetrḛ miipiñ lakiñma, huka miipiñ lyiho kone hetrḛ miiko lakiñma.