METHU 3:11 - NITI GONTU N.T. (BSI)

¹¹ “Ngo nunumi yasie lo baptisma bidu henkur kiine dupa, hojalo ngiika kiiliñ hoka ahnii bo ngiimi tamo-chikho yanii; ngo mohka nyotananii mika biilya binii patḛr lyima. Mo nunumi Darii Yajiyallo la yamu lo baptisma bikiñ doke.

METHU 3:11 ပူးပေါင်းရင်းမြစ်များ

METHU 3:6

ho mohlu mohlo baptisma bikotii Jordan kiiley ho, mohluka ingyamiigya mi khako siibii dola.

MAK KA AYAPUYU 1:4

Jon baptisma biniibo zabyo ho lintii, tonsḛrkhenyo tii henkur niika baptisma lanii mi ingyamiigya atañ hokii hello koku saniiñmi.

LUK KA AYAPUYU 1:17

ho mo mohmi impyo yapa inkiñdo yajiyallo la Elija ka harchichikelo, ho aba ka ahha mi wiinga atañ kii dalyi henga dopa, ho luniiñ tamanii atañmi chila denki kii dalyi, Attoh pa miyu atañpa miimyo bidupa miinyatii.

LUK KA AYAPUYU 3:16

Jon mohlumi lusitii, “Ngo nunumi yasie lo baptisma bidu; hojalo ngiimi tamo-chikho yanii kone ahkiñdo, Ngo mo agiñho mohka luku rappo nanii mitrḛ tapya binii patḛr lyimake; mo nunumi Darii Yajiyallo la yamulo baptisma bikiñ doke.

LUK KA AYAPUYU 3:3

ho mo hikha Jordan gandaho intii, tonsḛr khenyotii henkur niika baptisma lasa niimi ingyamiigya atañ hokii ka hello koku saniiñ mi.

JON KA AYAPUYU 1:15

(Jon mohpa haki lyibitii, ho gyutii, “Siikasi hiike humina ngo lutonii, ‘Mo huna ngiika hiiba ho ahdonii ngiimi kaye yake, niimpalukoda mo ngiimi kapyo yatii.’”)

JON KA AYAPUYU 1:30

Siikasi hiike humina ngo lutonii, Ngiika hiiba ho miyu kone ahkiñdo ngiimika kaye yanii, niimpalukoda mo ngiimika kapyo yanii.

MIINIIÑ 1:5

Jon yasie lo baptisma bitii, hojalo allo abu loma rampa nunu Darii Yajiyallo lo baptisma biko kendoke.”

MIINIIÑ 19:4

Ho Pol lutii, “Jon baptisma bitii henkur niika baptisma, miyu atañmi lukola henjeto hiimi huna ngiika kiiliñ ho ahkiñ donii, hiika hii, Jisu.”

MIINIIÑ 8:36

Ho mo anye lembo ila dokele mo anye yasie aruñho ahtii, ho eunuch lutii, “Kato, si yasie! Nii ngiika baptisma lasa niimi lutiñ lakiñ kendo?”

MIINIIÑ 8:38

Ho mo goragari mi domo tote hiila lubiido, ho anyeru tola yasie ho ahtii, Pilip la eunuch nyi, ho mo mohmi baptisma bibiido.

1 KORINTIA 12:13

Niimpalukoda Yajiyallo konelo ngunu hikha baptisma bikotii apo koneho-Jew atañ malo Grik atañ, miira atañ malo dasḛr danii atañ-ho hikha rumi miitii Yajiyallo kone mi tandopa.

IPISIA 3:8

Ngiimi, lusudokoda ngo atujasu hikha piniimiyu punkoho, siika aroh-aya mi bitii, Midomiyu atañmi tonsḛrkhenyo dopa Kristo ka mechilamanii mingomi,

TAITAS 3:5

mo ngunumi lyangur tiiku, ngunuka denki hoka miigo miiniiñ kopama, hojalo mohka aroh ka henjukopa sii, asekula aya yadopa ho nitidopa miitiiku Darii Yajiyallo ho,

1 PITAR 5:5

Hiichulipa nunu anubarmii atañ amiabañ ka luniiñ tato. Atoh mi ahgii siinyato, hikha nunu, yanu paka heniiñmi koneanyañ pa, niimpalukoda “Pinii hentii siiniiñmi kamake, hojalo atupaka hensu bomike aroh-aya mi bidunii.”