METHU 26:55 - NITI GONTU N.T. (BSI)

⁵⁵ Hiika myodu ho Jisu miyu atañmi lutii, “Nunu diipyo niimika miichañho miipa ahdunii, ilyo la gyambo pana naniimi biitola ngiimi latupa ahdunii? Allo loliñ karmyañmi ngo piniiude ho dula tonsḛrto, ho nunu ngiimi latuma.

METHU 26:55 ပူးပေါင်းရင်းမြစ်များ

JON KA AYAPUYU 8:2

Arokonchi ho hiira mo piniiude ho ahtii; hikha miyuatañ mohko ahtii, ho mo duhatii ho mohlumi tonsḛrtii.

MAK KA AYAPUYU 12:35

Ho Jisu piniiude ho tonsḛr la dola, mo lutii, Niihtañpa pagenii atañ lula kendo Kristo David ka oho hiila?

JON KA AYAPUYU 7:28

Hopa Jisu gyukotii, piniiude hoka mo tonsḛr toncha ho, “Nunu ngiimi chindo, ho nunu chindo ngo nohkii ahdo hiila? Hojalo ngo atoh pa ahsu make; mo ngiimika kiiniñ bo jije ke, ho mohmi nunu chima.

JON KA AYAPUYU 7:14

Dituñ solaka dorañho Jisu piniiude ho chatii ho tonsḛrtii.

METHU 21:23

Ho mo piniiude ura ho ahkele, nyibu burii atañ la amiabañ atañ mohko ahtii mohka tonsḛr laka doho, ho lutii, “Nii otority la no siika atañ siimi miidu, ho hu niimi siika otority mi miidopa bitii?”

METHU 26:47

Mohka lula dorañpa, Judas ahtii, alyañlenye hokii kone, ho mohka agiñho hempḛr miyu taropa ilyo ho gyambo pana nanii biitola, nyibu burii atañ la miyu atañka amiabañ atañ kokii.

MAK KA AYAPUYU 10:1

Ho mo hiika hiimi apatela ho Judia gandaho intii ho Jordan mitrḛ impo yala, ho hiira miyuabuje mohmi bumpu biitii; ho hiira, mohka muju paka lyitiinii, mo hiira mohlumi tonsḛrtii.

LUK KA AYAPUYU 4:20

Ho mo kheta mi bepiñ tiiku, ho hiimi hoka dabii bomi bikur tiiku, ho duha tiiku; ho hikha sinagog hoka dunii atañka amee mohmi kadi nyatii.

LUK KA AYAPUYU 19:47

Ho mo allokamya mi piniiude ho tonsḛrtii. Nyibu burii atañ la pagenii atañ ho miyu atañka akho atañ mohmi pyadu lodu pa hiila metii;

LUK KA AYAPUYU 20:1

Allo lohe, mo miyu atañmi piniiude ho tonsḛrla ho ayapuyu mi tonsḛrkhenyo la dakele, nyibu burii atañ ho pagenii atañ amiabañ atañ agiñho chatii

JON KA AYAPUYU 8:20

Siika aguñ atañmi alḛrdrih atii koho lutii, piniiude ho mohka tonsḛr nii chulipa; hojalo kone hetḛr mohmi latu matii, niimpalukoda mohka myodu hii ahma tiirañ.