METHU 7:21 - NITI GONTU N.T. (BSI)

²¹ Kone abi hutiina ngiimi ludonii, Atoh, Atoh, hii dariiganda ka raddeganda ho ahla kemma, hojalo huna dariiganda daka Aba ka henko jaho miidonii hii kontiisii ahla kensu donii.

METHU 7:21 ပူးပေါင်းရင်းမြစ်များ

ROM MIKA POL KA SIITI KENIIÑ 2:13

Niimpalukoda siikasi dapo mika tapanii atañ hii denki hiila make Pinii ka hataho, hojalo dapo hokii chulipa miinii mike denki lukiñ donii.

LUK KA AYAPUYU 6:46

“Niimpa nunu ngiimi gyodu ‘Attoh, Attoh,’ ho ngo nii miito luto hiimi miima dola?

JEMS 1:22

Hojalo luniiñ tabii dola miiniiñpa lyito lya, taniipa kontii lyilya yo, atohmi talubalo siinyala.

LUK KA AYAPUYU 11:28

Hojalo mo lutii, “Lyanko kendo hiiya hutiina Pinii ka aguñmi tadonii ho hiimi miidonii!”

TAITAS 1:16

Mohlu Pinii mi chindo hiila lusudo, hojalo mohlu mapado mohluka miiniiñluniiñ miijulo; mohlu kana tanañmaniiñ, luniiñtama niike, hang aya miigo miina naniiñpa piigoamanii.

HIBRU 4:6

Hopa siisi jalo tongepa dolya do hiiko ahke nendupa, ho hutiina lapyo pa lariitiinii ayapuyu mi ahla matii niimpalukoda luniiñtama kopa,

JON KA AYAPUYU 6:40

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”

MIHUKAKIÑNIIÑ 3:5

Hii huna pamiñdonii giikiñdo sichuli puloo pulye atañmi, ho ngo nyupa tama mohka armyañ mi sango ka kheta hokii; Ngo mohka armyañ mi Aba la mohka miidopopi atañka hata ho khako talyi.

1 PITAR 4:2

hopa siisi kii sango sansa niimi miyu ka helyihembyo ka sanju ho sayo hojalo Pinii ka henko jaho santo.

HIBRU 13:21

nunumi kapane aya mi bikiñ cho niimpalukoda nunu mohka heniiñ jami miidupa, nunuko miila do hiikahii niihna mohka kataho kaji donii, Jisu Kristo kiilo, humina ayu dahepa assañ kendonii. Amen.

METHU 12:50

Niimpalukoda hujalopa dariiganda daka Aba ka henko jaho miichi hii ngiika anu, ho barmii, ho annii.”

MIHUKAKIÑNIIÑ 22:14

Lyanko kendo hiika atañ hutiina mohluka tarii mi ase tiikunii, niimpalukoda mohlumi diila dopa sango ka sannii hokii ho mohlumi hagya hopa citi ho ahla dopa.

JON KA AYAPUYU 3:5

Jisu lusitii, Jijeloda, jijeloda, ngo niimi lukoso, nii dahepa kone yasie la yajiyallo lo buko tama, mo Pinii ka raddeganda ho ahla kema.

METHU 18:3

ho lutii, Jijeloda, Ngo nunumi lukoso, nii dahepa nunu hengu la siika himme chitañpa lyitema, nunu pema dariiganda ka raddeganda ho ahla kemake.

JON KA AYAPUYU 7:17

mi miyu kone jalo mohka miigo miina dokoda, mo chinkiñ do tonsḛr niisi Pinii kokiiha malo ngo ngiika atoh otority lo ludoha hiila.

ROM MIKA POL KA SIITI KENIIÑ 12:2

Siika kiiddiapiñ ka luko talya yo hojalo lyiguhto nunuka ahhami niti dopa, hosuke nunu kakiñ lakiñ siidonii niihna Pinii ka henju, niihna aya donii ho larii lasanii ho digoabiaya nii.

MAK KA AYAPUYU 3:35

Hujalopa Pinii henju jaho miichi hii ngiika anuabañ ho barmii ho annii.”

1 TESOLONIA 5:18

niihtañ siijalo payapacho luto; niimpalukoda siikasi Pinii ka heniiñ Kristo Jisu ko nunupa.

IPISIA 6:6

amee kata ho aya miichi hiila miimapa, miyu mika hempyo miipa pamapa, hojalo Kristo ka miira atañ hiilyañ, Pinii ka henko jaho ahha hokiila miito,

1 PITAR 2:15

Niimpalukoda siikasi Pinii ka henjuke miidiko miibii dola nunu adumadopa miikiñ donii chimanii piicha miyu atañmi.

METHU 25:21

Mohka atoh mohmi lutii, Aya miitii, denki ho lotii miira; no eche mitrḛ lotii biida, Ngo niimi abujemi kabii kiine talyi; kiije ahto niika atoh ka hempyo sokoso.

1 TESOLONIA 4:3

Niimpalukoda siika sike Pinii ka henju, nunuka dardḛkunii ho: nunuka ipfyosiiniiñ hokii ka adho dasa giinii si;

KOLOSIA 4:12

Ipapras, hiikahii nunuka punko hokii kone, miira kone Kristo Jisu kii, nunumi ayahelyi, kiirañ nunumi mohka kuniiñ ho hempadu, niimpalukoda nunumi hengḛrla dake nendupa hiila ho hikha Pinii ka henko jaho taliila miidopa.

LUK KA AYAPUYU 13:25

Udeatoh huro kula ho alyeh mi lyetiñ dadokukoda, nunu agoho dapa kendo ho alyeh mi padiñ kendo, lubiidola, Attoh, ngunu pa miikotope. Mo lusi kendo nunumi, Ngo chimake nunu nohkii ahdo hiila.

MIINIIÑ 14:22

henjeajiñ atañka yallo mi alḛr lupa lala, mohlumi henje mi haro lupatii, ho lubiido abuje hentḛrkanyi loke ngunu Pinii ka raddeganda ho ahkiñ donii.

LUK KA AYAPUYU 18:25

Niimpalukoda siikasi uth paya pasu ubu ho pabbo papyo yakiñdo mingo miyu ka Pinii ka raddeganda hoka ahniiñmi hentola.”

MAK KA AYAPUYU 9:47

Ho nunuka amee matiirḛ nunumi ingyamiigya giido milo, hiimi hapa linsuto, amee puhe giitolaka Pinii ka raddeganda hoka ahniiñya nunupa aya yakiñ doke amee punye giisu lala ka yamuganda hoka jopa loko saniimi,

METHU 19:24

Hiira ngo lukoso, uth ka pasu ubu hoka pabonii ya papyo boya kendo mingo miyu ka Pinii ka raddeganda hoka ahniiñmi hentola.”

METHU 18:35

Hopa hiichulipa ngiika dariiganda daka Aba tiirḛ nunu kone abimi miikiñdo, nunu matiirḛ nunuka anubarmii mi nunuka ahha lo hello makoda.

JON KA AYAPUYU 15:23

Huna ngiimi kanamadonii ngiika Aba mitrḛ kanamapa miido.

METHU 26:42

Hiira, ronye niipa, mo ahkula ho kutii, Ngiika Aba, siika heru hensa niisi mi ngo hemapa lyila kema milo niika henko ho lyida kiineto.

METHU 16:17

Ho Jisu lukotii mohmi, “Lyanko niike nunu, Saimon Bar-Jona! Asiialyo la ai nyi siika simi kakiñ make niimi, hojalo ngiika Aba ke huna dariiganda ho dunii.

MIHUKAKIÑNIIÑ 2:27

ho mo mohlumi sangii kendoke dachañ panyilo, dekiñ piichañ ka penyo penyopa tache donii hiilyañpa, ngo atoh tiirḛ harchichike mi lariitii ngiika Aba kokii;

JON KA AYAPUYU 14:7

No matiirḛ ngiimi chintii koda, no ngiika Aba mitrḛ chintii do; siisikiila no mohmi chindo ho mohmi kapa tiiku.”

JON KA AYAPUYU 5:17

Hojalo Jisu mohlumi lusitii, “Ngiika Aba siisijalo miilado, ho ngo miiladu.”

METHU 26:39

Ho ichuche ahhila mo kiiddi ho chukila ho kutii, “Ngiika Aba, miila kendo milo, siika turla siimi ngiimi impo biike nentope, hojalopa, ngiika hengko homapa, niika hengko hotiika.”

METHU 18:10

Henditolya no siika atu kone mitrḛ khiima pama miilyayo; niimpalukoda ngo nunumi lukoso dariiganda daka mohluka miidopopi atañ kiirañ dariiganda hoka dunii boka Aba ka nyimo mi kalada.

METHU 18:19

Hiira ngo nunumi lukoso, niinyi anye matiirḛ kiiddiapiñ so talii siila niijalo niinyi kuchi, hiimi niinyipa miibi kendo ngiika dariiganda daka Aba.

METHU 25:10

Ho mohluka riidu paka inne ho, mihielasabo ahtiiku, ho hutiina henju nyatiinii hii mo agiñho ahbotii mihiemilo lasu lyiho hoka apiñ diikoho; ho alyeh mi miitiñ tiiku.