METHU 5:18 - NITI GONTU N.T. (BSI)

¹⁸ Niimpalukoda jijeloda, ngo nunumi lukoso, nii dahepa dariiganda la kiiddiapiñ nyi lyute ma, petu pere tiirḛ, pechi pere tiirḛ pagenii dapo hokii, lyukiñ ma nii dahepa hikha lyipe tama.

METHU 5:18 ပူးပေါင်းရင်းမြစ်များ

METHU 10:15

Jijeloda, Ngo nunumi lukoso, ayakacho kalyiku alloho Sodom la Gomora ganda nyitrḛ pigiilaya kendoke siika taun mi hentola.

METHU 10:23

Niida nunumi taun koneho miihimiire talyi, kone yaho hargiitolya; niimpalukoda jijeloda, Ngo nunumi lukoso, nunu Isrel ka hikha taunho inja ladii make, miyu ka Oho ka ahma rampa.

METHU 10:42

Ho hujalopa siika atu kone mi yasie lakhii turejalo bichi niimpalukoda mo ngiika henjeajiñ hiila, jijeloda, Ngo nunumi lukoso, mo mohka ajunii jusa niimi alyu shiikiñma.”

METHU 11:11

Jijeloda, Ngo nunumi lukoso, nyimii loka bukonii hokii Jon Baptisma binii bomi kaye yapa kone hetrḛ sari kemake, hojalo huna dariiganda ka raddeganda ho khiima japa lyidonii hii mohmi kaye yado.

METHU 13:17

Jijeloda, Ngo nunumi lukoso, abuje nyibuhenii ho denki miyuatañ nunuka kaniiñmi kanañ nyatii, ho hiimi kappa nyamatii, ho nunuka taniiñmi tana nyatii, ho hiimi tapa nyamatii.

METHU 16:28

Jijeloda, Ngo nunumi lukoso, so tange danyada mohlu miyu ka Oho mi mohka raddeganda ho ahma rampa mohlu shiinii mi hempa kempa ke.

METHU 17:20

Mo mohlumi lutii, “Nunuka henje papo kopa. Niimpalukoda jijeloda, Ngo nunumi lukoso, nunuko matiirḛ gihañ kormo kane jalo henje giido koda, nunu siika putoo mitrḛ luto, sokii inkaso iehi he, ho hii iehi kendo; ho hang miila manii hiila nyikiñma nunupa.”

METHU 18:18

Jijeloda, ngo nunumi lukoso, niijalo nunu kiiddiapiñ so talii siichi hiimi dariiganda hotiirḛ talii kendo, ho niijalo nunu kiiddiapiñ so talii siitema hiimi dariiganda hotiirḛ talii kema.

METHU 18:3

ho lutii, Jijeloda, Ngo nunumi lukoso, nii dahepa nunu hengu la siika himme chitañpa lyitema, nunu pema dariiganda ka raddeganda ho ahla kemake.

METHU 19:23

Ho Jisu lutii mohka henjeajiñ atañmi, “Jijeloda, ngo lukoso nunumi, mingo miyu pa hempḛr ahru kendo dariiganda ka raddeganda ho ahdupa.

METHU 19:28

Jisu mohlumi lutii, Jijeloda, Ngo nunumi lukoso, niti dohadolo so, niida miyu ka Oho mohka akhoja radde dukoho duchiku, nunu hutiina ngiimi imbo mondonii hiitḛr alyañlenye radde dukoho dukiñ doke, Isrel ka halu alyañlenye mi sangii gyagiila.

METHU 21:21

Ho Jisu mohlumi lukotii, “Jijeloda, Ngo nunumi lukoso, nunu matiirḛ henje dokoda ho hemmo makoda, nunu taro sannii mika miiniiñ kontii mapa, nunu siika putoo siimi jalo ludo koda, ‘Sokii duhila yasie siimie ho duhahe,’ hii hiila lyikiñdo.

METHU 21:31

Siika anye sokii hu aba ka heniiñ chulipa miitii?” mohlu lutii, “Kapyobo.” Jisu mohlumi lutii, Jijeloda, Ngo nunumi lukoso, biijokajo myanii la pfyoaridiisunii atañ nunumi impyo yapa Pinii ka raddeganda ho indoke.

METHU 23:36

Jijeloda, Ngo nunumi lukoso, hikha siika atañsi siika santuñ rongeso ahkiñ doke.

METHU 24:2

Hojalo mo mohlumi lukotii, “Nunu hikha siika atañmi kappa do, kappa maha ehna? Jijeloda, Ngo nunumi lukoso, so yalañ puhe tiirḛ yalañ puheka hahoho dokiñ kuma, hiikahii giipa loko mapa.”

METHU 24:47

Jijeloda, Ngo nunumi lukoso, mo hikha mohka donii panii atañmi mohmi kabii kiine kendo.

METHU 25:12

Hojalo mo lusitii, Jijeloda, Ngo nunumi lukoso, Ngo nunumi chimake.

METHU 25:40

Ho Radde mohlumi luko lusi kendo, Jijeloda, Ngo nunumi lukoso, nunuka siika khiima janii ngiika anubarmii atañ mika kalyañ nii hii, nunu ngiimi ke kalyañ donii.

METHU 25:45

Ho mo lusi kendo mohlumi, Jijeloda, Ngo nunumi lukoso, nunu ngiika siika khiimaniija anubarmii kone mi kalyañ tama lutii koda hii ngiimi ke kalyañ tama lutiinii.

METHU 5:26

Jijeloda, Ngo nunumi lukoso, nunu lila kengku ma lodake nii dahepa nunu bime bijalye dapo tusa niimi bitema.

METHU 6:16

Ho niida nunu nyochi, heru busu kapa kakiñyo, apukahi hiilyañ, niimpalukoda mohlu mohluka nyimo mi moyo rusu dukiñla mihmi nyodo hiila kakiñdu. Jijeloda, Ngo nunumi lukoso, mohlupa ka ajunii juniimi mohlu latiiku.

METHU 6:2

Hopa, niidajalo nunu biliñ talyi, nunuka hataho siirii gyuke nelyayo, apukahi atañka sinagog ho lembo hoka miichañ ho, mohlu miyu atañlo assañ kodupa hiila miida. Jijeloda, Ngo nunumi lukoso, mohlu mohlupa ka ajunii juniimi latiiku.

METHU 8:10

Jisu siika luniiñmi mohkokii tapa lala, mo aluñtii, ho mohmika imbo monii atañmi lutii, “Jijeloda, ngo nunumi lukoso, sichuli henje ngo kone hetḛr kappa ma Isrel hotiirḛ.

MAK KA AYAPUYU 10:15

Jijeloda, Ngo nunumi lukoso, hujalopa Pinii ka raddeganda mi siika himme chulipa larii tama hii ahla kemma hiikaho.”

MAK KA AYAPUYU 10:29

Jisu lutii, “Jije, Ngo lukoso nunumi, kone hetḛr huna atohka ude malo anuabañ malo barmii malo annii-aba malo himme-oho malo aji mi apatiinii, ngiipa jalo ho aya puyu piigo pajalo,

MAK KA AYAPUYU 11:23

Jije, Ngo nunumi lukoso, hujalopa siika putoo simi luchi, Sokii gusu lila ho siimie ho huha he, ho ahha ho hemmo makoda, hojalo no nii lutii hiila lyikiñdo hiila henje dokoda, hiika hii mohpa miibi kendo.

MAK KA AYAPUYU 12:43

Ho mo mohka henjeajiñ atañmi mohko gyoliitii, ho mohlumi lutii, “Jijeloda, ngo nunumi lukoso, siika arroatu hiimie si abu japa tiicko aliibiine hikha soka tiicko alii binii atañmi hentola.

MAK KA AYAPUYU 13:30

Jijeloda, Ngo nunumi lukoso, siika santuñ rongesi santḛr kemma ke niida lohepa siika drih si lyitema.

MAK KA AYAPUYU 14:18

Ho mohlu diitananii ho dula diila dotii, Jisu lutii, “Jije, Ngo nunumi lukoso, nunuka punko hokii kone ngiimi talubalo kendo, kone ngiika agiñ hoka diibo laka dunii.”

MAK KA AYAPUYU 14:25

Jijeloda, Ngo nunumi lukoso, Ngo hiira tantema siika roahee ka alha siimi hiika allo lohepa nii dahepa Ngo Pinii ka raddeganda ho nitipa tante ma.”

MAK KA AYAPUYU 14:30

Ho Jisu mohmi lutii, “Jije, Ngo niimi lukoso, siho ayoh jaho, paro ronye khoma rampa, no ngiimi rohiñhe gollu kendoke.”

MAK KA AYAPUYU 14:9

Ho Jije, Ngo nunumi lukoso, nohjalopa ayapuyu mi luko talyi siika siipuñ so, mo nii miitii hiimi tiirḛ luko kendoke mohmi hempa hengi naniipa.”

MAK KA AYAPUYU 3:28

Jijeloda, ngo nunumi lukoso, hikha ingyamiigya mi hello bila kendo miyu ka Oho hii, ho nii nipakoya mohlu lusu tiijalo;

MAK KA AYAPUYU 6:11

Ho nii ganda na nunumi karii tama nii ho nunu luniiñmi tate manii, nunuka ilyi kuho, nunuka alih daka siimu giinii lohepa pipa siito kulya aya miima keha hiila luko lugiñ naniiñpa.”

MAK KA AYAPUYU 8:12

Ho mo mohka Yajiyallo ura ho uropa samo lala, ho lutii, “Niimpape siika santuñ si kagiñnanii medonii? Jijeloda, ngo nunumi lukoso, hang kagiñnanii kakiñ kemake siika santuñ mi.”

MAK KA AYAPUYU 9:1

Ho mo mohlumi lutii, “Jijeloda, Ngo nunumi ludu, so tonge danyada mohlu nii dahepa Pinii ka raddeganda ka harchichike giito laka ahniiñmi kappa tama mohlu shiikiñma”.

MAK KA AYAPUYU 9:41

Hopa jijeloda, ngo nunumi ludu, hujalo nunumi yasie ture tandupa bichi niimpalukoda nunu Kristo ka armyañ mi giido, mohka ajunii juko saniimi ichetiirḛ alyu siikiñ make.

LUK KA AYAPUYU 11:51

Abel ka ai hokii khiiri biila Zakariah kii lohepa, huna shiitii nii agyañ la dariinenchañ nyika punkoho. Ḛh, ngo lukoso nunumi, siika simi siika santuñ atañ kokiike anna kendonii.

LUK KA AYAPUYU 12:37

Lyanko kendo hiika miira atañ humina atoh hurola dupa kappa kendonii mohka ahlyi kuho; jijeloda, ngo nunumi lukoso, mo atoh mi giiju giitola ho mohlumi diigo diitananii ho duke nenkiñdo, ho mo ahla ho mohlumi miiho kendo.

LUK KA AYAPUYU 13:35

Kato, nunuka ude mi apatiiku ke. Ho ngo nunumi lukoso, nunu ngiimi kappa kemake niidayepa nunu lutema, ‘Lyanko kendo huna Attoh ka armyañ pa ahdonii!’”

LUK KA AYAPUYU 16:17

Hojalo siikasi dariiganda la kiiddiapiñ nyiya lyupyo yakiñdo, dapo hokii penyo pere keniiñ ka lyusa niimi hentola.

LUK KA AYAPUYU 18:17

Jijeloda, ngo nunumi lukoso, hujalopa Pinii ka raddeganda mi siika himme chuli larii tama hii ho ahla kemake.”

LUK KA AYAPUYU 18:29

Ho mo mohlumi lutii, Jijeloda, ngo nunumi lukoso, miyu kone hetḛr nyima huna udemi malo mihie mi malo anubarmii malo annii-aba mi malo himmeoho mi apatiinii, Pinii ka raddeganda ka piigopa,

LUK KA AYAPUYU 23:43

Ho mo mohmi lutii, “Jijeloda, ngo niimi lukoso, siilo no ngiika agiñho Diilyañdiiloganda ho chabo kendoke.”

LUK KA AYAPUYU 4:24

Ho mo lutii, “Jijeloda, Ngo nunumi lukoso, nyibuhenii kone hetḛr mo atoh gandaho khiiko ma.

JON KA AYAPUYU 1:51

Ho mo mohmi lutii, “Jijeloda, jijeloda, ngo niimi lukoso, no dariiganda mi yako dopa kappa kendoke, ho Pinii ka miidopopi mi tola ho chala miyu ka Oho ka hahoho.”

JON KA AYAPUYU 10:1

“Jijeloda, jijeloda, ngo nunumi lukoso, huna subuñdako ho alyeh pa amapa hojalo lembo byahe yapa giiha donii, hiika miyu hii diipyonii ho ronii;

JON KA AYAPUYU 10:7

Hopa Jisu hiira mohlumi lutii, “Jijeloda, jijeloda, ngo nunumi lukoso, ngo subuñ ka hagya ke.

JON KA AYAPUYU 12:24

Jijeloda, jijeloda, ngo nunumi lukoso, nii dahepa emmo elyañ kiiddi ho liihi tama ho shiitema, hii kontiisii dokañ siidunii; hojalo hii matiirḛ shiido koda, hiika hii abuje ahee hidu.

JON KA AYAPUYU 13:16

Jijeloda, jijeloda, ngo nunumi lukoso, miira hii atoh mi kahe yama ke; malo hiitiirḛ huna kiiniñ kotiinii mohmika kiiniñ bomi kahe yama ke.

JON KA AYAPUYU 13:38

Jisu lusitii, “No niika sango mi ngiipa hempa bichi ha? Jijeloda, jijeloda, ngo niimi lukoso, paro khokiñ make, nii dahepa no ngiimi rohiñhe mapah tama.

JON KA AYAPUYU 14:12

“Jijeloda, jijeloda, ngo nunumi lukoso, huna ngiimi henje talyinii hiitiirḛ ngiika miiniiñ chulipa miigo atañmi miikiñdo; ho siika atañ mitrḛ kayeya miigo miikiñdo, niimpalukoda ngo Aba ko ilyiku.

JON KA AYAPUYU 16:20

Jijeloda, jijeloda, ngo nunumi lukoso, nunu khekiñdo ho heru kendo, hojalo dohadolo hempyo kendo; nunu heru kendo, hojalo nunuka heru hii hempyopa lyiguh rikiñdo.

JON KA AYAPUYU 16:23

Hiika allo ho nunu ngiimi hang kukiñ kuma. Jijeloda, jijeloda, ngo nunumi lukoso, nunu matiirḛ niijalo Aba kokii kuchi, mo nunumi hiimi bikiñ doke ngiika armyañ pa.

JON KA AYAPUYU 21:18

Jijeloda, jijeloda, ngo niimi lukoso, niika yapa doho, no atoh atoh abitarii giila ho no inado inne; hojalo niika akha lyikuho, no niika alah mi lyuliñ bikiñdo, ho koneya niimi agii kendo ho no noh inama ho niimi ingii kendo.”

JON KA AYAPUYU 3:11

Jijeloda, jijeloda, ngo niimi lukoso, ngunu ludu niihmi ngunu chindo, ho hakipa dudu niihmi ngunu kappatii; hojalo no ngunuka pyakoniimi taliima.

JON KA AYAPUYU 3:3

Jisu mohmi lusitii, “Jijeloda, jijeloda, ngo niimi lukoso, nii dahepa konehii buti kotema, mo Pinii ka raddeganda mi kappa kema.”

JON KA AYAPUYU 3:5

Jisu lusitii, Jijeloda, jijeloda, ngo niimi lukoso, nii dahepa kone yasie la yajiyallo lo buko tama, mo Pinii ka raddeganda ho ahla kema.

JON KA AYAPUYU 5:19

Jisu mohlumi lutii, “Jijeloda, jijeloda, ngo nunumi lukosa, Oho mo attoh pa hang miila kema, hojalo Aba niihna miidonii hiimi kala lala kontiisii; niimpalukoda niijalo mo miido, hiimisii Oho miisu danii hii chulipa.

JON KA AYAPUYU 6:26

Jisu mohlumi lusitii, “Jijeloda, jijeloda, ngo nunumi lukoso, nunu ngiimi medo, nunu kagiñnanii kappa kopama, niimpalukoda nunu erre khedopa yatañ diibiine hopa.

JON KA AYAPUYU 6:32

Jisu ho mohlumi lutii, “Jijeloda, jijeloda ngo nunumi lukoso, hii Mose make nunu mika dariiganda hokiika yatañ biniibo; ngiika Aba nunumi jijeka yatañ dariiganda hokii bido.

JON KA AYAPUYU 6:47

Jijeloda, jijeloda, ngo nunumi lukoso, huna henjedonii hiiko santḛrlamanii sango doke.

JON KA AYAPUYU 6:53

Hopa Jisu mohlumi lutii, “Jijeloda, jijeloda, ngo nunumi lukoso, nii dahepa nunu miyu ka Oho ka apomi diitema ho mohka ai mi tantema, nunuko sango giimake;

JON KA AYAPUYU 8:34

Jisu mohlumi lusitii, “Jijeloda, jijeloda, ngo nunumi lukoso, hujalopa ingyamiigya da hii ingyamiigya ka miira ke.

JON KA AYAPUYU 8:51

Jijeloda, jijeloda, ngo nunumi lukoso, hujalopa matiirḛ ngiika aguñmi atiibiichi, mo shiigo mi kapa kema.”

JON KA AYAPUYU 8:58

Jisu mohlumi lutii, “Jijeloda, jijeloda, Ngo nunumi lukoso, Abraham mi kapyo yapa, ngo dato.”

1 PITAR 1:25

hojalo Attoh ka luniiñ hii ayudahepa dokiñdo.” Hiika luniiñhii ayapuyu ke nii mina nunuka punkoho tonsḛrkhenyo tiinii.

MIHUKAKIÑNIIÑ 20:11

Ho ngo kapato hempḛr puloo raddeduko ho mohmi huna hiiko dunii; mohka kadopa kiiddiapiñ la yapuñ nyi gopa giine, ho mohlupa hang ganda kapa kumane.