METHU 5:3 - NITI GONTU N.T. (BSI)

³ Lyanko kendo Yajiyallo arro atañ, niimpalukoda dariiganda ka raddeganda hii mohlukii.

METHU 5:3 ပူးပေါင်းရင်းမြစ်များ

LUK KA AYAPUYU 18:14

Ngo nunumi lukoso, siika miyusi mohka ude ho intiiku ludḛrkokula akoyami hentola; niimpalukoda hujalo atohmi kaye miisutalyi atudopa miikiñdo, hojalo huna atohmi atu miisu talyinii hiimi kaye dopa miikiñdo.”

JEMS 2:5

Tageto, ngiika heniiñja anubarmii atañ. Pinii kahe masu peha dohadolo daka arro miyu mi henje ho mingo kiine dupa ho mohka hemme biniiñ raddeganda mi pensi dupa huna mohmi hendonii?

LUK KA AYAPUYU 11:28

Hojalo mo lutii, “Lyanko kendo hiiya hutiina Pinii ka aguñmi tadonii ho hiimi miidonii!”

METHU 11:25

Hiika myodu ho Jisu lutii, “Ngo niimi payapacho ludu, Aba, dariiganda la kiiddi nyika Attoh, no siika drih siimi chinnii la tala miyu kokii achuñ lala ho chimanii atañ miya kakiñtii;

LUK KA AYAPUYU 4:18

“Attoh ka Yajiyallo ngiiko do, niimpalukoda ngiimi mo arrḛyartiiku aya puyu mi arro atañmi tonsḛrkhenyo kiine dupa. Mo ngiimi kiiniñtii gyuko niipa miyudornii atañ mika tupya kosaniimi ho micha atañka mida kusaniimi, hutiina hensḛrkadu la danii hiimi dasḛrpa dake nendupa hiila,

MAK KA AYAPUYU 10:14

Hojalo Jisu hiimi kappa lala, mo herutii, ho mohlumi lutii, “Himme atañmi ngiiko ahke nento; mohlumi lutiñyo; niimpalukoda siika atañ sike Pinii ka raddeganda kii.

METHU 13:16

Hojalo nunuka amee lyanko niike, niimpalukoda hii kanyada, ho nunuka yaroo, niimpalukoda hii tapada.

JEMS 1:12

Lyanko kendo hiika miyu huna tenka niimi pigiiladonii, niimpalukoda mo tenka niimi datḛr giido koda mo sango ka tayyiñbyopa mi kapa kendo nii mina Pinii hemme bitola donii huna mohmi hendo nii.

JON KA AYAPUYU 20:29

Jisu mohmi lutii, “No henje dokuha niimpalukoda no ngiimi kapa tiiku? Lyanko kendo hiika atañ hutiina kapa masu hojalo henje nyadonii.”

METHU 24:46

Lyanko kendo hiika miira hii humina mohka atoh ahkur lyikuho miigo miila dopa kappa kendonii.

JEMS 1:10

ho mingo niimika arro dopa miilyiho, niimpalukoda tammi ka apoolalu hiilyañ mo shiipa kendo.

MIHUKAKIÑNIIÑ 22:14

Lyanko kendo hiika atañ hutiina mohluka tarii mi ase tiikunii, niimpalukoda mohlumi diila dopa sango ka sannii hokii ho mohlumi hagya hopa citi ho ahla dopa.

MIHUKAKIÑNIIÑ 19:9

Ho miidopopi lune ngiimi, “Siika siimi keto: Lyanko kendo hiika atañ hutii mina gyotiinii Subuñ ka mihie lako alyiñapiñ diikoho dudupa.” Ho mo ngiimi lune, “Siika atañsi jije Pinii ka aguñke.”

METHU 25:34

Ho Radde mohka lahbi dalyi hoka danii atañmi lukiñdo, Ahto, ngiika Aba ka Lyaniiñ atañ, nunupaka dohadolo mika pulyi jaho hokii ka miimyo tola donii raddeganda mi labii heku;

METHU 11:6

Ho mo lyanko kendo huna ngiimi chekho manii.”

METHU 8:11

Ngo nunumi lukoso, abuje miyu ahkiñ do danyichaggo hokii ho danyiaggo dalyi hokii tiirḛ ho diibo nyakiñ do Abraham, Isak, ho Jakob ka agiñho dariiganda ka raddeganda ho,

METHU 3:2

“Henkur nyato, niimpalukoda dariiganda ka raddeganda hii alahho dokuke.”

METHU 19:14

hojalo Jisu lutii, “Himme atañmi ngiiko ahke nento, ho mohlumi lutiñyo; niimpalukoda dariiganda ka raddeganda hii mo lutañ payake.”

LUK KA AYAPUYU 22:29

ho Ngo nunumi biso, niihtañpa ngiimi ngiika Aba bitii, raddeganda mi,

LUK KA AYAPUYU 22:30

niimpalukoda nunu ngiika diitananii ho ngiika raddeganda ho diibo tambo kendoke, ho radde duko ho dula Isrel ka halu tolyañ lenye mi kagii kendoke.

MIHUKAKIÑNIIÑ 3:17

Niimpalukoda nunu ludo, Ngo mingo, ngiiko gandanencha abuje do, ho ngo hang anna ma; hang chimapa nunu milyiñdorso siike, arohkapa, arro, micha, ho ahuara.