METHU 6:20 - NITI GONTU N.T. (BSI)

²⁰ hojalo nunuka alḛrdrih mi dariiganda hoya atii tiikuñto, nohna tagyu tiirḛ pulama ho harti tiirḛ ahlama ho diipyonii tiirḛ ahla ho diipyo lama.

METHU 6:20 ပူးပေါင်းရင်းမြစ်များ

LUK KA AYAPUYU 12:33

Nunuka gandanencha mi pyunge, ho arroatu atañmi bito; no niipa badu lasa manii chiruya meto, dariiganda hoya alḛrdrih mi atii to hiiko lyukiñ make, hiiko diipyo niitrḛ ahla kema ho tagyu tiirḛ nala kema.

METHU 19:21

Jisu mohmi lutii, “No matiirḛ digoabiaya nando koda, inge, pyunge niihna niiko donii ho arro atu atañmi binge, ho niikii dariiganda ho alḛrdrih dokiñ doke; ho ahto, ngiimi imbo monto.”

JEMS 2:5

Tageto, ngiika heniiñja anubarmii atañ. Pinii kahe masu peha dohadolo daka arro miyu mi henje ho mingo kiine dupa ho mohka hemme biniiñ raddeganda mi pensi dupa huna mohmi hendonii?

1 TIMOTI 6:19

hiitañpa atii tiikuñ siibiito atohpa aya liidi rabiidola ahlyinii allopa, niimpalukoda mohlumi sango mi sala dopa niihna jije sango nii.

LUK KA AYAPUYU 18:22

Ho Jisu siimi tapa lala, mo mohmi lutii, “Drih kone no giima ranke. Pyunge hikha niiko hoka doniimi ho arro atañmi tache tahe binge, ho niikii dariiganda ho alḛrdrih dokiñ doke; ho ahto, ngiimi imbomonto.”

MIHUKAKIÑNIIÑ 2:9

“‘Ngo chindo nunuka hentḛrkanyi ho nunuka arromi (hojalo nunu mingodo), ho nipasiiniiñ atañ huna ludonii mohlu Jew ke hiila ho mohlu hiilama, hojalo Saitan ka sinagog.

HIBRU 11:26

Mo Kristo paka heru hembi niimi uro mingotamo yapa hentii Egip hoka alḛrdrih doniimi hentola, niimpalukoda mo ajju kosa niimi katii.

1 TIMOTI 6:17

Siika dohadolo soka mingo pakoda, luto mohlumi hentii siiyo hiila, malo mohluka hentiñ lasamanii ka mingo mi hentiñ nayo hojalo Pinii miya huna kapane drihmi ngunumi bitiinii hempyo biike nendupa.

1 PITAR 1:4

ho pensikodupa niihna lyula kemanii, miibḛrmanii, ho sellamaniiñ, dariiganda ho nunupa atii bitii,

1 PITAR 5:4

Ho niida akhoja Subuñ sornii ahchiku nunu lyula masanii tatukatu ka tahiñ byopa mi pakiñ dokuke.

HIBRU 10:34

Niimpalukoda nunu arohtii patiihtunko nii atañmi, ho nunu hempyo biidola taliimontii nunuka gandanencha mika robii lyiho, niimpalukoda nunu chintii nunupa siimi ayaya gandanencha do ho ayudahe dokañ saniiñ.

METHU 6:19

Siika kiiddiapiñ so nunu alḛrdrih atii tiikuñ biiyo, nohna harti ahla ho tachi pudonii ho nohna diipyonii ahla ho diipyo donii,

MAK KA AYAPUYU 10:21

Ho Jisu mohmi kadi biidola mohmi hentii, ho mohmi lutii, “No ngoya kone miichi make; inge, pyunge niiko hoka donii atañmi, ho arroatu atañmi binge, ho niika mingo hii dariiganda hoke dokiñ donii; ho ahla, ngiika kiiliñ ho imboto.”