METHU 5:10 - NITI GONTU N.T. (BSI)

¹⁰ Lyanko kendo hiika atañ humina miihimiire biidonii Pinii henko dadula hiila, niimpalukoda mohluko dariiganda ka raddeganda hii do.

METHU 5:10 ပူးပေါင်းရင်းမြစ်များ

METHU 10:23

Niida nunumi taun koneho miihimiire talyi, kone yaho hargiitolya; niimpalukoda jijeloda, Ngo nunumi lukoso, nunu Isrel ka hikha taunho inja ladii make, miyu ka Oho ka ahma rampa.

METHU 19:14

hojalo Jisu lutii, “Himme atañmi ngiiko ahke nento, ho mohlumi lutiñyo; niimpalukoda dariiganda ka raddeganda hii mo lutañ payake.”

METHU 25:34

Ho Radde mohka lahbi dalyi hoka danii atañmi lukiñdo, Ahto, ngiika Aba ka Lyaniiñ atañ, nunupaka dohadolo mika pulyi jaho hokii ka miimyo tola donii raddeganda mi labii heku;

METHU 5:3

Lyanko kendo Yajiyallo arro atañ, niimpalukoda dariiganda ka raddeganda hii mohlukii.

MAK KA AYAPUYU 10:14

Hojalo Jisu hiimi kappa lala, mo herutii, ho mohlumi lutii, “Himme atañmi ngiiko ahke nento; mohlumi lutiñyo; niimpalukoda siika atañ sike Pinii ka raddeganda kii.

MAK KA AYAPUYU 10:30

hii lange abuyapa siika santuñ so kappa kendo, ude ho anubarmii, annii ho himme-oho, ho aji, miihimiire ka agiñho, ho ahsanii santuñ ho santḛrlamanii sango.

LUK KA AYAPUYU 21:12

Hojalo hikha siika atañka lyima rampa mohlu nunumi latu kendo ho miihimiire kendo, nunumi sinagog atañ ho la patiihude atañ ho bikiñdo, ho nunumi radde atañ la govonor atañ ko ahgii bikiñdo ngiika armyañ kiipa.

LUK KA AYAPUYU 22:29

ho Ngo nunumi biso, niihtañpa ngiimi ngiika Aba bitii, raddeganda mi,

LUK KA AYAPUYU 6:20

Ho mo mohka amee mi mohka henjeajiñ atañmi kacha lala, ho lutii: “Lyanko kendo nunu arro miyuhii, niimpalukoda Pinii ka raddeganda hii nunukii.

LUK KA AYAPUYU 6:22

Lyanko kendo nunu niida nunumi miyuatañ kanamapa miichi, ho nunu mika khiipa liilyiho ho nyapalyiho, ho nunuka armyañ mi diimmah hiila khiipa liilyiho, miyu Oho ka piigopa!

JON KA AYAPUYU 15:20

Henge giitolya dohadolo mi ngiika nunumika luko niimi, ‘Miira hii atoh mi kahe yama ke.’ Mohlu matiirḛ ngiimi miihimiire dokoda, mohlu nunumi miihimiire kendo; mohlu matiirḛ ngiika aguñmi atii biido koda, mohlu nunuka aguñ mitrḛ atii biikiñ doke.

MIINIIÑ 5:40

Hopa mohlu mohka luniiñmi tatii, ho mohlu kiiniñkonii atañmi gyolii lala, mohlu mohlumi hitii ho mohlumi lubiido siika Jisu ka armyañ ho luyo hiila, ho mohlumi inke nentiiku.

MIINIIÑ 8:1

Ho Sol mohka shiiniiñ mi ḛh hiila talii biido Ho hiika allo ho hempḛr uro miihimiire miiri nyatii Jerusalem daka gyoliñkonii atañmi; ho mohlu hikha harpya harsa haja giitii Judia ho Samaria gandaho, kiiniñkonii atañmi apalala.

2 KORINTIA 4:17

Niimpalukoda siika attahepa ka herumyanka hii ngunupa lyula samanii tatukatu mi miimyo bido hiika hii hang khiitiñ lasa manii,

PILIPIA 1:28

ho biisomapa hangdrihpa nunumika cheriinii atañmi. Siikasi mohlumi didḛrpa kamyo kuniiñke mohluka pyadu loko saniimi, hojalo nunuka sangopyako hii, ho hiikahii Pinii kokiike.

2 TIMOTI 2:12

ngunu matiirḛ pigii dokoda, ngunu mo agiñho sangii monkiñdo; ngunu matiirḛ mohmi mapa dokoda, mo tiirḛ ngunumi mapa kendo;

2 TIMOTI 3:11

ngiika miihimiire koniiñmi, ngiika heru heniiñmi, niihna ngiiko lyinenii Antiok ho, Ikonium ho, ho Laistra ho, niihtañ miihimiire ngo pitto; hojalo hikha hiika atañ hokii Attoh ngiimi papya tiiku.

JEMS 1:12

Lyanko kendo hiika miyu huna tenka niimi pigiiladonii, niimpalukoda mo tenka niimi datḛr giido koda mo sango ka tayyiñbyopa mi kapa kendo nii mina Pinii hemme bitola donii huna mohmi hendo nii.

JEMS 5:11

Kato, ngunu mohlumi hempyo hiila gyodu hutiina ranttiniinii. Nunu Job ka rantiniimi tapa tiido, ho nunu Attoh ka piigo mitrḛ kapa tiido, niihtañpa Attoh arohne ho aroh tii.

1 JON 3:12

ho Ken chuli masa huna diimmah kokii nii ho atoh ka anu mi mensu tii. Ho niimpa mo mohmi membiine? Niimpalukoda mohka atoh miiniiñ hii diimmah ho mohka anu hii denki tii.

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.