MIHUKAKIÑNIIÑ 1:1 - NITI GONTU N.T. (BSI)

¹ Jisu Kristo ka kakiñniiñ, nii mina Pinii mohmi bitiinii mohka miira atañmi kakiñ dupa niihna hempḛr nyibya lyikiñ donii; ho mo siika siimi chindopa miitii miidopopi mi mohka miira Jon ko kiiniñ lala,

MIHUKAKIÑNIIÑ 1:1 ပူးပေါင်းရင်းမြစ်များ

MIHUKAKIÑNIIÑ 22:16

“Ngo Jisu ke kiiniñ biilyinii ngiika miidopopi atañmi siika pyakoniika agiñho gyoliñkonii atañpa. Ngo liima ke ho David kokiika ohoasi ke, hutoh konchi takḛr.”

MIHUKAKIÑNIIÑ 22:6

Ho mo ngiimi luhii, “Siika aguñ atañsi henjesaniiñ ke ho jije ke. Ho Attoh, nyibuhenii atañka yajiyallo ka Pinii, kiiniñtii mohka miidopopi mi mohka miira atañmi kakiñ kiine dupa niihna hempḛr nyibya lyikiñ donii.

GELESIA 1:12

Niimpalukoda ngo siimi miyu kokii larii make, malo ngo simi luko komake, hojalo siikasi Jisu Kristo ka mihukakiñ laka ahniiñ.

IPISIA 3:3

niihtañpa michilamanii mi ngiimi chindopa miitii mihukakiñ biidola, ngo tudiipa kebii lyike.

MIHUKAKIÑNIIÑ 1:19

Siisi keto niihna no kapa donii, niihna donii ho niihna lyikiñ donii siika hiiba ho.

MIHUKAKIÑNIIÑ 1:9

Ngo Jon, nunuka anu, huna nunuka agiñho hembo montiinii Jisu ko hentḛrkanyi mi ho raddeganda pa ho yanupa pigii biidola, siilokiiddi Patmos luniiñho ahtii Pinii aguñ kiipa ho Jisu mika pyako kopa.

JON KA AYAPUYU 3:32

Mo hakipa du nii mina mo kappa tiinii ho tapa tiinii, hojalo kone hetḛr mohka pyakoniimi talii matii;

JON KA AYAPUYU 15:15

Ngo nunumi miira hiila gyote kuma, niimpalukoda miira hii chima mohka atoh nii miido hiila; hojalo ngo nunumi ngiika ajiñ hiila gyodu, niimpalukoda hikha ngo niihna ngiika Aba kokii tapa tiinii hiimi nunumi chindopa miitii.

MIHUKAKIÑNIIÑ 4:1

Siika hiiba ho ngo kadi kiile, ho kato, dariiganda ho alyeh lyeko tola do! Ho kapyo japa ka luniiñ hii, ngiimika luniiñmi ngo takele siirii gyuniiñ hiilyañ, lune, “So chato, ho ngo niimi kakiñso siika hiiba ho niihna lyikiñ donii.”

JON KA AYAPUYU 12:49

Niimpalukoda ngo ngiika attoh otority la lusuma; Aba ngiimika kiiniñbo mo loda ngiimi lujubiniiñ mi bitii nii lusanii ho nii lukiñdo.

JON KA AYAPUYU 8:26

Ngiiko abuje nunu piigo mi lusa do ho abuje ayakacho kasa niitrḛ; hojalo ngiimika kiiniñ bo jijeke, ho dohadolo mi lukodu niihna ngo mohkokii tapa dunii.”

MIHUKAKIÑNIIÑ 21:2

Ho ngo kapato darii citi mi, niti Jerusalem mi, tola dopa dariiganda Pinii kokii, mihie mika mohka millo paka giiju ajubitii nii hiilyañ;

ROM MIKA POL KA SIITI KENIIÑ 16:25

Siisi mohko huna nunumi alḛr giila kendonii ngiika ayapuyu chulipa ho Jisu Kristo ka tonsḛr khenyo nii hokii, chila maniiñ mika mihukakiñ nii chulipa nii mina ayu kolyuñ kolo hokii achuñ tola doniimi mih chimapa

JON KA AYAPUYU 17:8

niimpalukoda ngo mohlumi niika ngiimika aguñ biniiñ mi bitii, ho mohlu hiimi larii biine ho jije mi chindoku ngo niiko hokii ahdo hiila; ho mohlu henjedo no ngiimi kiiniñtii.

TAITAS 1:1

Pol, Pinii ka miira ho Jisu Kristo ka kiiniñkonii kone, hiimi uro yapa hembyuñ kiine dupa Pinii ka kahe konii atañka henje mi ho mohluka jije ka chila mi niihna piniisanju jaho donii,

MIHUKAKIÑNIIÑ 5:7

ho mo intii ho labiitii karkiesiilyo mi lahbi alah hokii huna raddeduko dunii.

MIHUKAKIÑNIIÑ 17:1

Ho kanuhe miidopopi hokii, kone huna kanuhe paaka biidonii ahla ho ngiimi luhii, “Ahto, ngo niimi kakiñso pfyoaridiisunii tatukatu bomika ayakacho kaniiñmi huna abuje yasie ka ayoh ho dunii,

MIHUKAKIÑNIIÑ 19:9

Ho miidopopi lune ngiimi, “Siika siimi keto: Lyanko kendo hiika atañ hutii mina gyotiinii Subuñ ka mihie lako alyiñapiñ diikoho dudupa.” Ho mo ngiimi lune, “Siika atañsi jije Pinii ka aguñke.”

MIHUKAKIÑNIIÑ 19:10

Ho ngo mohka alih ho giihi to mohmi herii dupa, hojalo mo ngiimi lune, “No hiila miiyo! ngo nochitañ miira ahiñke ho niika anubarmii hiilyañ hutiina Jisu mika pyako niimi badonii. Pinii mi heriito.” Niimpalukoda Jisu mika pyako niisi nyibuheniiñ ka yajiyallo ke.

MIHUKAKIÑNIIÑ 21:9

Hiikahiiba ho kone ahhii kanuhe miidopopi hokii huko hona paka kokkanuhe poteje kamija doli kanuhemi biidonii, ho ngiimi lune, lubiidola, “Ahto, Ngo niimi kakiñso Mihie mi, Subuñ ka mihie.”

MIHUKAKIÑNIIÑ 22:1

Ho mo ngiimi sango ka yasie ka kiiley mi kakiñ, crystal yalañ mitrḛ hudakhada yatola, Pinii ka raddeduko la Subuñ nyiko hokii biliñdo

MIHUKAKIÑNIIÑ 22:8

Ngo Jon huna tapa tiinii ho kapatiinii siika drih atañmi. Ho ngiika tapa lyiho ho hiika hiimika kapa lyiho, ngo chuki yu mohmi heriidupa miidopopi ka alih ho huna ngiimi siika atañmi kakiñniiñ;

MIHUKAKIÑNIIÑ 22:9

hojalo mo ngiimi luhii, “No hiimi miiyo! ngo niika agiñho miira ahiñ siike ho niika nyibuhenii anubarmii atañka, ho hiika atañ agiñho hutiina siika kheta daka aguñ atañmi atii biidonii. Pinii mi heriito.”