MIHUKAKIÑNIIÑ 1:18 - NITI GONTU N.T. (BSI)

¹⁸ ho turnii koneke; Ngo shiito, ho kato ngo turduku ayudahepa, ho ngiiko sabe do Shiiniiñ la nelimyoko nyikii.

MIHUKAKIÑNIIÑ 1:18 ပူးပေါင်းရင်းမြစ်များ

METHU 11:23

Ho nunu, Keparnam, nunumi dariiganda ho nencha lyido hendoha? Nunumi nelimyoko hoya nelo kendo. Niimpalukoda nunukoka kaye miigo miiniiñmi Sodom hoya miitii koda, hii siilo lohe dotii rando.

METHU 16:19

Ngo niimi dariiganda ka raddeganda mika hekko naniimi biso, ho niijalo nunu kiiddiapiñ so ahnga siichi hii dariiganda ho ahnga kendoke, ho niijalo nunu kiiddiapiñ so ahnga siitema hii dariiganda hotiirḛ ahnga siikiñma.”

LUK KA AYAPUYU 24:5

ho mohlu biisola ho mohluka nyimo mi kiiddi ho chuki tola datii, mo anye mohlumi lutii, “Niimpa nunu turnii mi shiinii ka apurho medu?

JON KA AYAPUYU 11:25

Jisu mohmi lutii, “Ngo turiturku kunii la sango ke; huna ngiimi henje talyi nii, mo shiijalo, hojalo mo sankiñdo,

JON KA AYAPUYU 14:19

Hojalo ichuche dahidamo lala, ho dohadolo atañ ngiimi kapa keñku ma, hojalo nunu ngiimi kapa kendo; niimpalukoda ngo turla dakiñdo, ho nunu tiirḛ turla dakiñdo.

ROM MIKA POL KA SIITI KENIIÑ 6:9

Niimpalukoda ngunu chindo Kristo mi turdo miitii shiinii hokii ho ronge tiirḛ shiiti keñkuma; shiiniiñ hii mohmi domiñ biila keñkuma.

2 KORINTIA 13:4

Niimpalukoda mo mi ledatii ajjuho, hojalo turla da Pinii ka harchichikelo. Niimpalukoda ngunu mohko ajjudo, hojalo nunumi miilyañ biidola ngunu mo agiñho turkiñdo Pinii ka harchichikelo.

GELESIA 2:20

Ngo Kristo agiñho leda kotiiku; siikasi ngomake huna sando nii, hojalo Kristo huna ngiiko sando kunii; ho sango ngiika asiialyo loka saniiñsi ngo henje loke sandunii Pinii ka Oho mi, huna ngiimi hendo nii ho ngiipa atohmi bisu tiinii.

KOLOSIA 3:3

Niimpalukoda nunu shiine ku, ho nunuka sango mi achuñ tiiku Kristo ka agiñho Pinii ko.

HIBRU 1:3

Mo Pinii ka tatukatu mi byokur lingiido ho mohka tiihoniiñ henjujami giido, siichañmiido mi mohka aguñka harchichikelo gatu biitola. Mo ingyamiigyanii atañmi darii miite hekula, mo Pinii kahejaka lahbi alah ho duku.

HIBRU 12:2

Jisu mi kabii dola miitu rigiibo ho digoabiaya dopaka miinii ngunu henjemi, huna mohka hata hoka hempyo atii tola doniiñ kiipa pogyañ mi pitii nii, hiinyañ mitrḛ hempa kapa biidola, ho duku Pinii ka duko lahbi alah ho.

HIBRU 7:16

huna nyibupa lyitii kunii, dapomiiju lujju ka luchamiichañ homapa, asiialyo hokii ka liniiñ mapa hojalo pyadulamanii sango ka harchichike hokii.

HIBRU 7:25

Hiiko hopa mo hikha myodu ho mohlumi lyangur latii hutiina Pinii ka aruñho ahde tiinii mohko ahbiila, niimpalukoda mo kiirañ turla da mohlupa kubi dupa.

MIHUKAKIÑNIIÑ 10:6

ho hemmetii mohkiilo huna ayu dahepa sankiñ donii, huna dariiganda mi putiinii ho hiiko hoka donii atañmi, ho kiiddiapiñ mi ho hiikohoka dunii atañmi, ho siimie mi ho hoka danii atañmi, niimpalukoda dakañ ano kumadopa,

MIHUKAKIÑNIIÑ 15:7

Ho piilye achu-amyo hokii kone, kanuhe miidopopi mi kanuhe ayyiñ paka bibiido poteje Pinii ka hadii ka agiñho huna ayu dahepa sankiñ donii;

MIHUKAKIÑNIIÑ 2:8

“Ho Ismarna gyoliñkonii daka miidopopi kedo: ‘Kappyo jahii la kami jaka aguñ atañ, huna shiitii kunii ho turiturku tiikunii.

MIHUKAKIÑNIIÑ 20:13

Ho siimie hoka shiinii atañ mitrḛ hempa bibiido, Shiiniiñ la Nelimyoko nyitrḛ mohluko hoka shiinii atañmi hempa bibiido, ho hikha miilañ rumi halii biido niihna mohlu miitiinii.

MIHUKAKIÑNIIÑ 20:14

Ho Shiiniiñ la Nelimyoko atañmi yamu ka siimie ho jopa liibiido. Siikasi ronye niipa shiinii, yamu ka siimie;

MIHUKAKIÑNIIÑ 3:7

“Ho Piladelpia gyoliñkonii daka miidopopi kedo: ‘Darii koneka aguñ, jije kone, huko hona David ka sabe donii, huka miiko lyiho kone hetrḛ miipiñ lakiñma, huka miipiñ lyiho kone hetrḛ miiko lakiñma.

MIHUKAKIÑNIIÑ 4:9

Ho niidajalopa turnii achu-amyo assañ talyi ho khiichi ho mohmi payapacho luchi mo huna raddeduko ho dunii, huna ayu dahepa dukiñ donii,

MIHUKAKIÑNIIÑ 5:14

Ho piilye achu-amyo atañ lutii, “Amen!” ho amiabañ atañ chuhila ho heriinyatii.

MIHUKAKIÑNIIÑ 6:8

Ho ngo kapato, ho kato, loppo gora dore, ho hiika gora yonii boka armyañ hii Shiiniiñ hiila, ho nelimyoko hii mo kiiliñ ho injo mondo, ho mohlumi harchichike mi bibiido kiiddiapiñ ka piilyenii hakhu akomi tamobiila dopa, ilyo lo mendo pa ho diime ahniiñlo ho dolipiiliñlo ho kiiddiapiñ daka morey achu-amyo lo.

MIHUKAKIÑNIIÑ 9:1

Ho yangonii miidopopi mubiido mohka siirii mi, ho ngo takḛr mi yapuñ hokii kiiddiapiñ ho huhi la dopa kapato, ho mohmi sabe mi bibiido kamoramba ura ubu ahkomi;